Izaya 24:7 - BIBLIYA NTAGATIFU OMU MASHI

⁷ Amamvu g’omurhobo gali omu mishîbo, enkoma z’emizâbîbu zaganûsire, n’entwâli z’enshagali zidwîrhe zaniha.

Izaya 24:7 ပူးပေါင်းရင်းမြစ်များ

Izaya 16:10

Omwîshingo n’enshagali byàhirigisire omu mashwa, n’omu nkoma z’emizâbîbu murhaciyumvikana nyimbo nîsi erhi izù ly’enshagali. Abakânzi barhacikandira irivayi omu mikenzi; izù ly’enshagali lirhaciyumvîkana.

Izaya 16:8

Nêci, enkoma z’emizâbîbu y’e Heshiboni zayûmûsire, n’olukoma lw’e­mizâbîbu y’e Sibima, eyi irivayi lyâyo lyakazâg’ijimbîsa abarhegesi b’amashanja, kwo na kwo. Yakazâg’ilanda kuhika e Yazeri, ehabukîre omu irungu, n’amashami gâyo galande, garhaluke enyanja.

Yeremiya 7:34

Omu bishagala bya Yûda n’omu mihanda ya Yeruzalemu nahulisamwo izù ly’omwîshingo n’ely’obusîme; izù ly’omuhya n’ery’omuhya-mulume, bulyâla ecihugo cahinduka mwerûlè.

Ezekiyeli 6:14

Nâlambûlira okuboko kwâni kuli bwo n’ecihugo coshi ncijire bwâmwa kurhenga omw’irungu kuhika e Ribla, na ngasi hoshi bayûbaka na ntyo banamanya oku nie Nyamubâho.