Izaya 5:9 - BIBLIYA NTAGATIFU OMU MASHI

⁹ Nayumvîrhe Nyakasane Nyamuzinda w’Emirhwe acîgasha, erhi: «Mbo fà ecihango câni, nyumpa mwandu zirhashâbûka, ezo ndâro nyinjinjà na nnênênè zirhasigala bigûkà!

Izaya 5:9 ပူးပေါင်းရင်းမြစ်များ

2 Nganîro 36:21

Okwôla koshi mpu lyo kuyunjula kulya Nyamubâho aderhaga n’akanwa k’omulêbi Yeremiya akaderhaga, erhi: kuhika ecihugo cibone cikola cigwêrhe kandi obusîme bwa okujira ensiku za Sabato, bulya hàli okurhamûka kw’amango ga Sabato muli agôla mango goshi g’okuhagulwa kw’ecihugo, kuhika hagera myâka makumi gali nda. Irhegeko lya Koreshi

Ayubu 15:28

Ali gwêrhe ebishagala ci byâhirigisire, n’enyumpa zirhacibamwo bahi, hôfi zihinduke cirûndo ca mabuye.

Ayubu 20:21

Bulya ntâye arhalibuzagya omu magene gâge, obwôloloke bwâge burhankarhinda.

Migani 15:27

Osîma eby’obushambo anacîshâbire enyumpa, olahira okuhêmbwa yêhe kucira acira.

Izaya 22:14

Nyamuzinda w’Emirhwe anacinfululira aka kanwa, ambwîra, erhi: «Eco câha cirhakababalirwa kuhika okufà kwinyu», kwo adesire Nyakasane Nyamuzinda w’Emirhwe.

Izaya 27:10

Nêci, cirya cishagala cizibu-zibu cirhaciyimbwâmwo muntu: cikola cicibêra bigûkà na mushaka nk’irungu. Mwo amanina gakola gayâbuka, mwo gakola gashiramira n’okukerera akahasi.

Izaya 5:6

“Nalujira bigûkà, lurhacife lwâkolwîrwe erhi kushogolerwa; emisihe n’emishûgi yâkaz’ilumeramwo; narhegeka ebitù irhondo birhacihîra bikaluniêsakwo enkuba.”»

Amosi 3:7

Okunali, Nyakasane Nyamuzinda arhajira ebi arhamanyisagya abà­rhumisi balêbi bâge,

Amosi 5:11

Akabà ntyo, bulya munatûntume omuzamba, munamuvurhise emburho y’aha kwâge, ezi nyumpa nyinjinjà z’amabuye mwayûbasire, murhâcizibêramwo, olu lukoma lunagirîre, mwarhwezire, murhanywe oku mamvu gâlwo.

Amosi 6:11

“Bulya mubwîne oku Nyakasane amârhegeka, oku buhashe bwâge, enyumpa nnene yamâhongoka, n’ensungunu yamâforhama”.

Mateyo 22:7

Erhi mwâmi ayumva okwo, akunira, anacirîka engabo zâge, amalîra balya bîsi, n’olugo lwâbo aludûlika muliro.

Mateyo 23:38

Obu mukola mwâlekerwa enyumpa yinyu mushaka.

Yakôbo 5:4

Ka murhabwîni oku oluhembo mwayimaga abakozi basârûlaga amashwa ginyu ludwîrhe lwabanda endûlù n’oku emirenge y’abo basârûzi yahisire omu marhwiri ga Nyakasane Nyamuzinda w’emirhwe?