Izaya 51:8 - BIBLIYA NTAGATIFU OMU MASHI

⁸ Bulya kwo babà nka mushangi gwalîrwe n’enshwa, na nka môya gamalîrwe n’ecibungu. Ci obushinganyanya bwâni bwayôrha bubâho ensiku n’amango, n’obucire bwâni kurhenga iburha kuhika oku lindi.

Izaya 51:8 ပူးပေါင်းရင်းမြစ်များ

Ayubu 13:28

N’obwo omuntu kw’ashubira omu katulo nka cibolêreza, nka mwambalo gwalîrwe n’enshwa.

Ayubu 4:19

Ntà buderhe oku bantu bayûbaka muli eri ibumba, abà eciriba câbo cibà cihûmbe omu katulo? Anabasinogole nka nsîrhu;

Izaya 14:11

“Irenge lyâwe lyayandagalîre ekuzimu haguma n’omulya gw’ennanga zâwe. Emivunyu yo ekola ncingo ogwîshirekwo, n’obulyôka bwo bukola bushiro bukubwîsire!”

Izaya 45:17

Israheli ayôkolwa na Nyakasane, ayôkolwa oku nsiku n’amango. Murhakacifa mwabwîne nshonyi murhakanacifa mwaturutumbire.

Izaya 46:13

Nâshegeza obushinganyanya bwâni hôfi, burhali kulî, n’obucire bwâni burhalegame. Nâhira obucire bwâni omu Siyoni n’irenge lyâni omu Israheli.

Izaya 50:9

Nyakasane Nyamuzinda ye burhabâle bwâni; ndigi wankaciderha mpu anyâza? Kali boshi kwo bashâja nka bwikunjè banalîbwe n’ebibungu!

Izaya 51:6

Galamiri emalunga, mulole igulu bwandagala, bulya amalunga gâyishicîberamwo nka mugî, igulu lyâyôrha mirendwè nka mwambalo, n’abayûbaka muli lyo, nabo bagukumuka nka nzi. Ci obucire bwâni bwayôrha buli ho ensiku n’amango, n’obushinganyanya bwâni burhakayûrha.

Izaya 54:9

Kwo nâberwa kulya byabâga omu nsiku za Nûhu, erhi ncîgasha nti amîshi ga Nûhu garhacifaga gamirîre igulu bundi: kwo nshubir’icîgasha nti ntakacikukûnirira bundi ntakanacikuhigira amabî.

Izaya 66:24

Okubundi obwo banajà bashimâna emirhumba y’abantu bàngomeraga, bulya omuvunyu gwâbo gurhâfè n’omuliro gwâbo gurhazimè; bayôrhe bali côbà oku bantu boshi.

Daniyeli 9:24

Migobe makumi galinda yarhegesirwe oku biyêrekîre olubaga lwâwe n’oku biyêrekîre olugo lwâwe Lutagatîfu, omu kuhwa kw’obugoma omu kubabalirwa ebyâha, omu kukûlwa kwo obubî, n’omu kulêrha obushinganyanya, omu kusêza okwôla kubonekerwa n’obwôla bulêbi n’omu kushîga amavurha Omutagatîfu w’abatagatîfu.

Hozeya 5:12

Kwo nkola nayôrha kuli Efrayimu nka nnindi na nka mpêshe oku nyumpa ya Yûda.

Luka 1:50

n’obwonjo bwâge buyorha bulumîre ensiku zoshi oku bantu bamurhînya.