Izaya 47:1 - BIBLIYA NTAGATIFU OMU MASHI

¹ Honoka, obwârhale omu katulo, wâni mubikira, munyere w’e Babiloni! Bwârhala oku idaho, buzira entebe yâwe y’obwâmi, we munyere w’Abanya-Kaldeya bulya ntà mango banacikuderhe mpu we mutûdu; mpu we na mwinjinjà.

Izaya 47:1 ပူးပေါင်းရင်းမြစ်များ

Ayubu 2:13

Okubundi bajibwârhala oku idaho aha burhambi bwâge, bahabêra miregerege nda na madufu nda. Ntâye muli bwo washagîre kanwa, bazânwa n’amababale mangana aho.

Ayubu 2:8

Ayubu ayanka ehijò akazicîburûsha-mwo anaforhamire omu luvù.

Ennanga 137:8

Kashâba we, mwâli wa Babeli, ali w’iragi linene owabona amabî warhujirîre.

Ennanga 18:27

Ôbà mwêru-kwêru n’omwêru-kwêru, ci endyâlya kuyengehula oyiyengehula.

Ennanga 89:44

Engôrho yâge wayitumbirage, orhanacimuyimangire omu ntambala.

Izaya 13:1

Obulêbi buyêrekîre Babiloni Yeshayahu, mwene Amotsi abonaga.

Izaya 13:13

Nêci, amalunga gadundagana, igulu lijugume omu makondo gâlyo, erhi bukunizi bwa Nyakasane Nyamuzinda w’Emirhwe burhuma, olusiku omutula gwâge mudârhi gwabasha.

Izaya 14:1

Nêci, Nyakasane âbabalira Yakôbo ânashub’icîshoga Israheli; âshub’ibadekereza omu cihugo câbo. Abantu b’embuga bacîgusha haguma nabo banalungane n’enyumpa ya Yakôbo.

Izaya 21:1

Obulêbi buyêrekîre irungu liri ebwa nyanja. Nka kula empûsi ya kalemêra ehûkiza omu Nêgebu, kwo bârhenga ebw’irungu, omu cihugo c’ecôbà.

Izaya 23:12

Anaciderha, erhi: «Orhakaciderha mpu wacîbona, bulya washerîre, wâni munyere w’e Sidoni! Yimuka, oyîkirire e Kitimi! Ci ciru n’eyo munda ntà buholo wâbuganayo!»

Izaya 26:5

Nêci, ahenangwîre abàli bayûbasire oku ntondo, n’ecishagala càli cilengerîre acîrhimba oku idaho, acîvumvuza omu katulo.

Izaya 3:26

Emihango yâwe yalaka enalakûle, na hano okola oli omu mirhanyo, ovondame omu katulo.

Izaya 37:22

“Alaga akanwa Nyakasane adesire kuli ye: Amâkugayaguza, amâkushekera, omubikira, omwâna-nyere Siyoni; amâkukengula omwâna-nyere Yeruzalemu!”

Izaya 52:2

Ocîgukumule akatulo, oyimuke we wali muhêke bujà, wâni Yeruzalemu! Ocîshwêkûle emigozi ekulî omu igosi, we wali muhêke bujà, wâni mwâli wa Siyoni!

Yeremiya 13:18

Obwîre mwâmi n’omwâmikazi: Tamali oku idaho bulya ecimanè cirya c’irenge carhibusire oku irhwe linyu.

Yeremiya 46:11

Sôkera e Galadi wâni mubikira mwânanyere w’e Mîsiri, orhôle omugavu n’obukù. Omanye warhamira busha okuyûshûla amafumu: ntà bufumu bwagwârha kuli we.

Yeremiya 48:18

Ewe mwânanyere w’e Diboni, shonôka omu irenge lyâwe, tamala oku idaho lyûmulyûmu, bulya kaheza wa Mowabu oyo wasôka ali kurhêra, âshâba engombe zâwe.

Yeremiya 50:1

Aka kali kanwa Nyakasane aderhezagya omulêbi Yeremiyahu kayêrekîre Babiloni n’ecihugo c'Abakaldeya.

Yeremiya 50:42

Abasirika bâbo bajà bashaganya amatumu n’engôrho, bali nka by’êru­ bala barhabâlira ndi. Bajà bajira olubî nka kula enyanja ekungula. Bashonyire oku biterusi banacikeresire bwinjinjà oku lugamba lw’amatabâro, w’oyo bayishîre wâni Babiloni.

Yeremiya 51:1

Ntya kwo Nyakasane adesire: Nahûkiza kuli Babiloni n’abayûbaka e Kaldeya empûsi ndârhi y’akashâbo.

Yeremiya 51:33

Bulya ntya kwo Nyakasane w’Emirhwe, Nyamuzinda w’Israheli adesire: Omwânanyere we Babiloni kwàli nka ngo amango bali bayirhindagira. Hisanzi hitya hyône hicimusigalire, amango g’okusârûla gamuhikîre.

Yeremiya 51:51

Oku rhwakagiyumva enshonyi zarhubumba erhi rhwayumvagya ebijâci! Enshonyi zakazirhusôka kuhika emalanga amango rhwabonaga abanya-mahanga bashesherera omu cirhînyiro ca Nyakasane.

Ndûlù 2:10

Abahanûzi b’e Siyoni babwârhîre oku idaho banaguguma, amarhwe gâbo bagashîzire omutulo banayambala babusunzu. N’ensûli z’e Yeruzalemu zayûnamîre oku idaho.

Ndûlù 2:21

Emisole n’abashosi bajîre balambama oku idaho omu njira, abâna­-rhabana bâni n’abâna-nyere bahwêrire oku bwôji bw’engôrho. Wàbayîsire omu lusiku lw’omutula gwâwe, wanigûza buzira lukogo.

Ndûlù 4:5

Abakagirya ebinja-binjà bishushagîre, lêro bajà balengukira omu njira. Abalereragwa omu by’obugale, bakola bajà bafukula ecavu n’amabo­ko gombi.

Ezekiyeli 26:16

Abaluzi b’omu nyanja boshi, bashonôka oku ntebe zâbo, bahogola ebishûli byâbo n’emyambalo yâbo y’obushengerêre. Bayambala entemu, bâshurhama oku idaho bâgeramwo omusisi gwa nyegenye bânarhangâle erhi w’orhuma.

Ezekiyeli 28:17

Omurhima gwâwe gwahemwîre n’obucîbone erhi bwinjà bwâwe burhuma. Wàsherêzize oburhimanya bwâwe erhi irenge lyâwe lirhuma. Nakukwêbire oku idaho, nakujizire masheka g’abâmi.

Yônà 3:6

Omwanzi gwahikakwo mwâmi w’e Ninive, azikûka oku ntebe yâge, ahogola ecishâli câge, acîbwîka sunzu, acîbwâlika n’omu luvù.

Haggeyo 2:22

Nkola nâkûla entebe z’amâmi, nshâbe n’amahashe g’abâmi b’amashanja. Nâhirika e­ngalè n’abazigendakwo; ebiterusi n’ababishonakwo bânigwa, ngasi muguma âkumba omu ngôrho ya mwene wâbo.

Zakariya 2:7

Olya malahika wal’irhumirwe okunderheza anacishegûka n’owundi amushokolera.

Mafulûlo 18:7

Kulyâla akazâg’icîkuza n’okucîlimbîsa, kwo munamulîsagye n’amagala munamuhè emishîbo! Akazâg’iderha omu murhima gwâge, erhi: «K’arhali nie mwâmi-kazi, ntali mukana, na ntà mango nabone emishîbo!»