Izaya 11:16 - BIBLIYA NTAGATIFU OMU MASHI

¹⁶ Hânabe omulimbwa gw’abasigîre b’omu lubaga lwâge, balya bâbè baciri omu Asîriya, nka kulya byabâga erhi Israheli arhenga e Mîsiri.

Izaya 11:16 ပူးပေါင်းရင်းမြစ်များ

Lubungo 14:22

Na Bene-Israheli bàcîrhulira omu nyanja burhajoma, amîshi gâbà cikunguzo ekulyo n’ekumosho kwâbo.

Izaya 1:9

“Acibiga Nyakasane Nyamuzinda w’Emirhwe arhali arhulekîre amâhûngà g’emisigala, rhwankabîre aka Sodomo rhunashushe Gomora”».

Izaya 10:20

Olwo lusiku, amâhûngà g’Israheli ab’omu nyumpa ya Yakôbo hafume olufù, baleka okukâyegemera olya okabashûrha; ci bakola bakâyegemera okunali Nyakasane, Mwimâna w’Israheli.

Izaya 11:11

Mw’olwo lusiku, Nyakasane ayash’ilambula okuboko, mpu lyo alîkûza abasigîre bw’omu lubaga lwâge; balya bâge bacisigîre omu Asîriya n’omu Mîsiri, omu Patrosi n’omu Kushi n’omu Elamu, omu Sinazi n’omu Hamati n’omu birhwa by’enyanja,

Izaya 19:23

Olwo lusiku, habà omulimbwa gwarhenga e Mîsiri guje e Asîriya; ab’e Asîriya bakâj’e Mîsiri n’abanya-Mîsiri baj’e Asîriya, n’abanya-Mîsiri bâkaz’irhumikira Asîriya; gwâbà mugisho omu kâgarhî k’igulu.

Izaya 27:13

Olwo lusiku, omu mushekera munene, na balya bâli baherîre omu cihugo c'Asîriya n’abàli bashandabîne omu cihugo c’e Mîsiri bâyîsha, bâkaz’iharâmya Nyakasane oku ntondo yâge ntagatîfu y’e Yeruzalemu.

Izaya 49:11

Entondo zâni zoshi nazihindula zishube milimbwa, n’enjira zâni zoshi zakombêzibwa.

Izaya 49:12

Bâmi bo barhenga ihanga, baguma emwênè n’ebuzikiro, abandi omu cihugo c’e Sinimi.

Izaya 51:10

K’arhali w’olya watumirhaga Rahabu wanarhulungula Wankuba-joka? K’arhali w’olya waganyagya enyanja n’amîshi g’ekuzimu? K’arhali w’olya watwâga enjira emuhengere mpu lyo balya wacungulaga bayîkira?

Izaya 57:14

Bayish’ikaz’iderha, mpu «Mutwe, mutwe enjira, mukombêze omulimbwa! Murhenze ngasi cihanzo omu njira y’olubaga lwâni!»

Izaya 62:10

Mugere, mugere omu mihango, murheganyize olubaga lwâni enjira; mukombêze, mukombêze omulimbwa, murhenzemwo amabuye; mumanike ecimanyîso c’okushûbûza olubaga!

Sofoniya 2:7

Abâyôrhe b’omu iburha lya Yûda, banagabâne eco cihugo, bâyabulire­ mwo, bijingo barhamukire omu nyumpa zàli z’ebwâmi bw’Ashkeloni; bulya Nyamuzinda wâbo ânaciyishibarhangula, ânashubibajira nk’oku bàyôrhaga burhanzi.