Izaya 5:23 - BIBLIYA NTAGATIFU OMU MASHI

²³ Bayêza nyankola-maligo nka amâbahongera n’omwêru-kwêru bamuyîme olubanja!

Izaya 5:23 ပူးပေါင်းရင်းမြစ်များ

1 Bâm 21:13

Balya balume babirhi banaciyisha, bayîmanga embere zâge, banacihamîriza obunywesi kuli Naboti embere z’olubaga, baderha erhi: «Naboti ajacîre Nyamuzinda na mwâmi!»

2 Nganîro 19:7

Na bunôla, okurhînya Nyamubâho kumujemwo; mucîlange omu bijiro binyu, bulya emwa Nyamubâho, Nyamuzinda wîrhu erhabà bubî, erhanabà kuyêmêrheza muntu mulebe nîsi erhi kuyêmêrheza luhembo lulebe.»

Ennanga 94:21

Bôhe mpu omûka gw’omushinganyanya bagushimbulule bagubone; n’omukò gw’orhajiraga kubî kuci bagulagirize.

Migani 17:15

Okulîka omugoma, n’okutumuza omwêru-kwêru, bibirhi Nyakasane ashomba ebyo.

Migani 17:23

Endyâlya enalye bufûnda-fûnda, entânda y’okuhabula obushinganyanya,

Migani 24:24

Obwîra omumînya mpu ali mushinganyanya, kuhehêrerwa ahehêrerwa n’amashanja, kugaywa anagaywa n’abandi.

Izaya 1:23

Abaluzi bâwe babîre bagoma na bîra b’ebishambo boshi boshi babîre banyakushundira omu nshoho zâbo na ba-nyakulomokera empembo. Enfûzi barhayiha lubanja n’endûlù y’omukana barhayirhega kurhwiri.

Izaya 10:1

Buhanya bwâbo abajira amarhegeko g’obubî, na nka bayandika, bayandike ebinwa by’okurhindibuza abâbo.

Izaya 10:2

Balya bayîma abanyinyi obucîranuzi n’okunyaga abakenyi b’omu lubaga lwâni olubanja, na ntyo balibuze abakana n’okunyagûza e­nfuzi!

Izaya 28:7

Abâla nabo badwîrhe baderhaguza erhi idivayi lirhuma, badwîrhe bajà badungadunga erhi mamvu makali garhuma: abadâhwa n’abà­lêbi bakola baderhaguza erhi mamvu makali garhuma, badwîrhe bazâbalikanya erhi idivayi lirhuma, badwîrhe bajà badungadunga erhi mamvu makali garhuma, badwîrhe bahahabuka omu malêbi gâbo n’okunegemba nka batwa emmanja.

Izaya 29:21

bo balya bashobeka abandi omu nderho zâbo, balya barhegera omutwî w’emmanja aha muhango, n’abalonza okuheza omwêru-kwêru.

Izaya 32:7

Endyâlya yôhe, ebijiro byâyo bibà bibî: enakahiga emigâbo y’okuherêrekeza abanyinyi omu kuhamîriza eby’obunywesi, ciru abakenyi bakabàbahashire okuyêrekana oku bo bayâzize.

Izaya 59:15

Okuli kwahirigisire, n’owaderha mpu yêhe arhajira kubî erhi kwo na kucînyagîsa! Nyakasane àbwîne okwôla naye, anashologorhwa n’okwôla kubula obucîranuzi.

Amosi 5:12

Bulya mmanyire oku amabî ginyu gàli manji, n’ebyâha binyu biri binene. Mwe mulibuza omushinganyanya, mwe mujà mwanyaga, mwe muku­mîra omukenyi oku lumvi.

Mikeyo 3:11

Abarhambo bamwo barhatwa lubanja buzira kuhongerwa, abajinji bamwo barhayigîriza buzira kuhâbwa luhembo; abalêbi bamwo balêbere ensaranga. Kurharhuma barhashegema Nyamuzinda bakaziderha mpu: «Ka Nyamuzinda arhali ekarhî kîrhu? Obuhanya burharhurhindekwo!»

Mikeyo 7:3

Ebijiro amaboko gâbo galengeha okujira ganali mabî gônene. Omurhambo adwîrhe alinga ecituliro; n’omucîranuzi adwîrhe alinga empyûlo lyo atwa olubanja. Omukulu adwîrhe aderha ebigalugalu n’oku omurhima gunamuhire.

Mateyo 23:35

mpu lyo mubarhuzibwa ngasi mukò mwêru-kwêru gwajire omu budaka, kurhenga omukò mwêrukwêru gw’Abeli kuhika oku mukò gwa Zakariya, mugala wa Barakiya, mwayîrhiraga omu ka-Nyamuzinda embere z’olutare!

Lushika 16:19

Orhahîraga okalenganya omuntu, orhahîraga okaderha mpu ola ye lebè, orhazigiraga abagula olubanja, bulyâla engulo y’olubanja enahûse abagula enyagîse n’omuntu olubanja lwâge.

Yakôbo 5:6

Mwayâgîriza omushinganyanya mwanamuyîrha; arhaderhaga mpu acîfûngira.