Izaya 57:14 - BIBLIYA NTAGATIFU OMU MASHI

¹⁴ Bayish’ikaz’iderha, mpu «Mutwe, mutwe enjira, mukombêze omulimbwa! Murhenze ngasi cihanzo omu njira y’olubaga lwâni!»

Izaya 57:14 ပူးပေါင်းရင်းမြစ်များ

Ennanga 68:4

Abashinganyanya bôhe omu masheka bali, kushagaluka bashagalukire omu masù ga Nnâmahanga, kucîshinga badwîrhe bacîshinga bwenêne.

Izaya 35:8

Hâyîsh’ibà omulimbwa gwakûz’iderhwa njira ntagatîfu. Abarhacîri barhakayigeramwo, bulya Nyakasane yêne wayîsh’iyîgula eyo njira, n’orhudundaguzi rhurhakaderha mpu rhwâhabukiramwo.

Izaya 40:3

Izù lidwîrhe lyayâkûza: «Omu irungu murheganyize Nyakasane enjira! Omu bulambo muyumanyize Nyamuzinda wîrhu omulimbwa!

Izaya 49:11

Entondo zâni zoshi nazihindula zishube milimbwa, n’enjira zâni zoshi zakombêzibwa.

Izaya 62:10

Mugere, mugere omu mihango, murheganyize olubaga lwâni enjira; mukombêze, mukombêze omulimbwa, murhenzemwo amabuye; mumanike ecimanyîso c’okushûbûza olubaga!

Yeremiya 18:15

Olubaga lwâni lwôhe lwanyibagîre! Bôhe obusha banaburherekêra enshangi. Bàbasârhazize omu mirimbwa yâbo, omu njira zâbo za mîra, mpu lyo bagera omu rhujira mulimbwa gurhali mubêre,

Barom 14:13

Kuziga rhuleke okukâtwîrana emmanja rhwêne na nnene; rhumanye erhi kwo rhwankarhuma mwene wîrhu asârhala erhi ahirima.

1 Bakorinti 1:23

Rhwêhe rhuyigîriza Kristu, olya bamanikaga oku musalaba. Oku Buyahudi ziri nshonyi, n’oku bapagani liri isirhe,

1 Bakorinti 8:13

Co cirhumire, erhi ankabà ebiryo byanarhuma mwene wîrhu asârhala, ntà­nkacifa nalîre enyama bundi, lyo ntag’irhuma mwene wîrhu ahirima!

1 Bakorinti 8:9

Ci mumanye olugendo lwinyu muli okwo lurharhumaga abazamba basârhala.

2 Bakorinti 6:3

Rhurhasârhaza ndi, nti lyo barhagayaguza obujà-bugo bwîrhu.

Bahabraniya 12:13

munashinganyize amagulu ginyu enjira, lyo enkunagizi zirhavunika, ci lyo zifuma erhikwo.