Hozeya 2:9 - BIBLIYA NTAGATIFU OMU MASHI

⁹ Akulikîre abîra bâge, ci arhabahikekwo; abalonza arhacibabone. Buzi­nda aderhe, erhi: «Nkola nashubira emwa ibanie murhanzi, bulya nali mwinjà mîra kulusha buno.»

Hozeya 2:9 ပူးပေါင်းရင်းမြစ်များ

Ezekiyeli 16:27

Lolà oku nâkuyinamulira okuboko. Nânyihya ebiryo byâwe, nâkuhâna emwa abashombanyi bâwe b’abakazi, bwo banyere b’Abafilistini, abashologorhagwa n’olugendo lwâwe lubî.

Ezekiyeli 16:39

Nâkuhira omu maboko gâbo, bakola bashanda emisinga yâwe, banahongole empêro zâwe, bâku­nyaga emishangi oyambîrhe n’enjuma zâwe, bakusige mushugunu.

Ezekiyeli 23:26

Bâkuhogola emyambalo banakunyage n’enjuma zâwe,

Daniyeli 11:13

“Ebwa kubà oyôla mwâmi w’e Mwênè ashub’ishûbûza ezindi ngabo mwandu kulusha zirya za burhanzi, na hano kugera myâka misungunu anayisha arhabîre n’engabo nnene n’emirasano ya ngasi lubero”.

Hozeya 2:3

Bwiragi bene winyu, erhi: «Lubaga lwâni», na bâli binyu, erhi: «Musîmwa».

Hozeya 8:7

Kulya kubà mwarhwezire empûsi, mukolaga mwasârûla omusirûla: engano yinyu erhajekwo muhuli. Nk’oku omugani gudesire, mpu: «E­ngano buzira muhuli, erhajira nshâno». Na ciru gwankajakwo empara-mîno z’emahanga zo zâgulya.

Hozeya 9:2

N’oli engo, n’oli omukenzi birhabayiguse, amamvu mahyâhya ga babuli­kira.

Yoweli 2:14

Kwankanabà anankahindwîre omuhigo gwâge, anakuyunjuze mugisho. Okubundi obwo, olerhere Nyamuzinda entûlo z’engano n’ìdìvayî.

Sofoniya 1:13

Okuhandi obugale bwâbo buhagulwe enyumpa zâbo zishâbwe. Bayûba ka enyumpa, barhakazilâlamwo; bagwisire enkoma, barhakanywa oku manvu ga muli zo. Olusiku lwa Nyakasane

Malakiya 1:4

Erhi Edomu ankaderha mpu: «Rhwashâbirwe, ci kwône rhwâshubiyûbaka eci cishagala cîrhu càhindusire mushaka. Niono Nyakasane w’Emirhwe ndesire ntya: Bayûbakage, ci nâshanda omukolo gwâbo. Bâbayîrika izîno lya cihugo ciyunjula bubî n’erya lubaga Nyakasane ayôrha akunirîre».

Malakiya 3:18

Mwâshubiyishibona oku omuntu mwinjà n’omubî barhayumânîni, n’oku okolera Nyamuzinda n’orhamukolera barhali bo baguma.