Izaya 24:5 - BIBLIYA NTAGATIFU OMU MASHI

⁵ Igulu lyahemwîrwe n’amagulu g’abalibâmwo, bulya bavunyire amarhegeko, barhajiraga ebishingânîne, banavuna endagâno y’ensiku n’amango.

Izaya 24:5 ပူးပေါင်းရင်းမြစ်များ

2 Samweli 23:5

Nêci, enyumpa yâni edêkerîre omu masù ga Nyamuzinda. Bulya ampîre endagâno yâge y’ensiku n’amango, eri nungêdu enalanzirwe bwinjà; k’arhali ye mêza obucire bwâni n’oburhabâle bwâge?

2 Bâm 21:12

Nyamuzinda w’Israheli aderha ntya: erhi, Yeruzalemu na Yûda nkola nabalerhera obuhanya bulya bwa nkahûsa amarhwîri ga ngasi yêshi wankanayumva babushambâlakwo.

2 Bâm 21:15

Okwôla ebwa kubà bajizire ebirhashinganini omu masù gâni, banakayôrha bankuniza ngasi mango kurhenga halya ababusi bâbo barhengaga e Mîsiri kuhika bunôla».

2 Nganîro 33:9

Menashè ahabula Yûda n’abantu b’e Yeruzalemu, balinda bajira amabî garhalusire amabî gajiragwa na galya mashanja Nyamubâho amaliraga embere za bene Israheli.

Ennanga 105:10

Kalya agwîkaga kashuba irhegeko kuli Yakôbo; kanaba ndagâno y’ensiku n’amango kuli Israheli.

Ennanga 55:5

Omurhima gundi omu nda bagulyagusize, n’ebihamba by’olufù byamponirekwo.

Izaya 10:6

Ye ntumire nti agend’ihana olubaga lw’endyâlya, ye ntegesire nti aj’ilwîsa olubaga ludwîrhe lwasholoshonza obukunizi bwâni, lyo alunyaga analunyagûse, alulabarhe nka bijondo by’omu njira.

Izaya 30:9

Bulya luli lubaga lugoma, bali bâna balyâlya, bâna barhalonza okuyumva amarhegeko ga Nyakasane.

Izaya 33:8

Omu mirimbwa murhaciyimbwa ndi, ntâye ocidwîrhe wagera omu njira. Bavunyire eciragâne, bagayaguza abahamirizi, barhacikenga ndi.

Izaya 50:1

Kwo adesire ntyâla Nyakasane: «Ngahi ciri ecêrhè c’okuvuna obuhya cihamîriza oku nahulusize nyoko? Nîsi erhi emwa ndi nammuguzize bujà nti lyo mmulyûla emyenda mmubâmwo? Mabî ginyu gàrhumaga muguzibwa, bugoma bwinyu bwarhumaga nyoko ahulusibwa».

Izaya 9:17

Nêci, obubî kwo buyôca nka muliro, bunafômere emishûgi n’amakerêrhe, bunayôkêre amashaka g’omu muzirhu, busôkeze n’ebitù by’omugî emalunga.

Yeremiya 11:10

Bashubirire amaligo ga b’îshe, balahiraga mpu barhayumva ebinwa byâni: b’abôla bakulikîre banyamuzinda b’obwîhambi mpu babè bo bakolera. Enyumpa y’Israheli n’enyumpa ya Yûda bavunyire omu binwa by’endagâno rhwalagânanaga rhwe na b’îshe.

Yeremiya 50:5

“Bayisha badôsa enjira yajà e Siyoni, yo munda bayêrekîre. Bayishire balibugâna Nyakasane, bafundike haguma naye endagâno y’ensiku n’amango, erya y’enkwîra erya barhakaciyibagira ciru n’eriguma”.

Ezekiyeli 16:59

Bulya ntya kwo adesire Nyakasane Nyamubâho. Nakujirira nk’oku wanajiraga, we wakazâgigayaguza ebi wahigaga kuhika wanavuna endagâno.

Ezekiyeli 20:13

Ci omulala gw’Israheli gwacîhindula kuli nie omwôla irungu; barhashimbaga amarhegeko gâni, bàjandika engeso zâni ezi balibagwâsirwe okushimba lyo balama nazo, barhajiraga okurhali kuhemukira ezo nsiku zâni za Sabato. Okubundi nanacibà n’olukengêro lw’okuderha oku nkola nabadubulirakwo abukunizi bwâni omwôla irungu, nti mbamalîre.

Ezekiyeli 20:24

Bulya barhashimbaga engeso zâni, bajandisire amarhegeko gâni banahemukira ensiku zâni za Sabato, n’amasù gâbo gacishwêkera oku bazimu ba b’îshe wâbo.

Ezekiyeli 37:26

Nâjira endagâno y’omurhûla rhweshi nabo, yâbà ndagâno y’ensiku n’amango nâbadêkereza nambaluze, nampire endâro yâni ekarhî kâbo ensiku zoshi.

Daniyeli 7:25

Ayishiderha ebinwa by’obucîbone kuli Ow’Enyanya bwenêne. Ajà âyîrha abatagatîfu b’Ow’Enyanya bwenêne, âcîshomya ciru n’okuhindula amango matagatîfu, okuhindula obuyêmêre, oku ngoma yâge abatagatîfu balibuzibwa mango garhali manyi, kugere n’agandi mango, n’aga­ndi mango masungunu,

Daniyeli 9:10

Rhurhanayumvîrhizagya izù lya Nyakasane Nyamuzinda wîrhu omu kushimba amarhegeko gâge ahiraga emalanga gîrhu omu kanwa k’abalêbi bambali bâge.

Daniyeli 9:5

Rhwajizire ebyâha rhwanahabuka, rhwakozire amabî rhwanahinduka bagoma, rhwajandika amarhegeko n’engeso zâwe.

Hozeya 6:7

Ci bôhe bene Adamu bàvunyire eciragâne, aho bannenganya.

Ben Levi 20:22

Mulange amarhegeko gâni n’engeso zâni zoshi: mukaz’igashimba lyo eco cihugo nammutulira cirhag’imushala.

Ben Levi 26:35

Amango goshi, ecihugo ciri omu malibuko erhi kuhumûka cinadwîrhe cahûmûka, n’okwôla murhankakubwine omu zizira zinyu, amango mwanal’imuciyûbasiremwo.

Mikeyo 2:10

Yimuki, mugende! Harhaciri ha kurhamukira aha. Okuhemuka kwinyu kwârhuma mwârhindibuka bwenêne.

Luka 1:6

Bombi bâli bashinganyanya embere za Nyamuzinda, banakâg’ishimba kwinjà amarhegeko ga Nnâmahanga goshi na ngasi byoshi biyandisirwe.

Lushika 32:15

Yakôbo alya ayigurha. Yeshuruni atwêra ahimba. (Watwezire, warhuma wacilugira!) Aleka Nyamubâho wamujiraga, ibuye lyamucizagya alibonêsa nshonyi.

Lushika 32:20

Aderha erhi: Nabafulika obusù bwâni, ndolage kurhi byababêra. Bulya lyabîre iburha ligalugalu, bâna barhagwêrhi oku bakacîkubagirwa.

Bahabraniya 13:20

Nyamuzinda w’omurhûla, wafûlaga omu bafù Nnawîrhu Yezu, ye Lungere mukulu w’ebibuzi, erhi nterekêro y’omukò gwâge gw’endagâno y’ensiku n’amango erhuma,

Bahabraniya 9:1

Endagâno ntanzi nayo yali egwêrhe eyayo migenzo y’okushenga n’akâyo ka-Nyamuzinda ka mwo linw’igulu.

Yozwe 23:16

“Mukavuna erya ndagâno Nyakasane, Nyamuzinda winyu ajiraga, mukagendikolera abandi ba-nyamuzinda na mukakazibafukamira, oburhè bwa Nyakasane bwanayâka kuli mwe, kandi mwanabona oku mwanaherêrekera duba duba muli eci cihugo cinjà bwenêne amuhâga”».

Yozwe 24:25

Ntyo kwo Yozwè ajirîsizemwo olubaga eciragâne, analuha, ago mango bali aha Sikemi, amarhegeko n’engeso bashimba.