Izaya 6:2 - BIBLIYA NTAGATIFU OMU MASHI

² Baserafi bali bayimanzire aha nyanya zâge, na ngasi muguma ali agwêrhe byûbi ndarhu: bibirhi bya kucîbwîka obusù, bibirhi bya kucîbwîka amagulu na bibirhi bya kubalala.

Izaya 6:2 ပူးပေါင်းရင်းမြစ်များ

Murhondêro 17:3

Abramu anacikumba bûbi, na Nyamuzinda amubwîra, erhi:

1 Bâm 19:13

Erhi Eliya ahiyumva, acîfunikira obusù n’ecishûli câge, ahuluka, ayimanga aha lusò lwa lulya lwâla. Okubundi, izù lyanaciyumvikana, lyamubwîra mpu: «Eliya, bici wajira kuno?»

1 Bâm 22:19

Mikeyo erhi: «Yumvagya akanwa ka Nyakasane: Nabwîne Nyakasane atamîre oku ntebe yâge n’omurhwe gw’e mpingu goshi erhi gumuli eburhambi, ebwa kulyo n’ebwa kumosho.

1 Bâm 6:24

Cûbi ciguma ca malahika càli ca makoro arhanu n’ecindi naco càli ca makoro arhanu; kurhenga ebuzinda bw’ecûbi kuhika ebuzinda bw’ecindi gali makoro ikumi,

1 Bâm 6:27

Salomoni anacihira balya bamalahika oku bali babirhi omu nyumpa y’omu ndalâlà, cûbi ca muguma cahuma kuli cirhebo ciguma, ecûbi c’owundi malahika cahuma oku cindi n’ebindi byûbi byayerekerana omwôla ndalâlà y’enyumpa.

1 Bâm 8:7

Abôla bamalahika bali balambûlire ebyûbi byâbo enyanya ly’ahôla bali bagwâsirwe okuhira omucîmba gw’amalaganyo ntyo bamalahika babwikira omucîmba n’emishumi yago.

Nehemiya 9:6

Wêne Yâgirwa Nyakasane, we walemaga empingu, amalunga g’amalunga, na ngasi binabayo byoshi, n’igulu na ngasi binabamwo byoshi, we walemaga enyanja na ngasi ebi zijira byoshi, wêne w’ehà ebyo byoshi obuzîne n’ebiremwa by’empingu binakukuze.

Ayubu 1:6

Lêro lusiku luguma bene Nyamuzinda, bayish’isengera Nyamubâho, omushombanyi Shetani naye, abayisha ekarhî.

Ayubu 15:15

Lolà oku ciru abatagatîfu bâge arhacikubagirabo, n’amalunga garhabà mêru-kwêru omu masù gâge.

Ayubu 4:18

Ciru Nyamuzinda arhacîkubagira lwoshi bambali bâge, na bamalahika anababonekwo obubî.

Ennanga 103:20

Mukuze Nyakasane mwe bamalahika bâge mweshi, mwe ntwâli zâge, mwe mujir’akanwa kâge, mwe muyumva izù lyâge mumukuze.

Ennanga 104:4

Empûsi wazijira ntumwa zâwe n’engulumira bashuba baganda bâwe.

Ennanga 18:10

Anaciyûnamya amalunga, àyandagala, ecitù ciru ciru aha magulu gâge.

Ennanga 89:7

K’omu bitù muli owakagererwakwo Nyakasane? Ndi oli aka Nyakasane omu karhî ka Bene-Nyamuzinda?

Lubungo 25:20

“Ebyûbi by’abôla bakerubi bishanjûkire enyanya, bakaz’ibwîkira omufûniko n’ebyûbi byâbo bayerekerane bombi, bakazilola ebwa mufuniko”.

Lubungo 3:6

Ashubiderha, erhi: «Nie Nyamuzinda wa sho, Nyamuzinda w’Abrahamu, Nyamuzinda w’Izaki, Nyamuzinda wa Yakôbo.» Mûsa acîhundikira obusù, bulya ali ayôbohire okulolakwo Nyamuzinda.

Lubungo 37:9

Ba-kerubi bàli balambwîre ebyûbi byâbo enyanya n’okubwîkira omufûniko, bàli bayerekerine, banakazâg’ilola ebwa mufûniko.

Izaya 6:6

Okuhandi muguma wa muli balya Baserafi ayisha abalalira emunda ndi, erhi afumbasire isèsè adahulaga n’orhugondôzo oku muliro g’oku luhêro.

Ezekiyeli 1:11

Ebyûbi byâzo bilambûkîre enyanya. Ngasi nguma yali egwêrhe byûbi bibiri bilungîne na bindi bibiri bibwikîre omubiri gwâyo.

Ezekiyeli 1:24

Nanaciyumva olubî lw’ebyôla byûbi byâzo: erhi zabâga zagenda, lwàli nka lubî lwa mîshi manene gavongoboka, nk’izù ly’Ogala-byoshi; lwàli nka lubî lwa mwandu gwa bantu, nka lubî lwa murhwe gwa balwî. Erhi zayimanganga zinafunye ebyûbi byâzo.

Ezekiyeli 1:4

Nakâg’isinza: kwanaciyisha empûsi yakâg’ihûsa kurhenga olunda lw’e mwênè, càli citù cinênênè càli ciyunjulîne bulangashane bwa muliro n’omu kâgarhî gw’ogwo muliro mwakazâg’irhenga engulumira eri nka njuma ya lubula.

Ezekiyeli 1:6

Zàli zigwêrhe ngasi nguma malanga anni na ngasi nguma byûbi bini.

Ezekiyeli 1:9

Ebyûbi byâzo byàli bilungîne ngasi ciguma oku câbo. Zirhakazâg’ihindamuka erhi zabâga zagenda, ci ngasi nguma yakag’ijà embere yayo.

Ezekiyeli 10:16

Erhi bakerûbi bàgendaga bajà embere, nayo eyôla mizizi enaje embere aha burhambi bwâbo, erhi bamalahika bashanjûlaga cebyûbi bàbalala, eyôla mizizi erhankahindamusire ciru.

Ezekiyeli 10:21

Ngasi muguma àli agwêrhe malanga anni na byûbi binni n’ebiri nka maboko ga muntu idako ly’ebyûbi.

Daniyeli 7:10

Olwîshi lunene lw’omuliro lwakazihulula embere zâge. Ebihumbi by’ebihumbi by’abantu byakazimukolera, n’abandi mwandu bali bayimanzire embere zâge. Okutwa olubanja kwarhangira n’ebitahu byabùngûlwa.

Daniyeli 9:21

oku ncidwîrhe naderha omu kushenga, olya muntu Gabrieli nabonaga agandi mango omu bilôrho ajà emunda ndi, ayisha abalala omu mango g’enterekêro y’ebijingo.

Zakariya 3:4

Malahika àrhegeka abàlimulusize mpu bamuhogole eyo myambalo. Okubundi anacibwîra Yozwè, erhi: «Namàkurhenzakwo obubî bwâwe, nnankolaga nâkuyambika emyambalo y’olusiku lukulu.»

Luka 1:10

Nayo engabo y’abantu erhi edwîrhe yashenga embuga amango g’okugashâniza.

Bahabraniya 1:7

Ci bamalahika bôhe kwo ababwîzire ntya: Bamalahika bâge abajizire mpûsi, n’abarhumisi bâge abajira ngulumira ya muliro.

Mafulûlo 14:6

Nanacibona owundi Malahika ayish’alembêra omu nkuba-karhî, erhi a­dwîrhe omwanzi gw’akalembe gw’ensiku n’amango, mpu agubwîre abantu b’igulu, na ngasi mulala, na ngasi bûko, na ngasi lulimi, na ngasi ishanja.

Mafulûlo 4:8

N’ezo nsimba ini zigwêrhe ngasi nguma byûbi ndarhu, zinayunjwîre masù omu marhambi n’omu ndalâlà, zirhahusa okuderha mûshi na budufu, mpu: «Mwimâna, Mwimâna Nyakasane Nyamuzinda, Nnâmahanga Ogala-byoshi, Nyamubâho, Oyôrh’ahabà, n’Owayish’iyisha».

Mafulûlo 7:11

Na bamalahika erhi bazungulusire entebe n’Abagula na zirya Nsimba oku ziri ini; banacikwêba oku idaho embere ly’entebe, baharâmya Nyamuzinda, mpu:

Mafulûlo 8:13

Nashub’ibona, nanayumva enyunda yayisha yabalala omu nkuba-karhî, yaderha n’izù linene, erhi: «Bamâhera! bamâhera! bamâhera ababà omu igulu! Bamâhera abâyumva izù ly’enyindi mishekera balya Bamalahika basharhu bâbûhamwo!».