Izaya 57:5 - BIBLIYA NTAGATIFU OMU MASHI

⁵ Munakaz’ishumikana aha musinga n’aha ngasi murhi mubishi! Mudwîrhe mwagend’ibâgira abâna binyu omu rhubanda, omu nyâla z’amabuye!

Izaya 57:5 ပူးပေါင်းရင်းမြစ်များ

1 Bâm 14:23

Nabo bayûbaka empêro omu birhwa, bagwîka amabuye n’orhugombe oku ngasi hirhondo n’idako lya ngasi murhi mubishi.

2 Bâm 17:10

Bagwîka amabuye, bahira enshanga oku ngasi hirhondo n’oku ngasi murhi mubishi.

2 Bâm 17:7

Okwôla kwoshi kwanacibà ntyôla ebwa kubà bene Israheli bamabîhira Nyamubâho, Nyamuzinda wâbo, owabakûlaga omu cihugo c’e Mîsiri abarhenza omu maboko ga Faraoni mwâmi w’e Mîsiri, na ebwa kubà bakola baharâmya bandi bandi banyamuzinda.

2 Bâm 23:10

Mwâmi ashâba Tofeti, omu kabanda ka bene Hinomi mpu lyo bagokôla okukazigeza bagala bâbo nîsi erhi bâli bâbo omu muliro bakola babarherekêra omuzimu Moloki.

2 Nganîro 28:3

agenditumbûkiza obukù omu kabanda ka Bene-Hinomi ageza n’abagala omu muliro omu kushimba obubî bwa galya mashanja Nyamubâho akungushaga embere za bene Israheli,

Lubungo 32:6

Erhi buca, oku banazûka, barherekêra enterekêro z’embâgwa banalêrha enterekêro z’omurhûla, olubaga lwanaciburhamala, lwalya lwananywa, lwayimuka mpu lusâme.

Izaya 1:29

Nêci, enshonyi zâmmubumba kuli erya mirhi yinyu y’amahêro mulimbira, mwâgwârhwa n’eza mêmè kuli galya masâne mucicîkubagira.

Yeremiya 17:2

bulyâla bagala bâbo banacikengere empêrero zâbo n’emirinzi yâbo aha burhambi bw’emirhi mibishi oku ntondo ndîrî.

Yeremiya 2:20

Nêci, arhali ene wajahikaga omushigo gwâwe, watwa enkoba waderha erhi «ntâshiga». Kurhahangaga orhagwîshira nka mukazi wa cishungu oku ngasi ntondo ndîrî, n’ah’idako lya ngasi murhi mubishi.

Yeremiya 3:13

Oyêmêre kwône obubî bwâwe: wagomîre Nyakasane Nyamuzinda wâwe, wahulahulîre emunda ab’embuga bâli, n’izù lyâni orhaliyumvirhizagya ye kudesire Nyamubâho

Yeremiya 3:6

Oku ngoma ya Yoshiyahu, Nyamubâho ambwîra erhi ka wabwîne ebi olya mugoma Israheli akozire? Ajire oku ngasi ntondo elengerîre na hali ngasi murhi mubishi, abàragirayo.

Yeremiya 32:35

“Bàyûbakira amahêro ga Baali omu kabanda k’e Ben-Hinomu mpu bakazibagiramwo bagala bâbo n’abâli bâbo nterekêro emwa omuzimu oderhwa Moleki; ebyo ntalizigibigerêreza, okuhemuka kwa mênè okwo oku mulala gwa Yûda”.

Yeremiya 50:38

Engôrho oku nyîshi zâge, zoshi ziyumûke. Bulya ciri cihugo ca nshusho za bazimu, ebyo bihenyango bihûsa ababiharâmya.

Yeremiya 51:7

Babiloni ali kabehe ka masholo oku kuboko kwa Nyakasane. Amashanja gakaziginywa oku idivayi lyâge, co carhumire gasiraha.

Yeremiya 7:31

bayûbakire oluhêrero lwa Tofeti omu cibanda ca Ben-Hinomu, mpu bakazisingônolerakwo bagala na bâli bâbo, n’obwo okwo ntakuderhaga na ntà mango nakugerêrîze.

Ezekiyeli 16:20

Wàrhôla bagala bâwe na bâli bâwe abà wamburhiraga, wagend’ibayîrha mpu yo nterekêro y’abôla bazimu bâwe mpu balye. Ka okwôla kuhemuka kwâwe kwàli kunyi obwo?

Ezekiyeli 20:26

nabazinza n’enterekêro zâbo, omu kubahûna nterekêro abâna bâbo b’enfula, kwàli kubahana, lyo bamanya oku nie na ndi Nyamubâho.

Ezekiyeli 20:28

Kurhanarhumaga obwôla ntabahisa muli cirya cihugo nalagânaga n’endahiro oku nâbahà co. Babwîne­ mwo orhurhondo rhwa ngasi lubero rhulengerîre, emirhi ya ngasi lubero eyu­njwîre byâsi, banagend’irhererekêrerayo, banahânirayo entûlo zâbo z’oku­nshologosa, banadêkereza ho obukù bwâbo bw’okurhûliriza banabulagiraho enterekêro yâbo y’embulaga.

Ezekiyeli 20:31

omu kuhâna entûlo zinyu n’omu kukazigeza abâna binyu omu muliro? Ka kunali kw’okuli okûla mwakaziyôrha mwacîhemula n’abazimu binyu boshi kuhika oku lusiku lw’ene? Ka niono, nanabuligiyêmêra muyishindôsa, wâni mulala gwa Israheli? Ndahîre oku izîno lyâni, kw’adesire Nyakasane Nyamubâho, ntâzige mwayishindôsa.

Ezekiyeli 6:13

Mwamanya oku nie Nyamubâho hanôla mubona oku emirhima yâbo migwîke ngôrho eyunjulire ekarhî k’abazimu bâbo. eburhambi bw’e mpêrero zâbo, oku ngasi hirhondo hilengelîre, oku busongerwe bw’entondo zoshi, oku ngasi murhi mubishi, oku ngasi murhi gwa cishakashaka halya barherekêrera omugavu gw’okurhûliriza abazimu bâbo.

Ben Levi 18:21

Orhahîra wacîshomya mpu wahâna muguma omu bâna bâwe mpu bamugeze omu muliro lyo bakuza omuzimu Moleki, na kandi orhahemukiraga izîno lya Nyamuzinda wâwe. Nie Nyakasane okudesire.

Mibalè 25:6

Lolà oku ago mango, muntu muguma wa muli bene Israheli anaciyisha adwîrhe embere za bene wâbo omukazi w’omunya-Madiani, erhi na Mûsa adwîrhe asinza, n’omu masù g’olubaga lwa bene Israheli boshi, ludwîrhe lwalakira aha Muhango gw’Ihêma ly’embugânano.

Lushika 12:2

Muhongole munashande ngasi bantu amashanja mwajihulusa gàli gayubasire mpu gakazigashânirizamwo ba nyamuzinda wâbo, abè oku ntondo, abè omu birhondo, abè aha murhi gujinîrîre.

Mafulûlo 18:3

kulya kubà amashanja goshi ganywîre oku irivayi ly’omutula gw’okuhusha kwâge, n’abâmi b’igulu bamuhushirekwo, na bulya obulimbi bwâge burhajira lugero bwagazize abarhunzi b’igulu».