Hozeya 5:5 - BIBLIYA NTAGATIFU OMU MASHI

⁵ Obucîbone bw’Israheli bumudwîrhe lubanja; amabî g’Efrayimu gamukulumbize na Yûda naye âhirima akàbo.

Hozeya 5:5 ပူးပေါင်းရင်းမြစ်များ

Migani 11:21

Okuli! Omubî arhâbule buhanwa. obûko bw’abashinganyanya bôhe kucira bwacira.

Migani 11:5

Obushinganyanya bw’omuntu nkana bunamukâbûlire enjira, oku omumînya ashâya omu bumînya bwâge.

Migani 14:32

Omumînya bumînya bwâge bunamulembika, omushinganyanya yêhe omu budahemuka mwo ashànga olwâkiro.

Migani 24:16

Bulyâla kali nda omushinganyanya akulumba anashubizûka, ba-nyankola-maligo bôhe kugwa bagwa omu buhanya.

Migani 30:13

Hali obûko bulolera abandi oku cikanyi, n’ebisike biyunjwire kagayo.

Izaya 3:8

Nêci, Yeruzalemu adwîrhe adungubêja na Yûda ahindagîre, bulya ebinwa byâbo n’ebijiro byâbo birhayêrekiri Nyakasane, kuhika bagomera obusù bw’irenge lyâge.

Izaya 3:9

Okulola kwâbo kwône kunabashobeke; aka Sodomo, bône banajè bayimba obubî bwâbo, babule oku bankabufulika. Bali bahanya, bulya bônene bacîlerhera amahanya!

Izaya 44:9

Abatula ensanamu, boshi bali busha, n’emikolo y’obulenga bwâbo ntà bukwânîne bwâyo! Yo eri bahamîrizi bâbo, ci bali bahamîrizi barhabona barhanayîshi kantu; enshonyi zâbabumba.

Izaya 59:12

Okwôla ebwa kubà obugoma bwîrhu bwaluzire embere zâwe, n’ebyâha bîrhu byône byarhushombanyîsize. Nêci, ebyâha bîrhu birhuli emalanga, n’amabî gîrhu rhurhagahabiri.

Yeremiya 14:7

Akabâga ebyâha bîrhu birhushobesire, ojirage yâgirwa obukuze bw’izîno lyâwe. Nêci, garhali manyi amalala gîrhu, wêne rhwabihîre.

Yeremiya 2:19

Maligo gâwe gakuhana, mabî gâwe gakukabya: oyumve onabone oku kuli kubî na kululu okutwîka Nyamubâho Nyamuzinda wâwe n’okubula bwa ntinya. Yekudesire Nyakasane Nyamuzinda w’emirhwe.

Hozeya 14:1

Samâriya àhanwa, bulya àjizire obwabiranyi kuli Nyamuzinda wâge. Bakumba omu ngôrho, orhubonjo rhwâbo rhwâhinagwa, bakâbo bali mazîmi bâbwagûka enda.

Hozeya 14:2

Galuka, Israheli, emwa Nyamubâho, Nyamuzinda wâwe, bulya bubî bwâwe bwakusârhazagya.

Hozeya 4:5

Ohirimire mâshi, ohirimire budufu, n’omulêbi ahirimire haguma nâwe, na ntyo nkola nâyîrha nyoko.

Hozeya 5:14

Bulya nâbà ntale kuli Efrayimu, mwâna wa ntale oku nyumpa ya Yûda, niono, kudârhula nadârhula, nnancîgendere, mpêke n’omunyama gwâni, na ntâye wagunyaga.

Hozeya 7:10

Obucîbone bw’Israheli bumudwîrhe lubanja; barhanagalusiri emunda Nyakasane Nyamuzinda wâbo ali, ciru bakamulongereza kwo kunyi mw’ebyo byoshi.

Amosi 5:2

Ahirimire. arhanacizûke, mwâli w’Israheli! Atulamire oku idaho lyâge lyo na nênè, ntâye wamuzûsa.

Mateyo 23:31

Na ntyo munahamîrize mwêne oku muli bagala b’abanigaga abalêbi!

Luka 19:22

Anacimubwîra, erhi: «Oku kanwa kâwe wênene nâkutwîra, wâni mushizi mubî! Wali omanyire oku ndi muntu mukali, obîkûla eci arhabîkaga n’osârûla eci arhahingaga!