Izaya 64:3 - BIBLIYA NTAGATIFU OMU MASHI

³ Ntà mango bal’isâg’iyumva, ntà mango bal’isâg’ibwîrwa, nt’isù lyal’isâgibona oku hali owundi Nyamuzinda aha nyuma zâwe, wankahash’irhabâla omuntu ocimwîkubagira.

Izaya 64:3 ပူးပေါင်းရင်းမြစ်များ

2 Samweli 7:23

Ndi oli nka olubaga lwâwe, ndi oli nka Israheli yâgirwa, ishanja liguma toro eri alijirîremwo eby’okurhangâza, bunguke bw’igulu burhuma. Wakungusha embere z’olwo lubaga warhenzagya e Mîsiri, amashanja na banyamuzinda bâbo bw’obwîhambi.

Ennanga 106:22

Owakolaga ebingana halya omu cihugo ca Kamu, anajirira eby’okurhangâza aha Nyanja Ndukula,

Ennanga 66:3

Mubwîre Nnâmahanga, mpu: «Emikolo yâwe eri ya kurhangâza!» mpu: «Okuluga kw’obuhashe bwâwe, kunarhume abashombanyi bâwe bayish’ikushiga.»

Ennanga 66:5

Mukanye mubone ebi Nyamuzinda àkozire, biri bya kurhangâza ebi àjizire omu karhî k’àbàbusirwe!

Ennanga 68:8

Nnâmahanga, bulya agenda oshokolîre olubaga lwâwe, bulya olugerana omu mpinga,

Ennanga 76:12

Mujire ebiragâne mubirhûle Nyakasane Nnâmahanga, abâli eburhambi bwâge barhûle Nyamuzinda entûlo.

Lubungo 34:10

Nyakasane aderha; erhi: «Nkola nafundika endagâno, najira ebirhangâzo embere ly’olubaga, birya birhasagiboneka ciru n’eliguma omu mashanja, n’olu lubaga lwoshi olimwo lwabona ebijiro bya Nyakasane, bulya biri bya kujugumya ebi nakola n’okuboko kwâwe!

Izaya 5:25

Okwo kwarhuma oburhè bwa Nyakasane buyâkira olubaga lwâge, âlulengereza okuboko ânaluhimbaguliza; entondo zâgeramwo omusisi n’emirhumba y’abantu yalambama omu njira nka camvu. Ci okola kurharhuma oburhè bwâge bwarhûla n’okuboko kwâge kurhayôrha kula­mbûle.

Izaya 64:1

Nka kula omuliro gugulumiza enshâli, erhi nka kula gunabirundula obwâlike, lyo omanyîsa izîno lyâwe emwa abashombanyi bâwe: amashanja goshi gàjuguma embere zâwe.

Habakuki 3:3

Nyamuzinda ayishire kurhenga e Temani, Nyamuzinda Mwimâna ayishire ebwa ntondo za Parani. Obukuze bwâge bubwikire amalunga, n’igulu lyoshi liyunjwîre irenge lyâge.

Habakuki 3:6

Akayimanga, igulu linadirhimane, amâlola oku mashanja gamâgeramwo ogwa nyugunyu. Entondo z’ensiku n’amango zamârhembagana, orhurhondo rhwa mîra rhwahahanyusire, zo zàli njira akâg’igeramwo burhanzi.

Lushika 10:21

Ye irenge lyâwe, ye Nyamuzinda wâwe, ye wakujiriraga birya binene na bidârhi amasù gâwe gàbonaga.

Lushika 4:34

Ka hali owundi nyamuzinda okola ôyishire alilonza ishanja omu karhî k’erindi ajira eby’okurhangula, ebimanyîso, ebisômerîne anatula entambala n’enfune nzihun’okuboko kula­mbûle ajira eby’okuyôbohya nka kulya Nyamubâho Nyamuzinda winyu àmujiriraga e Mîsiri, erhi mwanasinza?