Hozeya 4:2 - BIBLIYA NTAGATIFU OMU MASHI

² Ci birha n’obunywesi, kunigana n’enshombo, bugonyi n’obulyâlya, kuyîrhana ene n’irhondo.

Hozeya 4:2 ပူးပေါင်းရင်းမြစ်များ

Murhondêro 4:8

Kayini abwîra omulumuna Abeli, erhi: «Rhujè ebulambo!». Oku bali omu bulambo, Kayini ayînamula okuboko acîrhulirakwo Abeli anamuniga.

Izaya 24:5

Igulu lyahemwîrwe n’amagulu g’abalibâmwo, bulya bavunyire amarhegeko, barhajiraga ebishingânîne, banavuna endagâno y’ensiku n’amango.

Izaya 48:1

Yumvi, wâni nyumpa ya Yakôbo, mwe mulimbira izîno ly’Israheli, mwe mwarhengaga omu mîshi ga Yûda, mwe mukazilahira oku izîno lya Nyakasane munashenge Nyamuzinda w’Israheli ci arhali nk’oku kukwânîne kunashingânîne.

Yeremiya 51:5

Bulya Israheli na Yûda barhahezagya Nyakasane Nyamuzinda w’Emirhwe, ciru akabà ecihugo câbo c’agomîre Nyamuzinda Mutagatîfu w’Israheli.

Yeremiya 6:7

Kula iriba lirhengamwo amîshi kwo naye arhengamwo amabî gâge, okutula entambala n’okushâba yo myanzi baderha eyo, omu masù gâni, ngasi mango endwâla n’ebibande.

Ndûlù 4:13

Obwo buhanya budwîrhwe n’ebyâha by’abalêbi bâge, haguma n’amabî g’abadâhwa bâge, bo babulagaga omukò gw’abantu bimâna.

Ezekiyeli 7:23

Cilukire omugufu bulya ecihugo cayunjwîre mifù ya bantu bajabânigwa, olugo luyunjwîre kavango.

Hozeya 10:13

Ci kwône mwahinzire amabî, mwasârûlamwo obulyâlya, mwalya irehe ly’okurhebana. Bulya walangalîre ebiterusi byâwe, obunji bw’abà­lwî bâwe,

Hozeya 10:4

Binwa oku binwa, cihango ca bunywesi, biragâne. Ci olubanja batwirîrwe lunagîrîre nka mburho mbî malingo g’amashwa.

Hozeya 12:14

Ci kwône, oku kanwa k’omulêbi, Nyamuzinda âyinamula Israheli e Mîsiri, âlangwa n’omulêbi.

Hozeya 5:2

Bàyongobîre omu kuhabuka, niehe, nkolaga nabahana boshi.

Hozeya 6:8

Galaadi ciri cishagala ca bishumûsi, ciyunjwîre mukò.

Hozeya 6:9

Kula ebishungu bicîfulika, omurhwe gw’abadâhwa gudwîrhe gwayîrha omu njira y’e Sikemi; okuli, olugendo lwâbo nshonyi nkulu.

Hozeya 7:1

Oku ndwîrhe nti nafumya Israheli, amabî ga Efrayimu, gamaciyêrekana, n’obwengûza bwa Samâriya; bunywesi bwône bwône, ebishambo bidwîrhe byabera enyumpa, n’embuga elumîre bishungu.

Hozeya 7:3

Bwenge bwâbo bashagalusamwo mwâmi, na bulyâlya bwâbo bashagalusamwo abarhambo.

Hozeya 7:4

Ci kwône boshi bali bagonyi. Bali badûrhu nka masiga g’omuduzi w’emi­gati wagatwanîrc anagaleka kurhenga aduzire obuntu kuhika bwalinda burhundugurha.

Mikeyo 3:2

“Ka murhàli mukwânîne mumanye okutwa olubanja?

Mikeyo 3:9

Yumvi ebi mâshi, mwe bakulu b’omu nyumpa ya Yakôbo, mwe mukulîre enyumpa y’Israheli, mwe mutwa emmanja, mubulikubya ebishingânîne,

Mikeyo 6:10

Ka nanahasha okuyêmêra endyâlya zihake eby’obushambo omu nyumpa zâbo?

Mikeyo 7:2

Abantu ba Nnâmahanga barhaciboneka omu cihugo; ntà mushinganyanya ciru n’omuguma omu bantu. Boshi bàcîkwendesirage bayunja oku bahuma omukò, ngasi muguma adwîrhe arhega mwene wâbo akasirha.

Sofoniya 3:1

Buhanya bwa Yeruzalemu, cirya cishagala cigoma, ecasherîre n’okulibu­za abantu.

Zakariya 5:3

Okuhandi ambwîra, erhi: «Luli lwandiko lw’obuhanya bwâjà omu cihugo coshi obwo: lunda luguma lw’ecitabu luyandisirwekwo oku ebishambo byoshi byalibirhwakwo omu cihugo, n’olundi lunda oku na ngasi bacîgasha ebîrà boshi kwo na kwo».

Zakariya 7:9

Nyakasane w’Emirhwe adesire, erhi: «Mukaz’icîranula okushingânîne, munakaz’ibêrana obwonjo n’olukogo mwene na nnene.

Mateyo 23:35

mpu lyo mubarhuzibwa ngasi mukò mwêru-kwêru gwajire omu budaka, kurhenga omukò mwêrukwêru gw’Abeli kuhika oku mukò gwa Zakariya, mugala wa Barakiya, mwayîrhiraga omu ka-Nyamuzinda embere z’olutare!

Ebijiro 7:52

Mulêbi ohi basho barhalibuzagya? Banizire abakâg’ilêba okuyisha kw’Omushinganyanya, olya muzind’ilenganya mwanamuyîrha

Lushika 5:11

«Orhalahire izîno lya Nyamubâho, Nyamuzinda wâwe ebirà, bulya Nyamubâho arhakaleka buhana owalahira izîno lyâge ebîrà.

Lushika 5:18

«Orhahîra okahusha».

Lushika 5:19

«Orhahîra okazimba».

1 Batesalonika 2:15

balyâla bayîrhaga Nyakasane Yezu n’abalêbi; bâbo bo bàrhulibuzagya; barhasîmîsa Nnâmahanga, banali bashombanyi b’abantu boshi.

Mafulûlo 17:6

Nanacibona oyo mukazi alaluka omukò gw’abatagatîfu n’ogw’abahamîrizi ba Yezu. Nasômerwa bwenêne obwôla erhi mmubona.