Izaya 41:14 - BIBLIYA NTAGATIFU OMU MASHI

¹⁴ Orhayôbohaga, wâni muvunyu gwa Yakôbo, wâni munyole gw’Israheli! Nie nâkurhabâla, Nyakasane okudesire; côkola wâwe, ye Mutagatîfu w’Israheli.

Izaya 41:14 ပူးပေါင်းရင်းမြစ်များ

Ayubu 19:25

Niono mmanyire oku omwihôzi wâni anali Ozîne, n’oku ye wayîsh’iyimanga wa buzinda oku katulo.

Ayubu 25:6

Oku muntu yêhe ka kurhabulikane, Omuntu orhali muntu ci muvunyu, gula mushwa mpu mwene omuntu!

Ennanga 19:14

Obucîbone nabwo obulangekwo mwambali wâwe, bulek’impîma! Ntyo mbè muntu mwimâna, na mwêru-kwêru oku câha cinene.

Ennanga 22:6

Erhi bàkuyâkûza, bàcira, erhi bacîkwikubagira, barhacitulutûmbaga.

Ennanga 46:5

Enyîshi-nyîshi zo ziyinjihya olugo lwa Nyamuzinda, zo zishagalusa ecirâlo citagatîfu c’Ow’Enyanya bwenêne.

Ennanga 78:35

Banakaz’ikengêra oku Nyamuzinda ye Kabuye kâbo, oku Ow’Enyanya ye Muciza wâbo.

Izaya 35:10

Abà Nyakasane ayish’ibà alîkûzize bâgaluka, bahike omu Siyoni bayisha baband’empundu banabarhwîre amasîma g’ensiku n’amango oku irhwe. Bâyunjula mwishingo n’amasîma; emirhanyo n’endûlù byâhirigirha.

Izaya 37:4

“Kwankabà Nyakasane Nyamuzinda wâwe ayumva ebinwa by’omurhambo w’olurhambà orhumirwe na nnahamwâbo, omwâmi w’e Asîriya, mpu ayish’ijâcira Nyamuzinda ozîne! Kwankanabà amuhanira ebyo binwa Nyakasane Nyamuzinda wâwe anayumvîrhe! Mâshi osengererage aga mâhunga g’olubaga lwâge gacisigîre!”»

Izaya 41:10

Orhayôbohaga, bulya ndi haguma nâwe, orhabâga bihamba, bulya nie Nyamuzinda wâwe. Nakuzibuhize nanakurhabâla, nakugwâsa n’okulyo kw’obucîranuzi bwâni.

Izaya 43:14

Ntyâla kwo adesire Nyakasane, mucunguzi winyu, Omutagatîfu w’Israheli: Mwe mwarhumire ntuma abantu e Babiloni, nâhamûla orhuhamikizo rhw’empamikwa zoshi, empûndu z’omwîshingo z'Abakaldeyi zâhinduka ndûlù.

Izaya 43:3

Bulya nie Nyakasane, Nyamuzinda wâwe, nie Mutagatîfu w’Israheli, Mucunguzi wâwe. Nahanyire Mîsiri nti nkucungule, Kushi na Seba ahâli hâwe.

Izaya 44:22

Nazazize amabî gâwe nka lwikungu, n’ebyâha byâwe nka citù. Shubira emunda ndi, bulya nie nakuyôkolaga.

Izaya 44:24

Kwo adesire ntyâla Nyakasane. mucunguzi wâwe, owakubumbaga kurhenga omu nda ya nyoko: Niono, nie Nyakasane nalemaga byoshi; nienene nabungûlaga amalunga, nanazibuhya igulu buzira kurhabâlwa na ndi.

Izaya 44:6

Kwo adesire ntyâla Nyakasane, mwâmi w’Israheli, muyôkozi wâge, Nyakasane Nyamuzinda w’Emirhwe: Nie murhanzi, nie na muzinda, ntà wundi nyamuzinda kuleka nie!

Izaya 47:4

Côkola wîrhu ye Nyakasane Nyamuzinda w’Emirhwe, ye Mutagatîfu w’Israheli!

Izaya 48:17

Kwo adesire ntyâla Nyakasane, Côkola wâwe, Omutagatîfu w’Israheli: Nie Nyakasane Nyamuzinda wâwe, nie nkuyigîrizize ebikukwânîne, nie nankushokolera omu njira ogeremwo.

Izaya 49:26

Abadwîrhe bakulibuza, nâbalîsa enyama z’emibiri yâbo, bâlaluka omukò gwâbo nka kula banalaluka amamvu manunu. Ngasi muntu amanya obwo oku nie Nyakasane, Mucunguzi wâwe, oku nie Ntwâli ya Yakôbo, Côkola wâwe.»

Izaya 49:7

Kwo adesire ntyâla Nyakasane, Côkola na Mutagatîfu w’Israheli, àkubwîra oyu bagayaguza, oshombwa n’abantu, Omujà w’abarhegesi, erhi: «Hano abâmi babona, bâyimuka, nabo abaluzi bâfukama, mpu bayêreke Nyakasane obukenge bwâbo, ye mudahemuka, ye Mwimâna w’Israheli wakwishogaga.»

Izaya 54:5

Bulya owakulemaga ye balo, izîno lyâge ye Nyakasane w’Emirhwe, n’Omucunguzi wâwe ye Mutagatîfu w’Israheli, oderhwa Nyamuzinda w’igulu lyoshi.

Izaya 54:8

Omu bukunizi bwâni, nakufulika obusù bwâni hisanzi hisungunu, ci nkola nâkufà bwonjo erhi buzigire bwâni bw’ensiku n’amango burhuma, kwo adesire Nyakasane, Mucunguzi wâwe.

Izaya 59:20

Omuciza wa Siyoni amâyisha, al’iciza balya bene Yakôbo baleka obugoma bwâbo, Nyakasane okudesire.

Izaya 60:16

Wayish’iyonka amonka g’amashanja, wâyish’iyonka amabêre g’abâmi, onamanye oku niene Nyakasane nie Mucunguzi wâwe, n’oku Omuyôkozi wâwe ye Ciri-misî Ntwâli ya Yakôbo.

Izaya 63:16

Nêci, we larha! Bulyâla Abrahamu arharhuyishi, naye Israheli arhankacirhumanya. W’oyo, Nyakasane, we larha, we Muciza wîrhu kurhenga ensiku n’amango, lyo izîno lyâwe.

Yeremiya 46:27

“Cikwône, w’oyo Israheli, mwambali wâni Yakôbo, orhayôbohaga. Bulya lolà oku nyishire okuyishikuciza, kurhenga omu bihugo by’e kulî n’iburha lyâwe, lyârhenga omu cihugo c’obujà. Yakôbo âshubiyagaluka anadêke n’omurhûla, adêkerera n’obuholo na ntâye wacimuhugûga”.

Yeremiya 50:34

“Niono, Mufungizi wâbo, ndi muzibu, nie Nyakasane w’Emirhwe. Nafumbarha niene olubanja lwâbo, lyo ndêrha omurhûla omu igulu, n’akashâbo omu bantu b’e Babiloni”».

Ndûlù 3:57

Amango nakuhamagalaga wanyegera wanabwîra, erhi: «Orhayôbohaga».

Daniyeli 10:12

Anacimbwîra, erhi: «Orhayôbohe, wâni Daniyeli, bulya kurhenga galya mango warhangiraga okucîshalisa embere za Nyamuzinda mpu ly’ôbà n’obukengêre, ebinwa byâwe byayumvikîne, nâni nyishire erhi ebyôla binwa byâwe birhuma.

Hozeya 11:9

Ntàciyuklriza obukunizi bwâni, lêro ntacishàbe Efrayimu, bulya ndi Nyamuzinda, ci ntali muntu ekarhl kawe, ndî yo Mwimâna, ntâyishe n’oburhè.

Mateyo 7:14

Ci olusò lufunda n’enjira efundîre yo ehêka ebwa Buzîne, na banyi bayibona.

Luka 12:32

“Murhayôbohaga, mwe busò busungunu, bulya Sho alonzize okummuhà Obwâmi”».

Barom 9:27

Naye Izaya aderhîre Israheli, erhi: ciru bene-Israheli bankaluga nka mushenyi gw’omu nyanja, obusigale bwône bwânacizibwe;

Bagalasiya 3:13

Kristu arhufumize okuhehêrerwa kw’amarhegeko, erhi yêne ayêmêra okuhehêrerhwa rhwe rhurhumire, bulya kuyandisirwe, mpu: Ahehêrerwe ngasi yêshi oli munanike oku murhi!

Lushika 7:7

Nyamubâho àcishwêkîre kuli mwe anacimwîshoga: arhali mpu kulya kubà mwaluzire mwarhalûka agandi mashanja goshi, ciru mwe banyi omu mashanja goshi,

Tito 2:14

wacîhânaga yêne rhwe rhurhumire, mpu arhucize omu ngasi bubî, na hano abà amârhucêsa, a­rhujire mulala gwâge gukombêra okujira aminjà.

Yozwe 17:18

“Bulya entondo yayishiba yâwe; eri ya muzirhu, ogukube, n’emyûbako eri oku muzirhu yâbà yâwe, bulya walibirhakwo abanya-Kanâni, ciru akabà bagwêrhe engâlè z’ebyûma, bulya we muzibu kulusha bo”».

Mafulûlo 5:9

Erhi banadwîrhe bayimba olwimbo luhyâhya, mpu: «Nêci, okwânîne oyanke eci citabu onahamûle orhuhamikizo rhwâco, bulya wanizirwe, warhucungwîre n’omukò gwâwe, warhuhà Nyamuzinda, rhwe b’omu ngasi mulala, n’omu ngasi lulimi luderhwa, n’omu ngasi ishanja, n’omu ngasi cihugo,