Izaya 48:3 - BIBLIYA NTAGATIFU OMU MASHI

³ Ehirhanzi-rhanzi mîra nahimanyîsagya, omu kanwa kâni byarhegaga, nanali erhi nammubwîzirebyo. Erhi ncibikola, byàbà ho n’aho.

Izaya 48:3 ပူးပေါင်းရင်းမြစ်များ

Izaya 29:5

Engabo z’abashombanyi bâwe kwo zâyîsh’ibà hitulo hishengeshere, n’engabo y’ababisha bâwe nka nnundo y’ebyâsi yayêhûlwa n’empûsi. Oku irindo liguma, oku caligumiza,

Izaya 30:13

eco câha cikola câmmuhindukira nka bubere buberesire omu lukûta lulîrî; lunayôrhe nka kurhunda lwamârhunda, lêro obone oku kuhongoka lwamâhongoka oku caligumiza.

Izaya 37:29

“Kulya kubà onkunirîre na kulya kubà obucîbone bwâwe bwayumvîkîne omu marhwiri gâni, nkolaga nakuhira ehigondo hyâni omu izûlu n’omurhamba gwâni ekanwa, nkugalule omu njira wayishagamwo”».

Izaya 37:7

“Alà oku namâmuhiramwo omuzimu wamuzimuha: omwanzi ayumva gwarhuma ashubira omu cihugo câge. Omu cihugo câge namuneshera, anigwa n’engôrho. Omurhambo w’olurhambà ajirhimâna mwâmi w’e Asîriya”».

Izaya 41:22

Bayegerage hano, barhumanyîse ebyâbà. Ehyàgezire, babiderhe! Murhubwirebyo, nîrhu rhucîjè emurhima, rhubone erhi byayunjwîre! Nîsi erhi mubâge ebyayîsh’ibà byo murhubwîra!

Izaya 41:27

Omu Siyoni mwo namanyîsagya okwo burhangiriza, narhuma omujà-bugo omu Yeruzalemu.

Izaya 42:9

“Ebirhanzi mîra byabâga, nankola nammumanyîsa ebihyâhya. Mmubwîzirebyo embere birhangire okubà”».

Izaya 43:9

Amashanja gashubûzanye goshi, n’ebihugo bibugânane! Ndi muli bo wamanyîsize ebyôla anarhubwîra ebyàjiragwa kurhenga mîra? Balerhage abahamirizi bâbo bayêrekane oku bo bayâzize! Abâbayumva baderhe, mpu: «Nêci, kwo binali ntyo!»

Izaya 45:21

Lerhagi olubanja lwinyu, muhirane, ciru munadôsanye Ndi wamanyîsize ebyôla kurhenga mîra, ndi wabifulwîre kurhenga ago mango? K’arhali nie, Nyakasane? Ntà wundi nyamuzinda kuleka nie! Nyamuzinda mushinganyanya na muciza, ntà wundi kuleka nie!

Yozwe 21:45

Omu binwa by’obwangà Nyakasane asuhira­ga bene Israheli boshi ntâco cabulikîne: byoshi byanayunjula.