Izaya 52:3 - BIBLIYA NTAGATIFU OMU MASHI

³ Nêci, kwo adesire ntyâla Nyakasane: «Busha mwaguzibagwa na kandi buzira kulyûla nsaranga mwagulûlwa!»

Izaya 52:3 ပူးပေါင်းရင်းမြစ်များ

Ennanga 44:12

Kwo warhuhânyire nka bibuzi byaj’ibâgwa, wanarhushandâza omu karhî k’amashanja.

Ennanga 44:13

Kuguza waguzize olubaga lwâwe, waluguza obusha, ciru ntà bunguke wakûzire mw’obwo burhunzi.

Izaya 1:27

Siyoni ayôkolwa n’obwîrhonzi, n’abantu bâge bacîyunjuzize bayôkolwa n’obushinganyanya.

Izaya 45:13

Nie namuzûsagya omu bushingayanya, nie nânakombêza amâjira gâge goshi. Ye washubiyûbaka olugo lwâni analike abalulize bâni bagaluke buzira kujuha encûngulà erhi luhembo», kwo adesire Nyakasane Nyamuzinda w’Emirhwe.

Izaya 50:1

Kwo adesire ntyâla Nyakasane: «Ngahi ciri ecêrhè c’okuvuna obuhya cihamîriza oku nahulusize nyoko? Nîsi erhi emwa ndi nammuguzize bujà nti lyo mmulyûla emyenda mmubâmwo? Mabî ginyu gàrhumaga muguzibwa, bugoma bwinyu bwarhumaga nyoko ahulusibwa».

Izaya 62:12

Bâmikaz’iderhwa ‘Lubaga lutagatîfu’, ‘Abacungulagwa na Nyakasane’; nâwe wêne bâkâkuderha ‘Owakâg’ilongerizibwa’, ‘Lugo lukombêre’».

Izaya 63:4

Nêci, omu murhima gwâni muli olusiku lw’olwihôlo, n’omwâka gw’obucunguzi bwâni gwamâhika.

Yeremiya 15:13

Obuhirhi n’obugale bwâwe narhangibiha ababihagula buzira kugalula akantu, erhi byâha byâbo omu cihugo coshi birhuma.

Ezekiyeli 16:31

Erhi wayûbakaga omusinga aha mashango ga ngasi njira, amango wajàga wayûbaka empêro ngasi hantu, orhali ciru nka mukazi muhemusi owajà walonza oluhembo.

Ezekiyeli 34:27

“Omurhi gw’omu mashwa gwanaleheka n’idaho lyanayêramwo emburho zâge, bâbà n’omurhûla omu budaka bwâbo na ntyo banamanya oku nie na ndi Nyamubâho hano mvuna emirhamba y’omuzigo bakazâg’ihêka, na hano mbalikûza kuli ngasi bakazâg’ibalibuza”.

Ben Levi 25:54

Nka ntà kuguma agombwîre muli okola kwoshi, analîkwa bône abâna bâge omu mwâka gw’okushagaluka.

1 Petro 1:18

Mumanye oku murhakûlagwa omu bwôrhere bw’obujà basho bàmmuyahukizagya n’ebirugu byankasherêra, nk’amasholo erhi ensaranga,