Izaya 13:5 - BIBLIYA NTAGATIFU OMU MASHI

⁵ Barhenga omu cihugo c’ihanga n’ebuzinda bw’emalunga, Nyakasane n’emirasano akolêsa omu bukunizi bwâge, mpu aherêrekeze igulu lyoshi.

Izaya 13:5 ပူးပေါင်းရင်းမြစ်များ

2 Samweli 1:27

Kurhigi entwâli zakumbire? Kurhigi yahirigisirage emirasano y’amatabâro?

Izaya 10:5

Buhanya bwâge Asîriya, ye karhi kw’obukunizi bwâni, ye buhiri bw’olwihôlo lwâni!

Izaya 13:17

Alà oku nâbasunikakwo Abamedi, abarhalonza nsaranga barhanashîbiriri masholo.

Izaya 24:1

Alà oku Nyakasane amâshereza igulu amânalishâba, amâbindamya obusù bwâlyo amânashandabanya abalibâmwo.

Izaya 26:20

«Kanya, lubaga lwâni, ojè omu nyumpa zâwe, onacîyîgalirekwo enyumvi; orhang’icîfulika kasanzi kasungunu kuhika obukunizi bugere.

Izaya 30:27

Alà oku izîno lya Nyakasane ly’eryo lyarhenga erhali hôfi; ayisha ankuza n’oburhè bunji burhankalindwa. Akanwa kâge kayunjwîre bukali, n’olulimi lwâge lwayisha lwalaza nka ngulumira ya muliro.

Izaya 34:2

Bulya Nyakasane akunirîre amashanja goshi, engabo z’abalwî zâbo zoshi azikalihîre. Ahizire okubamalîra boshi n’okubalongôlana ebwa ibâgiro.

Izaya 48:14

Shubûzanyi mweshi, muyumve! Ndi muli mwe wamanyîsize ebyôla? Omurhonyi wa Nyakasane âyunjuza emihigo yâge. Kuli Babiloni n’iburha ly’Abanya-Kaldeya.

Izaya 5:26

Akola akema ishanja ly’ihanga, âliyâkûza kurhenga aha kafende-fende k’igulu. Ly’eryo liyiruka, liyishire buhena.

Izaya 66:14

Mwabona okwôla, omurhima gwinyu guyunjule mwishingo; amavuha ginyu, nka kula olubala luyâsa, kwo nago gayâsa. Okuboko kwa Nyakasane kwamanyisibwa omu barhumisi bâge, n’obukunizi bwâge omu bashombanyi bâge.

Izaya 7:18

Olwo lusiku Nyakasane ayâkûza ensûsi ziri ebuzinda bw’enyîshi z’e Mîsiri n’enjuci ziri omu cihugo c’e Asîriya.

Yeremiya 50:25

Nyakasane amâyigula embîko yâge. Omu bukunizi n’omu burhè bwâge akolaga ayêrekana emirasano akûzire mw’eyo mbîko. Babona omukolo gwa Nyakasane Nyamuzinda w’Emirhwe omu cihugo c’Abakaldeya.

Yeremiya 50:3

“Bulya ishanja lyarhenga njiranyanya lyamâmurhogera, lirimulwîsa, ecihugo câge lyamâcîhindula irungu: cirhakacibonekamwo ehiyîsa omûka. Abantu n’ensimba byoshi byàyâsire. Arhakaciyimbwamwo akantu”.

Yeremiya 50:9

“Bulya nkola nâhamagala omurhwe gw’amashanja manene guyishirhêra Babiloni. Abo bantu bayisha kurhenga omu cihugo ca njira nyanya, bagorhe Babiloni banamugwârhe. Emyampi yâbo erhagaluke cîru, nka kula omusirika w’entwâli arhagaluka maboko mûmu”.

Yeremiya 51:11

Hagiki ebisonga binyu. Nyakasane amâzûsa oburhè bw’abâmi b’Abamedi, bulya ahizire mpu kuhika ashâbe Babiloni. Lwihôlo lwa Nyakasane olwo. Lwihôlo lw’aka-Nyamuzinda kâge. Murhyâze emyampi yinyu, muyibumbe emirhamà.

Yeremiya 8:19

“Yumva endûlù ya mwâli w’olubaga lwîrhu, yamâzûka omu cihugo coshi mpu ka Nyamubâho arhacibà omu Siyoni, k’omwâmi w’e Siyoni arhaciyibà? (Carhumaga banjira burhè n’enshusho zâbo ebyo birhali byo byarhenga ihanga)”.

Ezekiyeli 22:31

Oku bundi lêro, nanacibabulagira kwo oburhè bwâni, nabayâkiza omu muliro gw’obukunizi bwâni. Nahira oku irhwe lyâbo olugendo lwâbo, kwo adesire Nyakasane Nyamubâho.

Mateyo 24:31

Obwo anarhuma bamalahika bâge n’omushekera gw’izù linene, bashûbûze abarhôle bâge b’empande ini z’igulu, kurhenga emalunga bwenêne kuhika ah’igulu lihekîre.