Izaya 1:10 - BIBLIYA NTAGATIFU OMU MASHI

¹⁰ Yumvi akanwa ka Nyakasane, wâni baluzi b’e Sodomo murhege okurhwiri, muyumve irhegeko lya Nyamuzinda wîrhu, mwe lubaga lw’e Gomora.

Izaya 1:10 ပူးပေါင်းရင်းမြစ်များ

Murhondêro 13:13

Abantu b’e Sodomo bali bantu babî bwenêne, na banyabyâha embere za Nyamubâho.

Izaya 28:14

Co cirhumire, muyumve akanwa ka Nyakasane, mwe bagalalambi murhambula olûla lubaga lw’e Yeruzalemu.

Izaya 3:9

Okulola kwâbo kwône kunabashobeke; aka Sodomo, bône banajè bayimba obubî bwâbo, babule oku bankabufulika. Bali bahanya, bulya bônene bacîlerhera amahanya!

Izaya 30:9

Bulya luli lubaga lugoma, bali bâna balyâlya, bâna barhalonza okuyumva amarhegeko ga Nyakasane.

Izaya 33:22

Nêci, Nyakasane ye mucîranuzi wîrhu, ye na murhegesi wîrhu. Nyakasane ye mwâmi wîrhu, ye na mucunguzi wîrhu.

Izaya 8:20

Ako kanwa bakaderha mpu bayigîrize banahamîrize, ci barhakâbona buce!

Yeremiya 23:14

Ebinabwîne emwa abalêbi ba Yeruzalemu, byôhe bya kushologosa: obugonyi, okusêza obunywesi, okurhabâla enkola-maligo mpu hakanajira owarhenga omu bubî bwâge. Omu masù gâni boshi kwo bali aka Sodomo, n’abayûbakamwo kwo bali aka Gomora.

Ezekiyeli 13:2

Mwene omuntu oderhe ebinwa by’obunywesi ebiyêrekîre abalêbi b’Israheli, olêbe ohwîre balya bakazicikunga mpu bali balêbi bacirhuma bônene erhi: Yumvagi akanwa ka Nyamubâho.

Ezekiyeli 16:35

Ewani! mukazi muhemusi, yumvagya akanwa ka Nyamubâho.

Ezekiyeli 16:46

Mwâli winyu mukulu ye Samâriya oyûbasire ebwa kumosho kwâwe, kuguma n’abâli. Mwâli winyu w’omuziba ye Sodomo, oyûbasire ekulyo kwâwe kuguma n’abâli.

Ezekiyeli 16:49

Alaga obubî bwa Sodomo, mwâli winyu: Bucîbone, budambye, okucîkunga n’okurhashîbirira, zo zàli ngeso mbî za Sodomo n’abâli bâge; barhakazâg’irhabâla omukenyi n’olagîrîre,

Amosi 3:1

Yumvi aka kanwa Nyakasane ambwîzire, wâni bene Israheli, ninyu muli milala narhenzagya omu cihugo c’e Mîsiri.

Amosi 3:8

Entale ekalûmba, ndi orhayôboha? Nyakasane Nyamuzinda amâderha, ndi wankabula bumanyîsa emyanzi yâge?

Amosi 9:7

«Wâni bene Israheli, -kwo Nyakasane adesire, -ka mwe mulushirage Abanya-Etiyopiya? K’arhali nie narhenzagya Israheli omu cihugo c’e Mîsiri, nka kulya narhenzagya Abafilistini e Kaftori n'Abakaldeyi e Kiri?

Mikeyo 3:1

Kandi namâderha nti: «Muyumvagye, mwe barhambo b’enyumpa ya Yakôbo, ninyu mwe barhegesi b’omu nyumpa ya Israheli!

Barom 9:29

Kandi Izaya àli erhi alêbire, mpu: Acibâga Nyakasane w’Emirhwe arharhulekeraga iburha, singa rhwabîre okwa Sodomo, singa rhwashushire Gomora.

Lushika 32:32

Bulyâla ihaji lyâbo lyàli ly’oku muzâbîbu gw’e Sodomo, ly’omu lukoma lw’e Gomora: amalehe g’eyo mizâbîbu galimwo obwôge, ebihadu by’amalehe gâbo biri bilulu-bilulu,

Mafulûlo 11:8

Emirhumba yâbo elambame omu ngo y’Ecishagala cinene batwa mugani mpu ye Sodomo na Mîsiri, ciryâla babambiragamwo Nnawâbo oku musalaba.