Izaya 66:18 - BIBLIYA NTAGATIFU OMU MASHI

¹⁸ Nie ono mmanyire ebijiro byâbo n’enkengêro zâbo. Nyishir’ishûbûza amashanja goshi n’abantu ba ngasi lulimi, bayisha babone irenge lyâni.

Izaya 66:18 ပူးပေါင်းရင်းမြစ်များ

Ayubu 42:2

Mmanyire oku Oli Ogala-byoshi, n’omuhigo gwâwe wanahash’iguyunjuza.

Ennanga 139:2

Ntamîre, nyimanzire, orhahabiri, enkengêro zâni oku ziciri kulî, erhi okola ozimanyire;

Ennanga 67:2

Nyakasane Nyamuzinda arhubabalire anarhugishe, arhumolekere n’obusù burhulwîre.

Ennanga 72:11

N’abâmi b’igulu lyoshi bamuharâmya, amashanja goshi gâmukolere.

Ennanga 72:17

Izîno lyâge lyâgishwa ensiku n’amango, oku izûba licibasha, erhi ho n’izîno lyâge libà. Emilala yoshi y’igulu yâgishirwa muli ye, amahanga goshi gâmuderha muny’iragi.

Ennanga 82:8

Nnâmahanga, yimuka otwîre igulu olubanja, bulyâla amashanja goshi we Nnago.

Ennanga 86:9

Amashanja walemaga goshi, gayisha gakuharâmye, Nyamwagirwa, ganamanyise izîno lyâwe.

Ennanga 94:11

Kàli Nyakasane arhahabiri enkengêro z’abantu:

Ennanga 97:6

Amalunga gadwîrhe gaganîra obushinganyanya bwâge, n’amashanja goshi gabwîne irenge lyâge.

Izaya 11:9

Ntà bubî na ntà buligo bwacikolwe oku ntondo yâni ntagatîfu yoshi, bulya ecihugo cayunjula bumanye bwa Nyakasane, nka kula omuhengere gw’enyanja guyunjulira mîshi.

Izaya 2:2

Kwânacibe, omu nsiku zayisha, entondo y’aka-Nyamuzinda yâhirwa enyanya y’ezindi ntondo, erhaluke orhurhondo rhwoshi. Amashanja goshi gayish’ikâshubûkira emunda eri.

Izaya 37:28

“Okayimanga erhi okatamala, okahuluka wagenda erhi okagaluka, mmanyire, ciru n’amango onkunirîre”.

Izaya 40:5

Okubundi irenge lya Nyakasane lyâciyêrekana na ngasi muntu âlibona, bulya kanwa ka Nyakasane kakudesire».

Izaya 45:22

Muyêrekerage emunda ndi, lyo mucira mwe bihugo byoshi by’en’igulu! Bulya nie Nyamuzinda, ntà wundi!

Izaya 52:10

Nyakasane abwîkwîre okuboko kwâge kutagatîfu embere z’amashanja goshi, n’ebihugo byoshi by’ebuzinda bw’igulu byabwîne obucire bwa Nyamuzinda wîrhu.

Izaya 55:8

Bulya enkengêro zâni zirhali zo nkengêro zinyu, n’enjira zâni zirhali zo njira zinyu, kwo adesire Nyakasane

Izaya 56:8

“Kwo adesire ntyâla Nyakasane Nyamubâho, oshûbûza bene-Israheli bâli bashandabîne: Nâshûbûliza abandi haguma na balya bâli bamâshubûka.”»

Izaya 57:12

Cikwône nâyâliza obushinganyanya bwâwe n’emikolo yâwe, eyi orhakulagamwo bunguke buci.

Izaya 59:7

Amagulu gâbo kugend’ijira amabî galibirhira, barhanahimwa okubiduha nka bagend’ibulaga omukò gw’omwêru-kwêru. Enkengêro zâbo ziri za mabî gône; okushanda n’okunyaga byône bibî omu njira zâbo!

Izaya 65:2

Ngasi lusiku nakâlambûlira amaboko gâni ebwa lubaga lw’entumva, ebwa balya bakulikira enjira mbî omu kushimba amîru gâbo.

Izaya 66:10

Cîshingi mweshi na Yeruzalemu, shagaluki erhi ye orhuma, mweshi mwe mumuzigira! Yunjuli busîme haguma naye, mweshi mwe mwâli omu mishîbo haguma naye!

Yeremiya 16:17

Bulyâla amasù gâni gadwîrhe gabona enjira zâbo: zirhali nfulike, n’obugoma bwâbo burhankacîfulika omu masù gâni.

Yeremiya 3:17

Ago mango, Yeruzalemu bakazimuderha «Ntebe ya Nyakasane», mwo amashanja goshi gabugânana, oku izîno lya Nyakasane; garhânacizige gahârhanwa n’omurhima gwâbo mubî.

Ezekiyeli 38:10

Ntyâla kwo adesire Nyakasane Nyamubâho, erhi: «Muli ago mango wâbà na nkengêro nyinji emurhima, onarhole emihigo mibî.

Ezekiyeli 39:21

Nayêrekana irenge lyâni omu mashanja, n’amashanja goshi gânabona ku­erhi nâtwa olubanja na kurhi nâbahà obuhane n’okuboko kwâni.

Yoweli 3:2

“Mw’ezo nsiku, ciru n’abajà n’abajà-kazi, nâbadubulirakwo Mûka gwâni”.

Amosi 5:12

Bulya mmanyire oku amabî ginyu gàli manji, n’ebyâha binyu biri binene. Mwe mulibuza omushinganyanya, mwe mujà mwanyaga, mwe muku­mîra omukenyi oku lumvi.

Zakariya 14:16

Ngasi bâfulumuke ba ngasi ishanja lyàlwisagya Yeruzalemu, bâyish’ikârherekêra ngasi mwâka, bâyish’ikomera Nyakasane kagasha, bânajire olusiku lukulu lw’Ebihando.

Malakiya 1:11

Kurhenga ebushoshôkero bw’izûba kuhika ebuzikiro bwâlyo, abantu ba ngasi lubero bayishi obukulu bwâni. Ngasi hoshi hoshi bayôca enshangi oku irenge lyâni, bandêrhere n’entûlo zinkwânîne. Nêci, niono Nyakasane ndesire oku amasha­njà goshi gayishi obukulu bwâni.

Mateyo 12:25

Yezu erhi acimanya enkengêro zâbo, ababwîra, erhi: «Ngasi bwâmi buciberamwo, kukulumba bukulumba; na ntà cishagala erhi nyumpa ecibeziremwo eyimanga.

Mateyo 9:4

Naye Yezu erhi acîbona enkengêro zâbo, aderha, erhi: «Bici mudwîrhe mwakengêrera amabî omu mirhima yinyu?

Luka 5:22

Yezu abona enkengêro zâbo, abashuza, erhi: «Cirhumire mukengêra ntyo omu mirhima yinyu?

Yowane 17:24

Larha, nnonzize abà wampîre nabo babè nâni aha ndi, lyo babona irenge wampîre, bulya wanzigîre embere z’okulemwa kw’igulu.

Yowane 5:42

“Ci mmanyire oku murhajira buzigire bwa Nnâmahanga”.

Barom 16:26

Ci lêro buno likola limanyîkîne, n’oku bulonza bwa Nnâmahanga oyôrha abâho emyâka n’emyâka, oku burhabâle bw’amandiko g’abalêbi, lyahisire omu mashanja goshi mpu balimanye, lyo bashimba enjira y’obuyêmêre.

1 Bakorinti 3:20

na kandi, mpu: «Nyakasane ayishi enkengêro z’abashinganyanya»; arhahabiri oku ziri za busha.

Lushika 31:21

“Ci kwône amango amahanya n’amaligo garhakaganjwa gâbà gamamurhindakwo, olu lwimbo lwamuyagîriza nka caliho bulyâla lurhâyibagirwe omu kanwa k’iburha lyâge. Nêci, mmanyire emihigo agwêrhe ene n’obwo ntacimuhisa omu cihugo nalaganyagya b’îshe nti nabahâco”».

Bahabraniya 4:12

Nêci, oluderho lwa Nyamuzinda bubà buzîne, lurhagaluka, lunayojihire kulusha engôrho ya môji abiri. Lunywengerera kuhika aha ngabiro y’obuzîne n’omûka, y’enjingo n’omwonko, lunayishi entimanya n’enkengêro z’omurhima.

Mafulûlo 11:15

Okubundi Malahika wa kali-nda abûha omu mushekera; emalunga yabà ecihôgêro c’amazù manênênè, gakaz’iderha, mpu: «Obwâmi bw’igulu bukola buli bwa Nnawîrhu bwoshi na Kristu wâge, anakolaga arhegeka omu myâka n’emyâka!»

Mafulûlo 2:13

Ntahabiri aha oyûbaka; ho entebe ya Shetani ebà. Izîno lyâni oligwêrhe buzibu, orhanahakanaga bwanyêmêra, ciru na mwo zirya nsiku omuhamîrizi wâni w’okunali Antipa anigira­gwa emwinyu, eyo munda Shetani ayûbaka.

Mafulûlo 2:2

Ebijiro byâwe mbimanyire, oku oluha kwoshi n’oku ozibuha; mmanyire oku orhankahash’ilembera ababî, n’oku balya bacîderha ntumwa n’obwo barhalizo wabarhangwîre, washanga bali banywesi.

Mafulûlo 2:9

Mmanyire amalibuko gâwe n’obukenyi bwâwe - ci oli muhirhi! - n’ebijâci ojâcirwa na balya bacîhamba mpu Buyahudi, n’obwo barhali bo, ci ndêko ya Shetani.