Hozeya 9:13 - BIBLIYA NTAGATIFU OMU MASHI

¹³ Efrayimu kwo namubonaga nka Tiri, murhwêre omu bulambo, cikwône abâna bâge abahêkera omubâzi.

Hozeya 9:13 ပူးပေါင်းရင်းမြစ်များ

2 Bâm 15:16

Okubundi Menahemu ahagula olugo lwa Tirsa asâbunga ngasi byanali omwôla lugo n’omu cishagala coshi, ahagula olwôla lugo ntyo ebwa kubà lurhamuyiguliraga enyumvi zâlwo ajà abwagûla abakazi bali mazîmi boshi.

Ayubu 27:14

Nk’agwêrhe bagala bâge banji, onamanye oku oku ngôrho bahwêra, emîmo yâge erhankayigurha mugati

Yeremiya 7:15

Nkolaga namukaga muntenge omu masù, kulyâla nakagaga bene winyu bene Efrayimu.

Yeremiya 9:21

Emirhumba y’abantu yashandire nka mashî omu ishwa nka kulya emîha erhibuka enyuma z’omurhemi, ebule n’omuntu wayishwêka.

Ndûlù 2:22

Abashombanyi bâni badârhi wabalalisire nk’oku lusiku lukulu. Yâgirwa Nyakasane, olusiku omutula gwâwe gwabashaga, harhajiraga omuntu wasigala erhi ashugunuke. Omushombanyi àhungumwîre abâna naleraga nanakazagihêka emugongo.

Ezekiyeli 27:3

Obwîre Tiri, lwo lugo luli oku burhambi bw’enyanja, lwo lugo embaga nyinji z’omu bizimba zirhimbûliramwo, erhi: Ntyâla kwo adesire Nyakasane Nyamubâho. Erhi: Ewani Tiri we wakazagiderha, erhi: ndi nkugè eyinjiha ehimana.

Hozeya 10:14

entambala ekolaga yâzûka omu bishagala byâwe, emyûbako yâwe mizibu-zibu ekola yashâbwa; nka kulya Shalmani ashabaga Bet-Arbeli olusiku lw’ebîrha, amango omuzîre afîra oku bâna bâge.

Hozeya 13:8

Nâcihunika liguma kuli bo nka mpunga onyazirwe abâna, nâbashenyula ensholo y’omurhima, aho nâbashayagula nka ntale nkazi; e­nsimba z’emuzirhu z’abatwa bihimbi.

Hozeya 14:1

Samâriya àhanwa, bulya àjizire obwabiranyi kuli Nyamuzinda wâge. Bakumba omu ngôrho, orhubonjo rhwâbo rhwâhinagwa, bakâbo bali mazîmi bâbwagûka enda.

Hozeya 9:16

Efrayimu ali oku idaho, emizî yâge myûmu, barhâciyânekwo malehe. Ciru bankaciburha abâna, nâyîrha irene ly’enda yâbo.

Amosi 7:17

«Akabà ntyo, yumvagya oku Nyamuzinda adesire: Mukâwe yâbà mbaraga omu lugo, bagala bâwe na bâli bâwe bahwêra oku ngôrho, amashwa gâwe bâgashokôla, nâwe wêne wajifîra omu cihugo c’amabî, n’Israheli alulizibwe omu bujà kuli n’ecihugo câge.»