Izaya 22:4 - BIBLIYA NTAGATIFU OMU MASHI

⁴ Co carhumaga nderha, nti: «Murhandolagakwo, muleke ndake ndakûle! Murhacîrhamagya mpu mwantûliriza kw’obu buhanya bwarhogîre mwâli w’olubaga lwâni».

Izaya 22:4 ပူးပေါင်းရင်းမြစ်များ

Esteri 4:1

Erhi anayumva oku kwo byalâlîrwe ntyôla, Mardokeyo asharhula emyambalo yâge ayambala sunzu, anacilabika oluvù. Okubundi anacikanya omu lugo loshi ajà abanda endûlù,

Ennanga 77:2

Nnâmahanga nayâkûza obu nakûbiriza ntya, ye ndwîrhe nayâkûza nti anyumve nâni.

Izaya 15:3

Abagera omu njira, masunzu bayambîrhe; oku burhungiri bw’enyumpa n’omungo, boshi badwîrhe babanda endûlù banadubula emirenge.

Izaya 33:7

Alà oku abantu b’e Ariyeli badwîrhe babandira orhuhababo omu njira; abajà-bugo b’omurhûla bayisha balaka banalakûla.

Yeremiya 13:17

N’akabà murhayumvîrhi oku namurhonda, nalakira emurhima erhi bucîbone bwinyu burhuma, amasù gâni gâlaka omulenge gw’okubona obusò bwa Nyakasane bwagenda mpira.

Yeremiya 31:15

Nyakasane ashubiriderha erhi: «Kurhenga e Rama, izù lyâyumvikana, mirenge ya burhè. Rasheli oyo walakira abâna bâge; arhalonza ciru arhûlirizibwe bulya abâna bâge bafîre.

Yeremiya 4:19

Alà ehindi omu nda wee! alà enda wee! alà nka yaluma wee! Omurhima bamâgudunda. Ntankahashihulika bulya namâyumva babûha omushekera. Cihôgêro ca ngabo yajà oku matabâro.

Yeremiya 6:26

Mwâli w’olubaga lwâni yambala sunzu, civuluvunze omu luvù, jira emishîbo kulya banashîba omwâna w’ecûsha obande endûlù, bulyâla alingirhuhikakwo, kaheza.

Yeremiya 8:18

«Namâyumva amagala gandya omurhima gurhaciri gwâni!

Yeremiya 9:1

Lêro ndi wakampebera icumbi omu irungu? Nanayâka olubaga lwâni ncijire kuli nabo, bulya boshi bali bagonyi, ngabo ya ncuku.

Yeremiya 9:18

Nêci endûlù yàyumvikîne omu Siyoni: «mpu yajewe alà nka rhwalengana! alà nka rhwabumbwa n’enshonyi wee, yajewe alà mpu rhuleke eci cihugo bulya barhushâbulîre enyumpa».

Ndûlù 2:11

Amasù gâni garhûnzire n’okulaka emirenge, omurhima gundimwo gwarhozire, ntankabula bwaziguluka kw’obu buhanya bwamarhinda oku lubaga lwâni, bulya abâna b’ebirhaba n’abaciri oku ibêre badwîrhe bafîra omu ngo z’ebishagala n’enyôrha.

Ezekiyeli 21:11

“Nâwe mwene omuntu abande akahababo, orhe omurhûma. Ago mango wâbà oyunjwîre burhè, obande orhuhababo erhi onali embere zâbo”.

Ezekiyeli 27:31

Bâcîmomogola irhwe erhi we orhumire, bânayambale sunzu. Bâkulakira bavugumule emirenge minene.

Mikeyo 1:8

Niono Mikeyo, nâlaka nandakûle, nâgenda buzira nkwêrho emagulu erhi nandi bushugunu, buzira mwambalo. Nâlaka nka nyambwe, nyâme nka nyunda.

Mateyo 2:18

Izù lyayumvîkana muli Rama, endûlù n’ebihogêro bya Rakeli walakira abâna bâge: arhanalonz’irhûlirizibwa, bulya abâna bamufirire.

Mateyo 26:75

Obwo Petro akengêra kalya kanwa Yezu amubwîraga, erhi: «Embere oluhazi lubike, wampakana kasharhu». N’erhi acihuluka, arhondêra okuvugumula emirenge.

Luka 1:2

nk’oku rhwayimanyisibagwa na balya bayibonaga bônene kurhenga emurhondêro, bo bâli rhurhonzi na barhumisi b’ezo nderho,

Luka 19:41

Erhi akola ahika omu cishagala, arhondêra okucilakira, erhi: