Izaya 3:11 - BIBLIYA NTAGATIFU OMU MASHI

¹¹ Buhanya bwâge omuntu mubî, nyankola-maligo; bulya anagalulirwe nk’oku ebijiro by’amaboko gâge bikwânîne!

Izaya 3:11 ပူးပေါင်းရင်းမြစ်များ

Murhondêro 18:25

Nanga orhankajira ntyo! Okuherêrekeza omushinganyanya haguma n’enkola-maligo, okugeza omushinganyanya cikembe ciguma n’omunyabyâha. Nanga ntà mango. K’omutwî w’emmanja w’igulu lyoshi arhakacitwa mmanja?»

2 Samweli 3:39

Kuli nie mubwîne oku ndi muntu ofunyîre, ene n’obwo nashîzirwe amvurha g’obwâmi. Ci kwônene abâla bantu bene Seruya bali bantu badârhi kundusha. Nyamuzinda yêne agalulire ngasi nyankola-maligo oku anahenyaga amaligo gâge!»

1 Bâm 21:21

“Lolà oku nkola nahira obuhanya kuli we: Nakuherêrekeza, namalîra abalume b’omu mulala gwa Ahabu, omujà n’orhali ye omu Israheli”.

2 Nganîro 6:23

muli enôla nyumpa, yâgirwa onayumvîrhize kurhenga emalunga onakole wêne wanakazitwîra abarhumisi bâwe olubanja, omu kuyêrekana ndi oli mubî n’omu kumubarhuza obubî bwâge yênene oku irhwe lyâge, n’omu kuyêrekana ndi oli mushinganyanya, na okukazimuha nk’oku obushinganyanya bwâge bunali.

Ayubu 10:15

Nkabà munya-byâha, erhi namânahera! Nkabà mwêru-kwêru, ciru ntayinamule amalanga, bulyâla ndi muntu enshonyi zibumbire, n’obuhanya bunyunjwîre!

Ennanga 28:4

Obatwîre nk’oku ebijiro byâbo bikwânîne, n’oku obubî bw’ebyâha byâbo budesire, obashobôze ebiringânîne emikolo y’enfune zâbo, ebijiro byâbo bibashubirekwo.

Ennanga 62:12

Nnâmahanga adesire akanwa nakayumvamwo bibirhi: «Nnâmahanga ye Nn’obuhashe,

Migani 1:31

Bakolaga bâlya amalehe gw’obuhabusi bwâbo, bàyigurha amahano bàcîhaga bône.

Migani 11:31

Erhi omushinganyanya ahemberwa hanôla igulu, omumînya n’omunya-byâha bôhe kurhi byâyishibà?

Migani 12:14

Oku mukolo gw’akanwa kâge, omuntu anayigurhe ebinja, n’oku omuntu àkozire kwo anahêmbwa.

Migani 26:27

Ohûmba omwîna anagugwemwo, ohirika ibuye linamugalukekwo.

Muhanûzi 8:13

Mmanyire n’oku ntà kusîma kw’omumînya n’okûla ma kwâge kunali kulibuka kwa cizunguzungu, kulya kubà arharhînya Nyamuzinda.

Izaya 13:11

Nahanira igulu obubî bwâlyo na banyankola-maligo mbahanire obugo­ma bwâbo; nayûsa obucîbone bwa bacikanyi-cirhagomba, na­ mperêrekeze omulimbo gw’abâmi balibuza abashi bâbo.

Izaya 48:22

Ntà murhûla kuli banyankola-maligo, kwo Nyakasane adesire.

Izaya 65:20

Murhakacibonekana hibonjo hyalama nsiku nsungunu, nîsi erhi mushosi orhâyunjuze ensiku zâge zoshi; bulya omusole gwakaz'ifîra oku myâka igana, n’orhahisiri oku myâka igana erhi ali muhehêrere.

Izaya 65:6

Alà oku biyandisirwe embere z’amasù gâni; ntâhulike kuhika mpane nnampane lwoshi lwoshi

Izaya 65:7

amabî ginyu n’amabî ga basho, goshi haguma, Nyakasane okudesire. Bakazâg’igend’iyôkera obukù oku ntondo n’okundogorhera oku rhurhondo; ebijiro bya mîra nkolaga nabigerera oku lugero lukwânîne.

Yeremiya 21:14

Nâmuhanira amalehe g’ebijiro binyu, Kanwa ka Nyamubâho. Nadûlika omuliro omu muzirhu gwâge, gumôme amarhambi gâge goshi.

Yeremiya 31:30

Bulya owamalya amalehe garhahîri ye ganalumîsa amîno; ngasi muntu âkazisamba olwâge.

Ezekiyeli 16:59

Bulya ntya kwo adesire Nyakasane Nyamubâho. Nakujirira nk’oku wanajiraga, we wakazâgigayaguza ebi wahigaga kuhika wanavuna endagâno.

Ezekiyeli 18:20

Owajizire kubî ye wânkanafà; omwâna arhâkazibarhulè amabî g’îshe, kuguma n’îshe w’omwâna arhânkabarhula omuzigo gw’omwâna wâge, omushinganyanya ahemberwa obushinganyanya bwâge n’omubî ahanirwa obubî bwâge.

Ezekiyeli 2:10

Anacicibungûlira embere zâni: càli ciyandike olunda n’olundi; càli ciyandikekwo: «Ndûlù, njamu, mirenge!»

Ezekiyeli 24:14

Niono nie Nyamubâho namâderha, okôla ndesire kwâbà, nâkujira buzira kushubira nyuma, ntâbabalire, ntâbe na bwonjo. Oku olugendo lwâwe luli n’oku ebijiro byâwe biri kwo bânakutwîra olubanja, kwo adesire Nyakasane Nyamubâho.

Ezekiyeli 33:8

“Erhi nankabwîra omuntu mubî nti: We muntu mubî, okuli wâfà! erhi wankahulika okabula bwamubwîriza mpu aleke enjira yâge mbî, oyôla muntu anafà erhi câha câge cirhuma; ci kônene we nankadôsa omukò gwâge”.

Mikeyo 3:4

“Lusiku luguma bâhamagala Nyakasane, ci kwône arhâbashuze. Olwo lusiku abafulike amalanga gâge erhi bibî bàjizire birhuma”».

Mikeyo 7:13

Ciru akabà ntyo, ecihugo câbà bigûkà erhi ba nnaco bàrhuma, erhi bijiro byâbo bibî birhuma.

Mibalè 32:23

Ci akabà murhajiziri ntyo, loli oku mwamajira ecâha emunda Nyamubâho ali; munamanye oku ecâha cinyu camukulikira.

2 Bakorinti 5:10

Bulyâla rhweshi kukwânîne rhuboneke aha lukîko lwa Kristu, lyo ngasi muguma âhâbwa amakwânane g’ebi ajizire aciri omu mubiri, binjà erhi bibî.

Yakôbo 2:13

Bulya olubanja lurhababalira orhaba lukogo; ci olukogo kulimba lulimbira olubanja.

Bacîranuzi 9:57

Nyamuzinda abarhuza ntyo abo bantu b’e Sikemi abubî bwâbo. Na ntyo kwabà kulya bahehêreragwa na Yotami, mugala wa Yerubali.