Hozeya 4:14 - BIBLIYA NTAGATIFU OMU MASHI

¹⁴ Ntâhane bâli binyu oku bubaraga bwâbo, ntâhane bâlikazi binyu oku bugonyi bwâbo, bulya nabo bônene eburhambi bacîyegiìlire n’e­mbaraga, barherekêre haguma n’entazi.

Hozeya 4:14 ပူးပေါင်းရင်းမြစ်များ

1 Bâm 15:12

Akula abagonyi bakazâg’ilangalangwa omu cihugo; akûla na ngasi bazimu b’îshe bâli bamâjira boshi.

2 Bâm 23:7

Ashâba enyumpa z’ebigoli by’ennama omu ka-Nyamuzinda n’aha abakazi bakazâgilukira orhwanzo rhw’erya nshanga ya Ashera.

Migani 28:5

Enkola-maligo zirhumva hishingânîne, abalonza Nyakasane bôhe byoshi bayumva.

Izaya 1:5

“Ngahi mwankacishûrhirwa, mwe bantahwa-bugoma? Irhwe lyoshi liri lilwâla, n’omurhima gwoshi gwarhozire”.

Izaya 27:11

Amashami nka gamâyuma banagavune, abakazi banayishe, bagadûlike muliro. Kwo binali, olu lubaga lurhajira bukengêre: co cirhumire omulêmi walwo arhalufà bonjo, n’owalubambaga ârhalubabalire.

Izaya 56:11

Orhwo rhubwa rhugwêrhe omumiro muhubu rhurhanahûga, bo bangere barhankahash’iyumwa cici! Boshi banakaz’ishimba ngasi muguma enjira yâge, ngasi muguma anakalonza obunguke bwâge:

Daniyeli 12:10

“Banji bâyishicêsibwa, bâyeruhe, bânarhangulwe, nabo abagalugalu banakaziyôrha bajira amagalu­galu gâbo, na ntà mugalu-galu wâyumva okwôla, ci abashinganyanya boki bâyumva”.

Hozeya 14:9

Efrayimu, lushangi luci ociri mwe n’abazimu? Ndwîrhe nâmuyumvi­rhiza nânamulola. Kwo ndi nka nshebeyi enagîrîre, nie ntumire wâyêrakwo amalehe.

Hozeya 4:1

Muyumve akanwa ka Nyamuzinda, bene Israheli, bulya Nyamuzinda ali lubanja haguma n’abantu b’ecihugo. Omu cihugo, murhaciri mwîkubagirwa, ntà buzigire, ntà kucimanya na kukenga Nyamuzinda.

Hozeya 4:17

Efrayimu anywanîne n’abazimu, omuleke.

Hozeya 5:4

Ebijiro byâbo birhankacibayêmêrera bagaluka emwa Nyamuzinda wâbo, bulya omurhima gw’obubaraga gubasêzize, barhaciyishi Nyamuzinda.

Amosi 2:7

Kulya kubà banatûntume amarhwe g’abakenyi, n’okuhabula enjira z’abarhò; kulya kubà omwânarhabana bo n’îshe banahame munyere mugu­ma, mpu basherêze Izîno lyâni.

Amosi 7:17

«Akabà ntyo, yumvagya oku Nyamuzinda adesire: Mukâwe yâbà mbaraga omu lugo, bagala bâwe na bâli bâwe bahwêra oku ngôrho, amashwa gâwe bâgashokôla, nâwe wêne wajifîra omu cihugo c’amabî, n’Israheli alulizibwe omu bujà kuli n’ecihugo câge.»

Mibalè 25:3

Erhi Israheli acîshwêkera oku muzimu Bal-Peori, oburhè bwa Nyamubâho bwanaciyâka kuli Israheli.

Yowane 8:43

Cici cirhuma murhayumva enderho zâni? Bulya murhankahash’iyumva ebinwa byâni.

Barom 3:11

ntà murhimanya, ntâye alonza Nyamuzinda.

1 Bakorinti 6:16

Nîsi ka kuhaba muhabire oku olungana n’omukazi w’ecirala, banashube mubiri muguma bo naye? Bulya kudesirwe, mpu: «Bombi bashuba mubiri muguma.»

Befezi 4:18

Obukengêre bwâbo buyunjwîre mwizimya, n’obuhwinja bw’omurhima gwâbo guhûsire bwarhumîre barhabona obuzîne bwa Nyamuzinda.

Lushika 23:17

Onaleke abêre haguma nâwe, omu ngabo yâwe, halya hantu akanacîshoga yêne muli murhundu muguma omu mirhundu yâwe, halyâla ayumvîrhe ayôsire bwinjà, orhahîraga okamuhugûga.

Bahabraniya 12:8

Erhi mwankabula kwahâbwa obuhane abandi boshi bashangîra, murhankacibà bâna b’okuli, ci mwanabà b’embuga.