Izaya 2:21 - BIBLIYA NTAGATIFU OMU MASHI

²¹ bâcîjire omu nkunda z’enyâla n’omu myongobana y’amabuye erhi bwôba bwa Nyakasane n’obw’omulazo gw’irenge lyâge burhuma, amango anayimuke mpu ageze igulu mw’omusisi.

Izaya 2:21 ပူးပေါင်းရင်းမြစ်များ

2 Samweli 22:46

Abâna ba abanya-mahanga banashandabane, basige ebishagala byâbo bizibuzibu.

Ayubu 30:6

Bàkazâg’ihanda omu mânga z’embyà, omu nkunda erhi omu nyâla z’amabuye.

Ayubu 9:6

Anashabagize igulu aha linali, n’ebikondo liyimangirakwo binagere mw’omusisi.

Lubungo 33:22

Hano irenge likola lyagera, nakuhira omu mongobana gw’olwâla, nkubwikire n’obulà bw’enfune zâni, kuhika ngere.

Lwimbo 2:14

Ngûkù yâni nfulike omu migâku y’olukunda, omu ngobe y’amabâle, nyêreka obusù bwâwe, nyumvîsa izù lyâwe, bulyâla omulenge ojira gurhajira wundi, n’iranga lyâwe kwo na kwo.

Izaya 2:10

Yôngoberera omu lwâla. ocîfulike omu katulo, oyâke obukunizi bwa Nyakasane n’omulazo gw’irenge lyâgel

Izaya 2:19

Bayongoberera omu nkunda z’enyâla n’omu idaho, mpu bayâke obukunizi bwa Nyakasane n’omulazo gw’irenge lyâge, amango anayimuke mpu ageze igulu mw’omusisi.

Izaya 24:18

Owaderhe mpu ayâka ecôbà, arhogere omu nyenga, anagwârhwe n’omurhego. Nêci, emihango y’amîshi g’emalunga yamayîguka, n’ebiriba by’igulu byamâjuguma.

Izaya 33:10

«Lêro nkolaga nayimanga, Nyakasane okudesire, nkolaga nayîmuka, nkolaga nalengerera.

Izaya 7:19

Zayisha, zije zàgwa zoshi-zoshi omu nyîshi z’oku manga n’omu myongobana y’amabuye, omu ngasi ishaka n’omu ngasi bulambo bwa kahasi.

Yeremiya 16:16

Lâba oku narhuma omwandu gw’abadubî babaduba, yekudesire Nyakasane, nshubijaho ntume omwandu gw’abahivi bâbahivulula oku ngasi ntondo, oku ngasi karhondo n’omu ngasi mugaku gw’amabâle.

Hozeya 10:8

Empêrero z’amabî zâshâbwa, câha c’Israheli: emishûgi n’enyûrhe zâmera oku mpêrero zâbo. Go mango bâkâbwîra entondo, mpu «Murhufunike», n’orhurhondo, mpu: «Murhuhirimirekw».