Izaya 51:11 - BIBLIYA NTAGATIFU OMU MASHI

¹¹ Abalîkûzibagwa na Nyakasane bâyish’igaluka, bâyish’ijà omu Siyoni erhi banayisha babanda orhuhababo rhw’obushagaluke, n’obusîme bw’ensiku n’amango bwamoleka amalanga gâbo; obushagaluke n’omwîshingo byâbayunjula, amalibuko n’endûlù byâhirigirha.

Izaya 51:11 ပူးပေါင်းရင်းမြစ်များ

Ennanga 126:2

Lêro akanwa kîrhu kanaciyunjula masheka, n’endimi zîrhu zayunjula mwishingo. Agandi mashanja gakaziderha, mpu: Nyakasane abakolîre akirumè.

Ennanga 126:5

Abarhwêra omu mulenge, omu mwishingo basârûla.

Izaya 11:15

Nyakasane ayumya enshumo z’e Mîsiri, alambûlîre okuboko kwâge oku lwîshi, analurhunike n’omuhûsi gw’omûka gwâge. Alugabanya­ mwo migezi nda, lyo bahash’ikaluyikira buzira kuhogol’enkwêrho.

Izaya 25:8

Ahirigisa olufù ensiku n’amango, Nyakasane Nyamuzinda ahorhola emirenge oku ngasi busù, akûla olubaga lwâge enshonyi omu igulu lyoshi. Nêci, Nyakasane yêne okudesire!

Izaya 35:10

Abà Nyakasane ayish’ibà alîkûzize bâgaluka, bahike omu Siyoni bayisha baband’empundu banabarhwîre amasîma g’ensiku n’amango oku irhwe. Bâyunjula mwishingo n’amasîma; emirhanyo n’endûlù byâhirigirha.

Izaya 44:23

Muband’empundu, mwe malunga, bulya Nyakasane akozire akirumè! Mukome kagasha, mwe nyenga z’ekuzimu! Mubande orhubûli, mwe ntondo, ninyu mwe mizirhu n’emirhi emmubâmwo! Bulya Nyakasane ayôkwîre Yakôbo, ayêrekîne irenge lyâge omu Israheli.

Izaya 48:20

Rhengi omu Babiloni, muyâke Abanya-Kaldeya! Mubande orhubûli rhw’omwîshingo, muyâlîze munamanyîse ogu mwanzi; mugulumîze kuhika emunda igulu lihekera muderhe mpu: «Nyakasane ayôkwîre Omurhumisi wâge Yakôbo!»

Izaya 49:13

Muband’empundu, mwe malunga, ocîshinge, we, igulu, mubande orhubûli, mwe ntondo! Bulya Nyakasane àrhulirîze olubaga lwâge, n’abakenyi bâge àbafà bwonjo.

Izaya 55:12

Nêci, mwâgenda muyunjwire bushagaluke munaje nwayêrekwa enjira y’omurhûla; entondo n’orhurhondo byâkaz’immukomera kagasha, n’emirhi yoshi y’erubala ekûbize.

Izaya 61:7

Ahâli h’enshonyi, mwâhâbwa bigabi bibirhi, n’ahâli h’ebijâci, nabo bakola baband’empundu. Okwo kwârhuma bâyûshûlirwa kabirhi ogwâbo mwanya omu cihu­go câbo, na ntyo babone amasîma g’ensiku n’amango.

Izaya 65:14

Alà oku abarhumisi bâni bâkaz’ibanda empundu z’omwîshingo n’obusîme omu murhima oku mw’oyo mwâbanda endûlù z’entanya omu murhima, na ntyo mulake munatwîke omurhima!

Izaya 65:19

Nacîshingira Yeruzalemu nnashagaluke erhi lubaga lwâge lurhuma; murhakaciyumvikana ndûlù erhi cihôgêro.

Yeremiya 31:13

“Obwôla, abâna-nyere banajà oku cigamba, na boshi haguma, emisole n’abashosi; na ntyo, nâyishihôrhola emirenge yâbo, mpebeho e­nshagali. Nâyishibarhûliriza, enyuma ly’amalibuko gabè masheka”.

Yeremiya 33:11

ecihôgero c’omwîshingo, n’enyimbo z’abahya n’ez’abandi bantu bajihana enterekêro n’entûlo zâbo z’okuvuga omunkwa omu ka-Nyamuzinda, bayishikazicitakira mpu: «Ayâgirwe Nyakasane w’emirhwe bulya ali mwinjà, obuzigire bwâge buli bw’e­ nsiku n’amango». Bulyâla adesire erhi nâgalula ngasi balya babîre bajà, mbà­shubize omu cihugo câbo, nka kulyâla byanali burhanzi.

2 Tesalonika 2:16

Nnawîrhu Yezu Kristu yêne na Larha Nyamuzinda orhuhà oburhûlirize burhakaheka n’obulangâlire bwinjinjà erhi nshôkano yâge erhuma,

Yûda 1:24

Ayâgirwe Olya ogwêrhe obuhashe bw’okummulanga murhahirime n’okumuyîmanza embere z’irenge lyâge buzira izâbyo omu bushagaluke!

Mafulûlo 21:1

Okubundi nanacibona amalunga mahyâhya n’igulu lihyâhya, bulya amalunga marhanzi n’igulu lirhanzi byahirigisire, n’enyanja ntâyo ecihali.

Mafulûlo 21:4

Ahôrhola ngasi mulenge gubali omu masù: olufù ntâlwo lwacihabè; emishîbo n’endûlù n’amababale birhakacihabà bundi; bulya okwàli burhanzi kwahwîre.

Mafulûlo 22:3

Ntà kucihehêrera bundi. Entebe ya Nyamuzinda n’Omwâna-buzi yânagwîkwe muli eco cishagala, na bambali ba Nyamuzinda bakâmuharâmya;

Mafulûlo 7:17

Bulya Omwâna-buzi, oyîmanzire aha karhî k’entebe, yêne abà lungere wâbo, anabalangûle enjira ehêka ebw’iriba ly’amîshi g’obuzîne, Na Nyamuzinda abahôrhola emirenge yoshi ebali oku masù».