Izaya 10:7 - BIBLIYA NTAGATIFU OMU MASHI

⁷ Ci yêhe arhayumvagya ntyo arhanarhimanyagya ntyo omu murhima gwâge, bulya omu murhima gwâge ali alonzize okumalîra n’okurherekeza omwandu gw’amashanja.

Izaya 10:7 ပူးပေါင်းရင်းမြစ်များ

Murhondêro 50:20

Mwâli mulonzize okunjirira amabî, Nyamuzinda yêhe alonza okurhenzamwo aminjà, mpu lyo oku kwamayisha ene kubà mpu anafungire omûka gw’olubaga lurhali lunyi.

Izaya 10:8

Kali kwo akaz’iderha, mpu: «Ka abarhambo bâni boshi barhali bâmi?

Izaya 23:13

Loli ecihugo c’Abanya-Kaldeya: olwo lubaga lurhacihabâ. Asîriya alujizire ishubûkiro lya misimbi; bali erhi bàgwîsiremwo emitungo, banayûbakamwo enyumpa nzibu-zibu, ci abihindwire cisinga ca bujonjolekeza.

Izaya 37:19

Badûlisire banyamuzinda bâbo muliro, bulya barhali banyamuzinda bw’okuli, ci mukolo gw’amaboko g’abantu, mirhi erhi mabâle; na ntyo babavunyungula.

Ezekiyeli 29:20

“Oku murhamo gwâge anarhamiraga e Tiri, nkola nâmuhà ecihugo ca Mîsiri, ebwa kubà nie anakazâgikolera, kwo adesire Nyakasane Nyamubâho”.

Daniyeli 11:12

“Ogwôla mwandu amâhira eburha­mbî, gwânarhuma omurhima gwâge gucishinga; âyish’iyîrha ebihumbi by’abà­ntu, ci arhahashihime n’emisî”.

Nahumu 1:11

Emwâwe, wâni Ninive, yo yârhengaga omuntu w’emihigo y’obulyâlya, omuntu w’omurhima guli nka gwa Beliyali.

Ebijiro 2:23

oyo muntu abantu babî balenganyagya nka kulya Nnâmahanga ali arhegesire omu bulonza n’omu bumanye bwâge, y’oyo muzind’iyîrha, mwamubamba oku musalaba.

Ebijiro 2:24

Ci Nnâmahanga amuzûsa, amurhenza omu nkoba z’olufù, bulya kurhankahashikîne lumuhime.