Izaya 3:16 - BIBLIYA NTAGATIFU OMU MASHI

¹⁶ Nyakasane adesire, erhi: Kulya kubà abâna-nyere b’e Siyoni badwîrhe bacîbona, bajà bagenda bakuba igosi n’amasù g’obushumya, bajà bagendera oku mano enyanya banajegeza amashondo gabali emagulu,

Izaya 3:16 ပူးပေါင်းရင်းမြစ်များ

Migani 16:18

Kagayo kashokolera okurhibuka, n’omuhîmbo gw’omuntu gwo gushokolera okuhunguluka.

Migani 21:4

Okulolera abandi oku cirhugo kugayana, enkola-maligo erhakola agarhali maligo.

Migani 30:13

Hali obûko bulolera abandi oku cikanyi, n’ebisike biyunjwire kagayo.

Lwimbo 3:11

Mwe banyere b’e Siyoni mukanye mubone: Mwâmi Salomoni ayambîrhe ishungwè nnina amuyambikaga olusiku lw’obuhya bwâge, olusiku lw’obusîme bw’omurhima gwâge.

Izaya 1:8

“Mwâli wa Siyoni asigîre yêne nka cifumba omu lukoma lw’emizâbîbu, nka higombe omu ishwa ly’emirhandâgule, nka cishagala cigorhe”.

Izaya 24:4

lgulu liri omu mishîbo, lyàbengîre; igulu lyàsherîre, lyàshâbûsire; amalunga nago gabengîre haguma n’igulu.

Izaya 3:1

Alà oku Nyakasane Nyamuzinda w’Emirhwe akola anyaga Yeruzalemu na Yûda ngasi nsimikiro na ngasi burhabâle bwa mugati n’obw’amîshi.

Izaya 3:17

Nyakasane akola ahira ebibungu omu marhwe g’abâna-nyere b’e Siyoni anabamôme emikungu.

Izaya 3:18

Olwo lusiku Nyakasane abanyaga ebibalimbamwo: orhugondo rhwâbo rhw’amagulu, ensanamu z’izûba n’ez’omwêzi,

Izaya 3:4

Nabahà abâna barhò babè bo babarhambula n’ebirhaba bibè byo bibarhegeka.

Izaya 4:4

Mango Nyakasane âbà amarhenza izinga ly’abâna-nyere b’e Siyoni n’okushuka omukò gwabulagîrwe omu Yeruzalemu n’omûka g’obucîranuzi bwâge n’omûka gw’engulumira y’omuliro gwâge,

Sofoniya 3:11

«Olwo lusiku, we lubaga lwâni, orhakaciyumva nshonyi oku mabî gâwe goshi, oku byâha byâwe byoshi wanjirire; bulya bala boshi bayunjulira bucîbone, nâbakûla ekarhî kâwe, onaleke obwo okukâminira oku ntondo yâni ntagatîfu.

Mateyo 21:5

Mubwîre omunyere w’e Siyoni, erhi: Lolà oku Mwâmi wâwe ayishire emunda oli; ayishire mutûdu, abwârhîre oku ndogomi n’omucukà gwâyo.

Luka 23:28

Yezu anacibahindamukira, ababwîra, erhi: «Mwe bakazi b’e Yeruzalemu, murha­ndakiraga, ci mucîlakire mwenene mulakire n’abâna binyu!