Izaya 53:8 - BIBLIYA NTAGATIFU OMU MASHI

⁸ Bamugwârha mpu bamubohe banamutwîre olubanja: ndi wamushîbirîre? Bàmukuzire omu igulu ly’abazîne, bàmushûrha erhi bubî bw’olubaga lwâge burhuma.

Izaya 53:8 ပူးပေါင်းရင်းမြစ်များ

Ennanga 69:12

Nacîbwîka sunzu nti gubè gwo mwambalo kwashuba kukwâmwa nâkwamwa.

Ennanga 88:5

Kwo nkola ndi aka balya bayandagalira omu mwîna, nkola nyôsire nka ngonyi.

Izaya 53:12

Co cirhumire namugabira omwandu gw’abantu, âgabâna omunyago bo na baciri-misî, bulya acîhânyire kuhika okufà anaganjirwa omu banyankola-maligo. Abarhwîre ebyâha by’omwandu gw’abantu, anasengerera abanya-byâha.

Izaya 53:5

Ci yêhe atumirhwa erhi mabî gîrhu garhuma, avungunyulwa erhi bugoma bwîrhu burhuma. Ahanyirwe mpu lyo rhubona omurhûla, na bibande byâge byarhufumize.

Yeremiya 11:19

Niehe kwo nali nka mwâna-buzi wajibagwa, erhi ntanamanyiri emirali bagwêrhe kuli nie. Mpu «rhuhongole omurhi gujinire, rhumukûle omu igulu ly’abazîne, irhondo izîno lyâge lirhakengêragwa»!

Ndûlù 3:54

Amîshi gakazinzungulira aha nyanya z’irhwe; lêro naderha nti namâhera.

Daniyeli 9:26

Hano kugera migobe makumi gali ndarhu n’ibirhi, Omucunguzi ayis’iyîrhwa na ntâye wayîma ahâli hâge. Olugo n’aka-Nyamuzinda byanashabûlwa n’omwâmi obarhezire, owayish’ihwera omu kavulindi na kuhika entambala ehwe erhi banashimbire ely’irhegeko ly’okushabûla.

Mateyo 1:1

Ecitabu c’Omulala gwa Yezu Kristu, Mugala wa Daudi, mwinjikulu w’Abrahamu.

Yowane 19:7

Abayahudi bamushuza, mpu: «Rhujira Irhegeko, n’eryo Irhegeko lidesire mpu afè, bulya acîjizire mwene Nyamuzinda».

Ebijiro 8:33

Olubanja lwâge balutwira akagayo. Iburha lyâge ndi wânaliganje? Ntâye wahahîre bulya bamâmukûla omu igulu ly’abazîne.

Barom 1:4

erhi afûka omu bafîre ayêrekana oku anali Mugala wa Nyamuzinda ogwêrhe obuhashe bunene bwa kuli Mûka Mutagatîfu, ye Nnawîrhu Yezu Kristu,

1 Petro 3:18

Ntyo kwo Kristu naye afîre liguma kwa lwoshi oku byâha by’abantu; ye mwêru-kwêru afîra abanya-byâha, mpu arhuhise kuli Nnâmahanga; bulya anizirwe omu mubiri, ci agalulirwa obuzîne bw’Omûka.