12 Nyakasane Nyamuzinda w’Emirhwe ali ammulalisire olwo lusiku mpu mulake munabande endûlù, mukungûlwe irhwe munayambale sunzu.
Yeremiya ajira olwimbo lwa omulenge kuli Yoshiyahu; abimbiza b’abalume n’abakazi bàdesire ebiyêrekîre Yoshiyahu omu nyimbo z’okulaka kwâbo, kuhika ene; banakujira irhegeko omu Israheli. Na lolà oku ezôla nyimbo ziri nyandike omu Nyimbo z’Emirenge.
Erhi nyumva ntyo, na sharhangula emyambalo yâni n’ecishûli câni, nacîmanyula emviri okw’irhwe, n’obwânwa, natamala nieshi n’omutula.
Wabwîne kurhi ababusi bîrhu balibukaga omu Mîsiri, wanayumva omulenge gwâbo oku Nyanja y’Amashekesheke.
Okubundi, Ayubu àyimuka, asharhula emyambalo yâge, amômwa omukûngu acîrhimba oku idaho, anaciderha, erhi:
Ngasi ehi ajira, hikwânana amango gahyo, ci kwône omu kulola amango goshi, ebi Nyamuzinda ajira kurhenga emurhondêro kuhika ebuzinda, birhumvikana.
Habà amango g’okulaka, n’amango g’okusheka; n’amango g’endûlù n’aga okusâma.
Bakola basôkera ebwa mahêro e Diboni mpu bagend’ilakirayo. E Nebo n’e Madaba, Mowabu ali omu mulenge: amarhwe goshi gali makungûle, n’amânwa goshi gali mamôme.
Erhi bankababalira nyankola-maligo, arhankayigîriraho obushinganyanya; omu cihugo c’obwîrhonzi, yêhe anakâjira ebigalugalu, arhankanabona obukulu bw’irenge lya Nyakasane.
Buhanya kuli Ariyeli, Ariyeli, lula lugo Daudi ali ahanziremwo! Muyûshûle omwâka oku gundi mwâka, ensiku nkulu ziyûse zakulikirana,
Ahâli h’omugavu, byâbà bibolêreza; ahâli h’omukaba, lwâbà lukoba; ahâli h’emviri mpunge, lyâbà irhwe lihalanguzè; ahâli h’akanzu, bwâbà busunzu; ahâli h’obwinjà, yâbà myokêro.
Mujugume, wâni balera-ngolo, mudirhimane. mwe murhashîbiriri bici! Muhogole emyambalo yinyu, muyôrhe busha, mushwekere sunzu ecibunu.
Erhi mwâmi Hizkiyahu abiyumva, asharhula emyambalo yâge, ayambala sunzu, ajà omu ka-Nyamuzinda.
Arhuma omurhambo w’oku bwâmi, Eliyakimu n’omwandisi Shebuna, bo n’abagula b’abadâhwa emw’omulêbi Yeshayahu, mwene Amotsi; banacigenda bayambîrhe sunzu.
«Cici cankarhuma rhwacîshalisa akabà orhakubwini? Cici cankarhuma rhwacîbabaza akabà orhakumanyiri?» Ewe, kali omu lusiku lwinyu lw’okucîshalisa, munabè binyu binyu byo mukola mugugumirizekwo n’okurhindibuza abarhumisi binyu boshi!
Abakulu n’abarho, bâfàmwo eci cihugo banabule câbisha babule na câlakira, ntâye wâshâkwa na ntâye wâmômwa mukungu.
Orhajâga n’omu nyumpa bajira olukulu mpu otamale olye onanywe haguma nabo.
Mubâge mwayamhala basunzu mulake mubande endûlù, bulyâla omungo gwa Nyamuzinda gurharhulesiri.
Moma ebiviri byâwe birî-birî, obikabulire. Sôkera oku ntondo mpalangule obandirekwo endûlù. Bulyâla Nyamuzinda amakaga obûko bumugayîsa.
Bâcîmomogola irhwe erhi we orhumire, bânayambale sunzu. Bâkulakira bavugumule emirenge minene.
Mwâmi Baltazari anacilonza okujirira abakulu b’omu cihugo câge olusiku lukulu, byàli bihumbi by’abarhambo abanywesa idivayi, naye yêne alinywa bwinjinjà embere z’ebyôla bihumbi by’abantu,
Orhacîshingaga, Israheli, orhacîmogaga nka bapagani; bulya walesire nyamuzinda wâwe mpu oshimbe obubaraga, wasîmire oluhembo lw’a mabî omu ngo zoshi z’engano.
Mwe badâhwa, yambali sunzu, muyakûze omu mirenge. Mwe barhumisi ba Nnâmahanga, muyishe, mugeze obudufu bwoshi muli sunzu. Bulya ntà burherekêre bucidwîrhe bwalerhwa omu ka-Nyamuzinda, oli oburherekêre bw’engano, oli oburherekêre bw’idivayi.
Mubande endûlù ak’omuhya-kazi oli omu mishîbo alakira omulume ocishuba amurhôla dubaduba.
Gaciri mango g’okugaluka emunda ndi, kwo Nyakasane, adesire. Okwo mukujire n’omurhima gwinyu gwoshi: mucîshalise, mulake munanyakûze.
Kurhenga aha lusò lw’aka-Nyamuzinda kuhika aha luhêrero, abadâhwa ba Nnâmahanga bamulakire, bamubwîre, mpu: «Orhubabalire, mâshi Yâgirwa, obabalire olubaga lwâwe; orhabonese omwîmo gwâwe nshonyi, gulek’ishekerwa n’amashanja. Ka wâleka amashanja gakâderha, mpu: Ngahi aligi olya Nyamuzinda wâbo?»
Ensiku nkulu zinyu nazihindula mishîbo, enyimbo zinyu zoshi ndûlù; ebibunu binyu byoshi nâbiyambika busunzu, n’amarhwe ginyu goshi ngahirekwo olubala. Nâjira eyo mishîbo ebè nka ya mwâna wa cûsha kuhika ebuzinda lwâbà lusiku lwa burhè.
Omwanzi gwahikakwo mwâmi w’e Ninive, azikûka oku ntebe yâge, ahogola ecishâli câge, acîbwîka sunzu, acîbwâlika n’omu luvù.
Mucigugunyule emviri, mucîmôme omukungu, mwe bantu b’e Yeruzalemu, irhwe linyu libè luhala nka nyunda, mulakire abâna binyu bazigirwa, bulya bakola bahêkwa bujà kulî ninyu.
Oku bwinyu ninyu mwe bagale! Mulake, munabande endûlù kuli kabutindi wâmmuyishira!