Izaya 15:2 - BIBLIYA NTAGATIFU OMU MASHI

² Bakola basôkera ebwa mahêro e Diboni mpu bagend’ilakirayo. E Nebo n’e Madaba, Mowabu ali omu mulenge: amarhwe goshi gali makungûle, n’amânwa goshi gali mamôme.

Izaya 15:2 ပူးပေါင်းရင်းမြစ်များ

2 Samweli 10:4

Okubundi Hanuni anacigwârha balya bambali ba Daudi, anacibamômola obwânwa luhande, emishangi yâbo bajà bayibera mpande kuhika oku lurhungu bagali balîka mpu bagendage.

1 Nganîro 19:4

Lêro Hanuni anacishweka balya bajà-bugo ha Daudi: babamôma obwânwa banabakungûla, emyamhalo yâbo bajà bayisirhula kuhika oku mahiji, buzinda babalîka mpu bagende banayôsire ntyo.

Ayubu 1:20

Okubundi, Ayubu àyimuka, asharhula emyambalo yâge, amômwa omukûngu acîrhimba oku idaho, anaciderha, erhi:

Izaya 14:31

Obande endûlù, wâni muhango, obande akahababo, wâni lugo! Ogeremw’omusisi wêshi wêshi, wâni Filistiya! Bulya olunda lw’e mwênè erhenzire omugî, n’abarhabâzi barhalimwo osigir’enyuma.»

Izaya 15:3

Abagera omu njira, masunzu bayambîrhe; oku burhungiri bw’enyumpa n’omungo, boshi badwîrhe babanda endûlù banadubula emirenge.

Izaya 16:12

Bayish’ibona Mowabu aj’ayahagira, âsôkera oku ntondo, âgend’ishengera omu luhêro lwâge; ci arhamira busha.

Izaya 16:7

Co cirhumire abantu b’e Mowabu badwîrhe balakira Mowabu; boshi boshi badwîrhe babanda endûlù. Emigati y’emizâbîbu y’e Kir-Harêseti yo badwîrhe balakira banazanyirwe!

Izaya 22:12

Nyakasane Nyamuzinda w’Emirhwe ali ammulalisire olwo lusiku mpu mulake munabande endûlù, mukungûlwe irhwe munayambale sunzu.

Izaya 3:24

Ahâli h’omugavu, byâbà bibolêreza; ahâli h’omukaba, lwâbà lukoba; ahâli h’emviri mpunge, lyâbà irhwe lihalanguzè; ahâli h’akanzu, bwâbà busunzu; ahâli h’obwinjà, yâbà myokêro.

Yeremiya 3:21

Endûlù zayumvîkîne oku ntondo mpalangule, ndûlù n’emirenge ya bene Israheli kwo kuderha oku bagolongohize enjira yâbo, bàyibagîre Nyakasane Nyamuzinda wâbo.

Yeremiya 47:2

Ntya kwo Nyakasane adesire: Lolà amîshi gayisha gabirira kurhenga elugulu, gahinduka lwîshi ludârhi lurhankahamwa lwajamirira ecihugo na ngasi bimuli, ebi­shagala n’ababiyûbakamwo. Abantu bajayâma, bajalumba, boshi oku banayûbakaga omu cihugo,

Yeremiya 47:5

E Gaza, ekola mikungu ya mishîbo. E Askaloni kahwenyenye ka lufù; nâwe musigala gw’e lubanda lwâbo kuhika mangaci wacîyûnjuza n’okucîshâkashâka omubiri?

Yeremiya 48:1

Kuli Mowabu, ntya kwo Nyakasane w’Emirhwe, Nyamuzinda w’Israheli adesire: «Buhanya bwâwe Nebo, bulya wâshandwa, Kiryatayimi enshonyi zimubumbire anagwâsirwe mpira, nshonyi n’ecôbà oku ngombe.

Yeremiya 48:18

Ewe mwânanyere w’e Diboni, shonôka omu irenge lyâwe, tamala oku idaho lyûmulyûmu, bulya kaheza wa Mowabu oyo wasôka ali kurhêra, âshâba engombe zâwe.

Yeremiya 48:31

Co cirhumire ndi nalakira Mowabu, ndwîrhe nabanda endûlù kuli Mowabu yêshi, bali balumbwija erhi Kir-Heresi orhuma.

Yeremiya 48:35

Nakûla lwoshi lwoshi omu Mowabu, kanwa ka Nyakasane, ngasi yêshi orherekêra oku ntondo na ngasi otumbûkiza banyamuzinda wâge bw’obunywesi.

Yeremiya 49:3

Banda endûlù, Hesboni, bulya Ayi ànashâbirwe. Bandi orhuhababo bananyere b’e Raba! Yambali ba sunzu, mubande endûlù mutulutumbe omu byôgo! Bulya Milkomu akola ahêkwa bujà haguma n’abadâhwa bâge n’abalanzi bâge boshi.

Yeremiya 7:29

Moma ebiviri byâwe birî-birî, obikabulire. Sôkera oku ntondo mpalangule obandirekwo endûlù. Bulyâla Nyamuzinda amakaga obûko bumugayîsa.

Ezekiyeli 27:31

Bâcîmomogola irhwe erhi we orhumire, bânayambale sunzu. Bâkulakira bavugumule emirenge minene.

Ezekiyeli 30:2

Wâni, mwene omuntu olêbe oderhe, erhi: Ntyâla kwo adesire Nyakasane Nyamubâho. Mubande orhuhababo: Yâga! Lusiku luci!

Ezekiyeli 7:18

Bâyambala sunzu, n’omusisi gwâbabumba obusù boshi bwayunjula nshonyi, amarhwe goshi gamômwa.

Ben Levi 13:40

Erhi ankabà omuntu emviri zamuhonyire oku irhwe, lwamabà luhala o­lwo, ali mwêru kwêru, arhahumanyiri.

Ben Levi 21:5

Abadâhwa bacîlange bamanye barhakâg’ikungûlwa emviri oku irhwe, barhakâg’imômwa obwânwa bubè mishosho, bacîlange barhakâg’ishâkwa.

Amosi 8:10

Ensiku nkulu zinyu nazihindula mishîbo, enyimbo zinyu zoshi ndûlù; ebibunu binyu byoshi nâbiyambika busunzu, n’amarhwe ginyu goshi ngahirekwo olubala. Nâjira eyo mishîbo ebè nka ya mwâna wa cûsha kuhika ebuzinda lwâbà lusiku lwa burhè.

Mibalè 21:28

Omuliro gwazûsire e Heseboni, engulumira omu lugo lwa Sihoni yamalîre Ari-Mowabu, yamirangusa entondo z’Arnoni!

Mibalè 21:30

Iburha lyâbo lyashandâla kurhenga Heseboni kuhika aha Diboni. Rhwadulika omuliro kurhenga Nofahi kuhika Mediba.»

Mibalè 32:3

«Ataroti, Diboni, Nimra, Hesboni, Eleale, Sebami, Nebo na Beoni, eci

Mibalè 32:38

Nebo na Baal Meoni; ci amazîno gâbo gayîsh’ihinduka buzinda; bayûbaka na Sibma, banajà bayîrika ebyo bishagala bajaga banyaga amazîno.

Lushika 14:1

Mwoyo muli bâna na Nyamubâho, Nyamuzinda winyu. Murhahîra mukashâkwa nîsi erhi okumômwa ebisike nka hali ofîre.

Lushika 34:1

Mûsa anacisôka kurhenga omu rhubanda rhwa Mowabu asôkera oku ntondo Nebo, oku irhwêrhwè lya Pisga abà ishiriza lya Yeriko. Nyamubâho anacimulangûla ecihugo coshi: Gilgadi kuhika aha Dani.