Izaya 53:3 - BIBLIYA NTAGATIFU OMU MASHI

³ Agayaguzibwa ananenwa n’abantu; àli muntu wa malumwa, arhahusagya kubabala; àli ashushire olya abandi bacibwîkira obusù omu kumubona; àli agayaguzîbwe, na ntyo nîrhu rhwamulola nka bikabulirwa.

Izaya 53:3 ပူးပေါင်းရင်းမြစ်များ

Ennanga 69:29

Bashandûlwe omu citabu c’abazîne, n’irhondo barhafàga bâyandikîrwe omu bashinganyanya.

Ennanga 88:4

Bulyâla omurhima gwâni gwayihisirwe n’obubî, n’obuzîne bwâni yo bukola buyêrekîre ekuzimu.

Izaya 49:7

Kwo adesire ntyâla Nyakasane, Côkola na Mutagatîfu w’Israheli, àkubwîra oyu bagayaguza, oshombwa n’abantu, Omujà w’abarhegesi, erhi: «Hano abâmi babona, bâyimuka, nabo abaluzi bâfukama, mpu bayêreke Nyakasane obukenge bwâbo, ye mudahemuka, ye Mwimâna w’Israheli wakwishogaga.»

Izaya 50:6

Abanshurhaga nabarhezire ebirhugo, n’abangûgulaga obwânwa nabarhega amarhama. Ababakag’injâcira n’abakâg’intwîra ebusù ntaderhaga nti nabayâsa amalanga gâni.

Izaya 52:14

Nka kulya banji barhemukaga erhi bamubona, bulya obusù bwâge burhaciri nka bwa muntu n’enshusho yâge erhaciri nka ya mwene-Adamu,

Izaya 53:10

Nyakasane àlonzize okumuvungunyula n’amalibuko: akâhana obuzîne bwâge mpu bubè nterekêro y’okukûla ebyâha, âbà n’iburha anayûshûle ensiku z’obuzîne bwâge, n’obulonza bwa Nyakasane bwagendekera erhi ye rhuma.

Izaya 53:4

N’obwo malumwa gîrhu al’icihêsize anacibarhuza amalibuko gîrhu. Rhwêhe rhwamulola nka muntu muhane, oshûsirwe na Nyamuzinda anarhôhibwa.

Mikeyo 5:1

Nâwe wâni Betelehemu Efrata, ciru okaba we munyi omu milala ya Yûda, emwâwe yo yantengera owarhambula Israheli. Ecisiki câge ciri ca kurhenga mîra, kurhenga ensiku n’amango.

Zakariya 11:8

Omu mwêzi muguma nakûlaho balya bangere bâbo basharhu. Nabirya bibuzi byantenga emurhima, byantwa amasikosiko.

Mateyo 26:67

Okubundi banacimutwîra ebusù n’okumurhimba ebifundo abandi bamushûrha empî,

Mateyo 27:63

Banacimubwîra, mpu: «Waliha, rhwakengire oku erya ndyâlya yaderhaga, erhi ecizîne, erhi: “Hano kugera nsiku isharhu, nâfûka!”

Marko 10:33

«Rhw’ono rhwarheremera e Yeruzalemu: Mwene-omuntu âhânwa omu maboko g’abajinji b’abadâhwa n’abashamuka b’ihano. Bayish’imutwîra okufà, banamuhâne e­ mw’abapagani.

Marko 10:34

Nabo bamushekere, bamumesherekwo, bamushûrhe emikoba banamuyîrhe, na hano hagera nsiku isharhu, afûke».

Marko 14:34

Ababwîra, erhi: «Omurhima gwâni guyunjwîre burhè bw’okulonz’ifà; mubêre aha, mubè masù».

Marko 15:19

Bamushûrha irhwe n’olusheke, bamukâyirakwo, banamufukamira, baharâmya.

Marko 9:12

Naye ababwîra, erhi: «Nêci Eliya ayish’iyisha, ayish’ikombêza byoshi! Ci kurhi Mwene-omuntu ayandikîrwe? Oku ayish’ibabala bwenêne n’okugayaguzwa.

Luka 16:14

Abafarizeyi basîma ebirugu erhi bayumva ntyo, bamugayaguza bwenêne.

Luka 19:41

Erhi akola ahika omu cishagala, arhondêra okucilakira, erhi:

Luka 8:53

Bamushekera, bulya bâli bamanyire bwinjà oku anafîre.

Luka 9:22

Erhi: «Mwene-omuntu akwânîne ababale bwenêne n’okunenwa n’abagula, abajinji b’abadâhwa n’abashamuka b’ihano, ayîrhwe, n’olusiku lwa kasharhu afûke.»

Yowane 11:35

Yezu anacirhondêra arhoza emirenge.

Yowane 8:48

Abayahudi bamushuza, mpu: «Rhurhahabaga erhi: rhuderha nti ôbà Musamâriya n’oku shetani akubamwo».

Lushika 32:15

Yakôbo alya ayigurha. Yeshuruni atwêra ahimba. (Watwezire, warhuma wacilugira!) Aleka Nyamubâho wamujiraga, ibuye lyamucizagya alibonêsa nshonyi.

Bahabraniya 4:15

Bulya rhurhagwêrhi omudâhwa mukulu orhankahash’iyumva olukogo lw’obuzamba bwîrhu: kulya kubà naye àbuyumvîrhe bwoshi akîrhu, kuleka ecâha.

Bahabraniya 5:7

Erhi àciri en’igulu, àrhûla ensengero n’amingingo omu kuyâma bwenêne n’omu kurhoza emirenge erhi ashenga Olya wali ohashire okumufumya olufù. Ayumvûbwa erhi bukenge bwâge burhuma.