Izaya 5:14 - BIBLIYA NTAGATIFU OMU MASHI

¹⁴ Co cirhumire wakuzimu ayâshama, ayâshamize akanwa karhalusa olugero; abaluzi n’olubaga bakwêbwamwo haguma n’ecihôgêro câbo n’amasâmo gâbo.

Izaya 5:14 ပူးပေါင်းရင်းမြစ်များ

Ennanga 49:14

Yo njira y’abacîbikakwo omurhima eyo, kwo banafà ntyo abalimbira omugisho bàburhanagwa.

Ennanga 55:15

Omuntu nabonaga rhwanunirwa n’ecinyabuguma, rhwacûka kuguma omu ka-Nyamuzinda omu kafurhè k’olukulu wâni!

Migani 1:12

mpu rhubamiranguse kula okuzimu kunajira, rhubamire baguma-guma nka kula banayandagalira omu nshinda.

Migani 27:20

Wa-nyênga na Wa-kuzimu, abo bombi barhîgurha. kwo n’amasù gw’omuntu garhîgurha.

Migani 30:16

Okuzimu, endâ y’engûmba, idaho lirhigurha mîshi, n’omuliro gurhaderha mpu: lekaga!

Izaya 14:11

“Irenge lyâwe lyayandagalîre ekuzimu haguma n’omulya gw’ennanga zâwe. Emivunyu yo ekola ncingo ogwîshirekwo, n’obulyôka bwo bukola bushiro bukubwîsire!”

Izaya 14:9

“Idako, wakuzimu adwîrhe acîshinga erhi we orhuma, mpu akuyankirire. Akol’azûsa ebizunguzungu we orhumire, ngasi bâli bakulire abâbo en’igulu; âyimusa oku ntebe zâbo abâmi b’amashanja boshi”.

Izaya 21:4

Omurhima gwâni gwakangusire, ecôbà canshamwîre. Ecajingwe nakâg’icîfinja nti cinderhere ehibohôlolo, campindukîre côbà.

Izaya 24:8

Obushagaluke bw’abarhimba engoma bwahwîre, olubî lw’abantu bali oku nsiku nkulu lwahirigisire, n’omuhimbo gw’olulanga gwadumire.

Izaya 30:33

Nêci, ennundo y’enshâli eri nteganye kurhenga mîra; erheganyizîbwe mâmi naye. Omu mwîna mulirî na mugali, enshâli mwandu z’okutwâna omuliro ziri nnunde. Omûka gwa Nyakasane, nka nshalalo ya cibiriti, gwahirakwo omuliro.

Ezekiyeli 7:12

Amango gayishire, olusiku luli hôfi. Owagula amanye ankacîshinga, naye owagûza amanye ankacîduduma, ebwa kubà obukunizi bwahonîre ngasi muguma.

Daniyeli 5:30

Muli obwôla budufu mwônêne Baltazari, mwâmi w’abanya-Kaldeya anni­gwa.

Nahumu 1:10

Bâjamo eciri nka câhirà, bâhungumuka nka lubala! Omu, boshi bâhungumke.

Habakuki 2:5

Nêci, obuhashe abà nyammanjà, abantu bacîbonyi barhadêkerera, kwo bahuba nka nshinda, kwo balonza ngasi mango nka lufù, banajè banyaga ishanja oku lindi, bagahire goshi idako ly’oburhegesi bwâbo.

Mateyo 7:13

Mugerere omu lusò lufundire, bulya olusò lugali n’olushanjûsire eri njira ehêka ebwa kuheza, na banji bayigeramwo.

Luka 17:27

“Bakâg’ilya banakanywa, bakasheba banakashebwa, kuhika lulya lusiku Nûhu ajaga omu nkugè; ecihonzi càyisha, càbaho­mbya boshi”.

Luka 21:34

«Mumanye emirhima erhazidoheragwa n’amasîma g’omubiri, endalwè n’okucirhanya oku by’en’igulu, ly’olwo lusiku lurhammuyishira cifudukwè.