Izaya 66:5 - BIBLIYA NTAGATIFU OMU MASHI

⁵ Yumvagi akanwa ka Nyakasane, mw’oyo mwe murhînya akanwa kâge! Balya bene winyu bammushôshôba banammulibirhakwo izîno lyâni lirhuma, bàdesire, mpu: «Nyakasane ayêrekanage irenge lyâge, lyo nîrhu rhubona obusîme bwinyu!» Cikwône bo enshonyi zabumba!

Izaya 66:5 ပူးပေါင်းရင်းမြစ်များ

1 Bâm 21:29

«K’obwîne oku Ahabu anacirhôhize embere zâni? Bulya amacîrhôhya embere zâni, obwôla buhanya burhaciyîshe anacibamwo omûka, ci hano omugala ayîma lyo obuhanya bwayîshira enyumpa yâge».

2 Bâm 22:10

Kandi omwandisi Shafani anacibwîra mwâmi ogu mwanzi erhi: «Omudâhwa mukulu anampîre ecitabu». Shafani acirhôla arhondêra okucisomera mwâmi.

2 Nganîro 34:27

“kulya kubà omurhima gwâwe gwa babîre, na nâwe wêne wacîrhôhize embere za Nyamuzinda omu kuyumva e byôla binwa byaderhagwa kuli ahôla hantu na oku bantu bahayûbaka, kulya kubà wacîrhôhize embere zâni, wanasharhangula emyambalo yâwe, wanalakira emunda ndi, nâni nakuyumvîrhîze, Nyamubâho okudesire”.

Ezra 9:4

Aha burhambi bwâni banacilambûkiraho nabo balya banali balumirwe n’ebinwa bya Nnâmahanga w’Israheli erhi bubî bw’abo bâli balulize burhuma; nâni nanaciyôrha ncigonyire kuhika oku nterekêro y’ebijingo.

Ennanga 119:120

Ndwîrhe nageramwo omusisi erhi kurhimanya kurhuma, ngwêrhwe n’obwôba bw’akanwa waderhaga.

Ennanga 38:20

Ci balya banshombera obusha bali badârhi, n’abarhambonakwo guli mwandu.

Migani 13:13

Ogaya ihano erhi muhera, okenga irhegeko ye wanacira.

Lwimbo 1:6

Murhalolaga omubiri gwâni mwîru, izûba eryo lyambabaga? Bagala ba nyâmà abâla bandubiraga, banjira mulanzi wa mizâbîbu. Elyani ishwa ly’emizâbîbu ntalilangaga!

Izaya 26:11

Yâgirwa Nyakasane, okuboko kwâwe kuli kulambûle, ci bôhe barhadwîrhi bakubona! Bacibona kurhi oyâgalwa n’olu lubaga, n’enshonyi zibabumbe! Nêci, omuliro gurheganyizîbwe abanzi bâwe, nabo gwâbafonfomera!

Izaya 5:19

Bo balya bakaz’iderha, mpu: «K’arhajiraga duba! K’ebi ajira arhabijiraga nîrhu rhukabona! Guyishage gunayunjule gulya muhigo gw’Omutagatîfu w’Israheli, nîrhu rhumanye!»

Izaya 60:15

Ahâli h’okubà cijandagwa, mushombwa buzira owaderha mpu akugeraho, nkola nâkujira lukengwa lw’ensiku n’amango na nsîko ya busîme kurhenga oku iburha kujà oku lindi.

Izaya 65:13

Co cirhumire aderha ntyâla Nyakasane Nyamubâho; Alà oku abarhumisi bâni bâbona eci balya oku mw’oyo mwâhungumuka n’ishali! Alà oku abarhumisi bâni bâbona eci banywa oku mw’oyo mwafà n’enyôrha! Alà oku abarhumisi bâni bahama n’omwîshingo oku mw’oyo enshonyi zammubumba!

Izaya 66:2

Ebyôla byoshi maboko gâni gabijiraga, biri byâni ebyôla byoshi, Nyakasane okudesire. Alaga oyu ndolakwo: omukenyi n’omunyinyi, ogeramwo omusisi omu kuyumva oluderho lwâni.

Yeremiya 36:16

Erhi babà bamâyumva ebinwa byoshi, barhemuka, balolanakwo, babwîra Baruki, erhi: «Kukwânîne rhujimanyîsa mwâmi byoshi».

Hozeya 11:10

Abàlilulizîbwe bayishire bashimbire Nyakasane, naye àja àlumba nka ntale; nêci, àlumba, n’abâna bâge bayishe bashagamusire kurhenga ebuzikiro bw’izûba.

Mateyo 10:22

Mwâshombwe na boshi, erhi Izîno lyâni lirhuma; ci owacîkanyekanye kuhika buzinda ye wayish’icunguka.

Luka 13:17

Erhi aderha ntyo, enshonyi zagwârha abashombanyi bâge boshî, ci olubaga lwôhe lwoshi lwasîma ebirhangâzo byoshi akâg’ijira.

Yowane 16:2

Baciyish’immuhulusa omu masinagogi, ciru amango gayiruka, ngasi owâmmuyîrhe amanye mpu kuli kukolera Nnâmahanga.

Yowane 9:34

Bamushuza, mpu: «Kurhenga omu nda ya nyoko erhi oyunjwîre byâha, onakola mpu warhuyigîriza!». Banacimulibirhakwo.

2 Tesalonika 1:12

ntyo izîno lya Nnawîrhu Yezu likuzibwe muli mwe, ninyu muli lyo, oku lugero lw’engalo ya Nyamuzinda wîrhu na Nyakasane Yezu Kristu.

Tito 2:13

oku rhudwîrhe rhwalinga okubona lirya iragi rhulangalîre n’okucîyêrekana kw’irenge lya Kristu Yezu, Nyamuzinda wîrhu mukulu bwenêne na Muciza wîrhu,

Bahabraniya 9:28

ntyo Kristu naye àcîhânyire nterekêro liguma lyône, mpu azâze ebyâha bya bantu banji; âyaciboneke lindi liguma buzira câha, mpu alêrhere abamulinda obucire.

1 Yowane 3:13

Bene wîrhu, murhasômeragwa igulu lîka­mmushomba.