Izaya 5:2 - BIBLIYA NTAGATIFU OMU MASHI

² Aguhînga, ashandâza amabuye, arhwêramwo emizâbîbu midukula. Ayûbakamwo omutungo, ahumbamwo n’olwîna lw’omukenzi. Alangâlira mpu olukoma lwâge lwayânamwo emizâbîbu minjà, ci lwôhe; lwayâna emizâbîbu mibî.

Izaya 5:2 ပူးပေါင်းရင်းမြစ်များ

2 Samweli 7:10

“Olubaga lwâni nalusingira ecihugo, Israheli nêci namuyûbasize anafumbamira arhacilâla ajuguma erhi abâna b’abashombanyi bâbo bàrhuma barhakacibahumakwo aka mîra”.

Nehemiya 13:15

Muli ago mango nanacibona omu Buyahudi abantu bakazâg’ikanda amango ga Sabato, abakazâg’iyîsha babarhuzize ebihêsi byâbo emizigo y’ebyâsi n’idivayi n’ensisi z’emizâbîbu n’emitini, emibô n’eyindi mizigo ya ngasi lubero bakazâg’ibihêka e Yeruzalemu amango ga Sabata; nakabalongôza amango bakazâg’iguza ebiryo byâbo.

Ennanga 80:8

Nnâmahanga w’emirhwe, mâshi orhugalule, onarhuyêrekeze obusù burhulwîre lyo rhucira.

Ennanga 80:9

Omuzâbîbu erhi guli e Mîsiri wagumânyula, amashanja wagalibirhakwo wagubarha.

Lubungo 33:16

Bicigi bankacimanyirakwo oku niono rhwe n’olubaga lwâwe, rhurhonyire omu masù gâwe? K’arhali kugenda haguma nîrhu oku kwarhuma, n’okubona niono n’olubaga lwâwe rhurhashushini n’agandi mashanja gabà hano igulu?»

Izaya 1:8

“Mwâli wa Siyoni asigîre yêne nka cifumba omu lukoma lw’emizâbîbu, nka higombe omu ishwa ly’emirhandâgule, nka cishagala cigorhe”.

Izaya 5:7

Nêci! olukoma lw’emizâbîbu lwa Nyakasane Nyamuzinda w’Emirhwe, yo nyumpa y’Israheli; nabo abantu ba Yûda, yo mburho arhonyagya. Abalingakwo obushinganyanya, ci bôhe babà banyankola-maligo; abalonzakwo oburhondekezi, ci zâbà ndûlù.

Yeremiya 11:17

Na Nyakasane w’Emirhwe wakugwîkaga, akutwîrîre olufù n’ecarhumire, ganali amaligo enyumpa y’Israheli n’eya Yûda zakozire mpu banjire burhè omu kududûkiza Baali omugî gw’enshangi.

Yeremiya 2:21

N’obwo niehe nali nkugwîsire nka cirhi cinjà ca muzâbîbu cirhi ca bûko nkana. Lêro kurhi wacihindusirage washuba mburho y’oku cisholo, oshuba muzâbîbu gwa cihara-hara.

Hozeya 10:1

Israheli lwàli lukoma lunagîrîre, lwakàgirhengamwo malehe manji. Oku amalehe gâge gal’iluzire, kwo aluzize n’empêro zâge. Oku ecihugo câge calihirhire, kwo ahirhizize n’amabuye gâge g’empêro.

Mikeyo 4:8

Nâwe we munâra gw’obusò, irango lya mwâli wa Siyoni, obukulu bwâwe bwa mîra bwâkushubirakwo, bwo bwâmi bwa mwâli wa Yeruzalemu.

Mibalè 23:9

Bulya, kurhenga okw’irhwêrhwè ly’aga mabuye namamubona. Kurhenga okw’irhwêrhwè ly’orhurhondo, namamulolêreza. Luli lubaga luyûbasire hâgo hâgo, lurhankanaja oku mubalè gw’agandi mashanja.

Mateyo 21:19

Erhi acîbona omurhi gw’amalehe eburhambi bw’enjira, agujaho; ci arhagushimânagakwo bici, agarhali mâsi gône. Anacigubwîra, erhi: «Mâshi irhondo orhacifâga wayanyirekwo irehe!» Ho n’aho gulya murhi gwanaciyûma.

Mateyo 21:33

Yumvi ogundi mugani. Hàli nnakà; anacigwîka olukoma lw’emizâbîbu; aluyûbakira olugurhu, ahebamwo omukenzi, agwîkamwo omutungo; lêro erhi acibà amalusigira abahinzi, acîbalamira.

Mateyo 21:34

Erhi amango g’okurhalika gacibà hôfi, arhuma bambali bâge emw’abahinzi, mpu bayanke emizâbîbu yâge.

Marko 11:13

Alangira omurhi gw’amalehe guyâsize, agujaho mpu alole erhi abonakwo irehe. Erhi aguhikaho, ntâco abwînekwo, agarhali mâsi gwônene bulya garhali mango ga malehe.

Marko 12:1

Obwo arhondêra okubabwîra omu migani: «Muntu muguma anacihinga olukoma lw’emizâbîbu, aluyûbakira olugurhu, ahebamwo omukenzi, agwîkamwo omutungo; okubundi alusigira abahinzi, acîbalamira.

Marko 12:2

“Erhi amango gahika, arhuma omwambali mpu abahinzi bamuhè eyâge mizâbîbu”.

Barom 9:4

bo bene-Israheli: bo Nyamuzinda acîshozire mpu babè bâna bâge anayêrakane irenge lyâge muli bo; bo bahîrwe endagâno n’amarhegeko n’emigenzo y’okukolera Nyamuzinda n’eciragâne câge.

1 Bakorinti 9:7

Musirika ohi olyûla yêne omukolo gwâge? Ndi ohinga omuzâbîbu arhanalye oku mburho yago? Ndi oyâbula obusò arhananywe oku marhà g’obwo busô?

Lushika 32:6

Ka gwo munkwa gwâwe emwa Nyamuzinda ogwo? Lubaga lwa bingolo-ngolo n’orhutumbaguzi. Kali ye sho ye wakuburhaga, ye wakulemaga ye nakubika?

Bacîranuzi 16:4

Enyuma z’aho anaciyinjibana omukazi omu kabanda ka Soreki, izîno ly’oyo mukazi ye Dalila.