Izaya 15:1 - BIBLIYA NTAGATIFU OMU MASHI

¹ Obulêbi buyêrekîre Mowabu. «Nêci, obudufu anyagagwamwo. Ar-Mowabu aherêrekera. Nêci, obudufu anyagagwamwo, Kir-Mowabu aherêrekera.

Izaya 15:1 ပူးပေါင်းရင်းမြစ်များ

2 Bâm 3:25

Bashâba ebishagala n’omu mashwa minjà ngasi muguma akabandamwo ibuye kuhika bagafûnika, bafuka amaliba goshi g’amîshi, bahongola emirhi y’amalehe yoshi ciru harhasigalaga agarhali mabuye gônene kurhenga aha Kiri-Harasheti, ababanda amabuye, bali erhi baluzongolosire banalurhindibuzize.

Izaya 11:14

Barhibukirakwo Abafilistini olunda lw’ebuzikiro bw’izûba, haguma bagend’ihagula amashanja g’ebushoshôkero. Bâgwârha Edomu na Mowabu, na bene Amoni babashiga.

Izaya 13:1

Obulêbi buyêrekîre Babiloni Yeshayahu, mwene Amotsi abonaga.

Izaya 14:28

Obûla bulêbi buli bwa gulya mwâka mwâmi Ahazi afâgamwo:

Izaya 16:11

Co cirhumire âmalà gâni gadwîrhe gadogoma nka lulanga erhi Mowabu orhuma, n’omurhima gwâni gudwîrhe gwahûmagirira Kir-Harêseti.

Izaya 16:6

Rhwayumvîrhe emyanzi y’obucîbone bwa Mowabu, mpu arhahimwa kucîbona; rhwayumva emyanzi y’omuhimbo gwâge, n’obucîbone bwâge, n’omumino gwâge, n’ey’obucîtîme bwâge.

Izaya 16:7

Co cirhumire abantu b’e Mowabu badwîrhe balakira Mowabu; boshi boshi badwîrhe babanda endûlù. Emigati y’emizâbîbu y’e Kir-Harêseti yo badwîrhe balakira banazanyirwe!

Izaya 25:10

«“Okuboko kwa Nyakasane kwâdêkerera kw’eyi ntondo. Mowabu yêhe alabarhirwa ahanali, nka kula banalabarhira ebyâsi omu mwîna gw’ecamvu”.

Izaya 25:12

“Enkûta zâwe nzibuzibu azikundula, azijonjole anazihenangulire oku idaho omu katulo”».

Mibalè 21:28

Omuliro gwazûsire e Heseboni, engulumira omu lugo lwa Sihoni yamalîre Ari-Mowabu, yamirangusa entondo z’Arnoni!

Lushika 2:18

«Woyo okola wayikira olubibi lwa Mowabu luderhwa Ara,

Lushika 2:19

n’okujà emunda bene Amoni bali. Orhaderhaga mpu wabarhêra erhi okubashonza bulya ntakuhè oku ishwa lya bene Amoni, bulya bene Loti nahîre eco cihugo, kwo kâbo kashambala.

Lushika 2:9

Nyamubâho ambwîra obwo, erhi: «Omanye wankarhêra ab’e Mowabu, orhanaderhaga mpu washonza Mowabu bulya ntakuhè kantu k’oku cihugo câge: bene Loti bo nahîre Ara nti lyo lyâbo ishwa.