Izaya 57:6 - BIBLIYA NTAGATIFU OMU MASHI

⁶ Amabuye makombêzè g’omu nshalalo z’amîshi go gakola gabà mwanya gwâwe, go ganakola cigabi ocîkubagira! Kuli go kwo okola ojirira enterekêro z’embulaga kwo onakola ohânira ezindi ntûlo! Ka nakaziga kwa bene okwôla?

Izaya 57:6 ပူးပေါင်းရင်းမြစ်များ

Izaya 65:11

Ci mw’oyo, mwe mwalekereraga Nyakasane, mwe mwayibagiraga entondo yâni ntagatîfu, mwe mwagwîkiraga Gadi oluhêro mwanakaz’ibumbira Meni akabehe,

Izaya 66:3

Banarherekêre enkafu bagal’igend’iyîrha omuntu! banarherekêre omwâna-buzi banagal’igend’iniola akabwa igosi! Banarhule enterekêro, ci ya mwamba gwa ngulube! Banasirîze enshangi, ci erhi banaharâmya banyamuzinda b’obwîhambe! Bôhe bàcishozire enjira zâbo, n’emirhima yâbo omu bibîbibî mwo elongeza amasîma!

Yeremiya 19:13

Enyumpa za Yeruzalemu n’eza abâmi b’emwa Yûda zahemuka, aka ahâla Tofeti, ezi nyumpa zoshi barherekêreraga obubâni oku burhungiri bwâzo ene bàkola bagashâniza emirhwe y’e malunga babulagira n’amamvu oku ibuye mpu bagashânizemwo banyamuzinda b’emwa bene.»

Yeremiya 3:9

Buzinda ahemula ecihugo coshi n’amalala gâge buzira lugwegwe, ahusha n’amabuye ahusha n’emirhi.

Yeremiya 32:29

“engabo z’e Kalideya zidwîrhe zabalwîsa, zâyanka ecishagala cinyu, zâcitwanirakwo omuliro, zâyôca na zirya nyumpa bakazâgirherekêreramwo Bali, bakaziginamurhûla­ mwo obukù n’amamvu, bàshengeramwo na banyamuzinda b’agandi mahanga, bangayisize bwenêne”.

Yeremiya 5:29

Ka mpu mbule bwahana ebijiro biri ntyo, Yekudesire Nyamuzinda, nîsi erhi mpu olubaga luli ntyo omurhima gwâni gubule bwaluhekakwo omungo!

Yeremiya 5:9

Ka mpu mbule kuhana ebijiro biri ntyo? Yekudesire Nyamubâho. Nîsi erhi ishanja liri nk’eryo mbule bucîhôleralyo!

Yeremiya 7:18

Oku abâna bashenya enshâli, b’îshe bakoleza omuliro, n’abakazi barhanza enshâno mpu badugira Omwâmikazi w’Empingu. Cazinda barherekêre banyamuzinda b’ihanga mpu lyo bambabaza!

Yeremiya 9:9

Entondo muzilakire, mubande endûlù amalambo g’omu mpinga mugayîganire kula kw’ofirîrwe bulya zayôcirwe zoshi ntâye ocigerayo, ntâye ociyumva ebintu byayanirayo. Oli ebinyunyi by’emalunga, ôli ebintu byoshi byayâsire, byahirigirha.

Ezekiyeli 20:39

Ewani w’oyu, mulala gw’Israheli! Ntya kwo adesire Nyakasane Nyamubâho: Ngasi muguma ajag’ikolera abazimu bâge, ci enyuma mbabwizire okuli oku mwâcinyumva. Murhâciyishikazihemule izîno litagatîfu lyâni n’entûlo zinyu n’abazimu binyu.

Habakuki 2:19

“Buhanya bwinyu! Mwe mukaz’ibwîra ecihimbi c’omurhi, mpu: Zûka!, n’ensinga y’akaduma y’ibuye, mpu: Yimanga!, n’obwo arhankammufulûlira mwanzi muci. Ciru akabà mpu bibà bishizirwe amasholo n’amarhale, ntà buzîne bubibâmwo!”