Izaya 26:7 - BIBLIYA NTAGATIFU OMU MASHI

⁷ Enjira y’omushinganyanya bubà bwîrhonzi, we otwîra omushinganyanya enjira nnongêdu.

Izaya 26:7 ပူးပေါင်းရင်းမြစ်များ

1 Nganîro 29:17

Yâgirwa, Nyamuzinda wâni, mmanyire oku onalole e nkengêro zîrhu nfulike, n’oku orhahimwa kurhonya obushinganyanya; obwîne oku murhima gw’okunali narhûziremwo buzira kusêzibwa na ndi obuhirhi bwâni, nanabwîne ene oku olu lubaga lwâwe lucîgushire hano nalwo lwajira ntyo n’obushagaluke bunene.

Ayubu 31:6

Angererage oku lugero lukwîrîre, Nyamuzinda yênene amanyirira oku ndi mwêru-kwêru

Ennanga 1:6

Bulya Nyamuzinda ayishi enjira y’abimâna, ci enjira y’endyâlya kuhabula ehabula.

Ennanga 11:4

Nnâmahanga omu ka-Nyamuzinda kâge katagatîfu, Nyakasane oku ntebe yâge y’obwâmi omu malunga; amasù gâge gadwîrhe galolêreza igulu, engohe zâge zidwîrhe zasinza abâna b’abantu.

Ennanga 11:7

Bulya Nyamuzinda abâ mushinganyanya, akunda n’obushinganyanya; abantu b’emirhima mimâna bo bâbone obusù bwâge.

Ennanga 25:4

Yâgirwa onanangule aha emirimbwa yâwe egera, onanyigîrize oku enjira zâwe zigenda.

Ennanga 25:5

Ongeze omu njira y’okuli kwâwe onanyigîrize, bulya wêne we Nyamuzinda we na mufungizi wâni.

Ennanga 27:11

Ondangûle enjira zâwe, Yâgirwa, onampire omu njira edêkerîre, bulyâla abanshombire ho bali.

Ennanga 5:9

Nyakasane, onange omu bushinganyanya bwâwe, bulyâla abanzi bampisire eka; enjira yampisa emwâwe, oyiyumanyanye.

Migani 11:5

Obushinganyanya bw’omuntu nkana bunamukâbûlire enjira, oku omumînya ashâya omu bumînya bwâge.

Migani 20:7

Omushinganyanya, ilabarha lyâge, lya mudahemuka; abâna asiga, abasiga bany’iragi.

Migani 21:8

Enjira y’enkola-maligo erhashongera, ebijiro by’entagengwa byôhe bibà bishongire.

Migani 3:6

Omu mirimo yâwe yoshi orhahîraga okamuhaba, Wâbona oku ayumanyanya enjira zâwe.

Migani 4:18

Enjira y’abashinganyanya kw’eri nka bucè bwa lubûngu-bûngu, bwo buyisha bwakula kalinde kabà kasirahinga.

Izaya 30:18

Ci Nyakasane adwîrhe alinga amango ammubabalira; co cirhumire amâyîmuka mpu ammuyêreke olukogo lwâge, bulya Nyakasane abà Nyamuzinda mushinganyanya; iragi lyâbo ngasi boshi bamulangâlira!

Izaya 35:8

Hâyîsh’ibà omulimbwa gwakûz’iderhwa njira ntagatîfu. Abarhacîri barhakayigeramwo, bulya Nyakasane yêne wayîsh’iyîgula eyo njira, n’orhudundaguzi rhurhakaderha mpu rhwâhabukiramwo.

Izaya 42:16

Nâgeza emihûrha omu njira erhishi, nâyilongolana omu mikâba erhasâg’igerwamwo bundi. Embere zâbo, omwizimya nâguhindula bulangashane, n’enjira z’orhubanda-rhubanda nzijire nnongêdu. Eyo mihigo nâyiyunjuza, ntabule bwayiyûkiriza.

Izaya 52:12

Murhagendaga n’empa, murhanabaga nk’abayâka, bulya Nyakasane ayish’alambagira embere zinyu, n’omurhwe gwinyu muzinda ali Nyamuzinda w’Israheli.

Izaya 57:2

Acîgendera n’omurhûla, na balya bakulikira enjira y’obushinganyanya baluhûkira omu ncingo zâbo.

Yeremiya 10:23

Omanyire yâgirwa Nyamubâho, oku enjira y’omuntu erhabà yâge kurhanali kwâge okulambagira n’okusêra omu njira yâge burhanali buhashe bwâge bumuheba omu njira n’okumubêzamwo.

Hozeya 14:9

Efrayimu, lushangi luci ociri mwe n’abazimu? Ndwîrhe nâmuyumvi­rhiza nânamulola. Kwo ndi nka nshebeyi enagîrîre, nie ntumire wâyêrakwo amalehe.

Sofoniya 3:5

N’obwo Nnâmahanga abà mushinganyanya muli co, ntà bya bulyâlya ajira; ngasi sêzi na bijingo anabahè amarhegeko, mucêracêra arhabula­bulà, arhishi bulyâlya.

1 Bakorinti 4:5

Kuziga murhatwaga olubanja lwa bene dubaduba. Muleke Nyakasane ayishe, ye wash’imoleka ebifulike omu mwizimya, anabishûle emihigo eri omu murhima. Okubundi ngasi muguma ayish’ihâbwa na Nyamuzinda obukuze bumukwânîne.

2 Bakorinti 1:12

Irenge lîrhu bw’obûla buhamîrizi bw’omurhima gwîrhu guhamîriza oku mw’eri igulu, na bwenêne emunda muli, rhwayôsire omu butagatîfu n’omu kurhabêsha, n’okwôla rhwakuhâbagwa na Nyamuzinda. Rhwayôsire ntyo, arhali oku bwenge bw’omubiri, ci oku burhabâle bw’enshôkano ya Nnâmahanga.

Befezi 2:10

Bulya rhuli mulimo gwâge, rhwalemirwe muli Kristu Yezu mpu rhujire ebijiro binjà Nyamuzinda arhurheganyizagya okukola.

1 Yowane 3:10

Eci abâna ba Nyamuzinda n’abâna ba shetani bamanyirwakwo c’eci: ngasi yêshi orhajira obushinganyanya arhabà wa Nyamuzinda, n’orhazigira mwene wâbo kwo na kuguma.

1 Yowane 3:7

Rhwâna rhwâni, ntâye ommurhebage. Ojira obushinganyanya erhi ali mwimâna, nk’oku oyo ali mwimâna.