Izaya 41:13 - BIBLIYA NTAGATIFU OMU MASHI

¹³ Bulya niono, Nyakasane Nyamuzinda wâwe, nkugwârhîre oku kuboko kulyo, nankubwîzire, nti: «Orhayôbohaga, nie nakurhabâla!»

Izaya 41:13 ပူးပေါင်းရင်းမြစ်များ

Ennanga 109:31

Bulyâla anayîmangire omukenyi, mpu lyo amulîkûza omu bazûzi.

Ennanga 118:7

Nyakasane ali haguma nâni: ye burhabâle bwâni, abanshomba nâbona oku enshonyi zâbabumba.

Ennanga 63:8

Bulya nêci washubire mufungizi wâni, n’omu byûbi byâwe nuno ndwîrhe nacîshingira.

Ennanga 73:23

Niehe nâyôrha mbà haguma nâwe, wanyansire wangwârhira oku kuboko.

Lubungo 14:13

Mûsa abwîra olubaga, erhi: «Murhayôbohe! Zibuhi! Mwabona ebi Nyakasane ammujirira ene; bulya abà Banya-Mîsiri mudwîrhe mwabona, murhakacibabona bundi.

Lubungo 20:20

Mûsa abwîra olubaga, erhi: «Murhayôbohaga! Bulya Nyamuzinda ayishire mpu amurhangule, lyo ecôbà câge cimmubâmwo, mulek’ikâgoma.»

Izaya 41:10

Orhayôbohaga, bulya ndi haguma nâwe, orhabâga bihamba, bulya nie Nyamuzinda wâwe. Nakuzibuhize nanakurhabâla, nakugwâsa n’okulyo kw’obucîranuzi bwâni.

Izaya 42:6

«Nie Nyamuzinda nakuhamagalaga omu bushinganyanya, nàkugwârhira oku kuboko, nàkubumba nanakuyimanza nti nkujire ndagâno y’olubaga na bumoleke bw’amashanja,

Izaya 43:6

Nabwîra Emwênè, nti: «Lerha!» n’Emukondwè, nti: «Orhabahagalike! Galula bagala bâni barhenge omu bihugo b’ihanga, na bali bâni barhenge emunda igulu lihekera,

Izaya 45:1

Ntyâla kwo Nyakasane abwîzire Sirusi, àshîgaga amavurha g’obwâmi, erhi: «Namugwârhîre oku kuboko kulyo, nti agombye amashanja anayimûle abâmi; nti ayîgule emihango embere zâge, mpu na ntà lumvi lwaciyôrha luli luhamike.

Izaya 51:18

Ciru ntà muguma wamuhabwîre muli balya bagala aburhaga, ntâye ciru n’omuguma wamugwârhîre oku kuboko muli balya bâna boshi aleraga!

Yeremiya 30:10

“Nâwe, we mwambali wâni Yakôbo, orhaciyôbohaga kwo Nyakasane adesire, orhacirhe omurhima, wâni Israheli, bulya nyishire nti nkuyôkole mw’ebyo bihugo by’ekulî, nâyôkola n’abâna bâwe, omu cihugo bahêkagwa bujà. Yakôbo agaluka anashubibona obuholo n’omurhûla. Na ntâye wacimurhemula”.

Yeremiya 46:27

“Cikwône, w’oyo Israheli, mwambali wâni Yakôbo, orhayôbohaga. Bulya lolà oku nyishire okuyishikuciza, kurhenga omu bihugo by’e kulî n’iburha lyâwe, lyârhenga omu cihugo c’obujà. Yakôbo âshubiyagaluka anadêke n’omurhûla, adêkerera n’obuholo na ntâye wacimuhugûga”.

Haggeyo 2:5

“Yo ndagâno najiraga ninyu erhi murhenga e Mîsiri, n’omûka gwâni guli ekarhî kinyu. Murhayôbohaga”.

2 Timoteyo 4:17

Ci kwônene Nyakasane yêhe ali anyimangîre, ananzibuhya, mpu lyo mmanyîsa obugo bwâge, lyo n’abapagani boshi babuyumva. Nanalîkûzîbwe omu kanwa k’entale.