Izaya 17:2 - BIBLIYA NTAGATIFU OMU MASHI

² Engo zâge zajandisirwe, zikola zicibêra lwâbuko lwa masô; gakâz’ishiramamwo harhanajire owagahugûga.

Izaya 17:2 ပူးပေါင်းရင်းမြစ်များ

Ayubu 11:19

Wanaluhûkaga na ntâye wacikuhûgûga, na banji bashub’iyisha bali kusengera.

Izaya 27:10

Nêci, cirya cishagala cizibu-zibu cirhaciyimbwâmwo muntu: cikola cicibêra bigûkà na mushaka nk’irungu. Mwo amanina gakola gayâbuka, mwo gakola gashiramira n’okukerera akahasi.

Izaya 5:17

Abâna-buzi bayâbukira omu bigûkà nka kulya biyâbukira ebulambo, n’abanahene bâkakereramwo akahasi.

Izaya 7:21

Olwo lusiku, ngasi muntu ashwêka ndaku nguma na mpene ibirhi.

Izaya 7:22

Na kulya kubà amarhà gayîsh’iluga, bakalya amashanza. Ngasi boshi bânâsigale omu cihugo, bakâlya amashanza n’obûci.

Yeremiya 48:19

Mwe bantu b’e Aroeri, mugorhe enjira munalinge, mudôse owajayâka n’empira yashunûsire. Mudôkereze mpu: «Kurhi byabîre?»

Yeremiya 7:33

N’emirhumba y’olwo lubaga yâbà lwîko lwa binyunyi by’emalunga, haguma n’eby’erubala, harhaboneke n’omuntu wabihiva.

Ezekiyeli 25:5

Nâjira Raba ahinduke cirâlo ca ngamiya, n’ezindi ngo za bene Amoni zibè lwâbuko lwa bibuzi. Na ntyo mwânamanya oku nie nandi Nyamubâho.

Ezekiyeli 39:26

«Bâyishiyibagira amabî gâbo goshi n’oku bandekêreraga kwoshi, hano babona bakola bayûbasire omu cihugo câbo n’omurhûla, buzira kadundo.

Mikeyo 4:4

Ci ngasi muguma akazitamala aha murhi gwâge gw’omuzâbîbu, n’aha idako ly’omurhi gwâge gw’omuzêti, ntâye wâcibakange. Ntyo kwo aka­nwa ka Nyamuzinda w’Emirhwe kadesire.

Sofoniya 2:6

«wânashube bulambo, abangere bakakukomeramwo enyâlè aha bigala n’irango lya bibuzi».

Mibalè 32:34

Bene Gadi banaciyûbaka Diboni, Ataroti, na Aroweri,

Lushika 2:36

Kurhenga kuli Aroeri oli oku burhambi bw’omugezi gwa Arnoni, n’omurhundu guli omu kabanda kâge, kuhika aha Galadi, ntà murhundu rhurhahikagamwo, Nyamubâho, Nyamuzinda wîrhu arhuhàyo yoshi.

Lushika 3:12

Rhwarhôla eco cihugo obwo kugwârhira oku Aroweri aha mugezi gw’Arnoni. Nahà Rubeni na Gadi oluhande lw’entondo ya Galadi n’ebishagala bimuli.

Yozwe 13:16

Ecihugo câbo càli kurhenga aha Aroeri oku burhambi bw’omugezi gw’Arnoni, n’olugo luli omu karhî k’olubanda koshi luli hôfi na Medeba,

Yozwe 13:25

Banacihâbwa ecihugo ca Yazeri, engo zoshi za Galadi, oluhande lw’ecihugo ca bene Amoni, kuhika ah’Aroeri, oli aha ishiriza lya Raba,