Hozeya 2:21 - BIBLIYA NTAGATIFU OMU MASHI

²¹ Nâkuyanka lwoshi ensiku zoshi, nâkuyanka omu bushinganyanya n’omu irhegeko, omu buzigire n’omu bwonjo.

Hozeya 2:21 ပူးပေါင်းရင်းမြစ်များ

Izaya 55:10

Nka kula enkuba n’olubula birhoga emalunga birhanagalukayo birhanaj’ibombêza idaho n’okuliyêza n’okumezâmwo emburho, lihe omurhwêzi emyâka n’oshalisire eci alya,

Izaya 62:4

Barhakacikuderha mpu we «Cijandagwa!» n’ecihugo câwe cirhakaciderhwa mpu «Bigûkà!» Ci wakâderhwa «Nshâgi yâni», n’ecihugo «Muhya», ebwa kubà Nyakasane akurhonya, n’ecihugo câwe câbona owâciyanka.

Izaya 62:5

Nka kulyâla omulamba anayanka omunyere, kwo n’owâkuyûbaka akuyanka nâwe; na nka kulya omuhya-mulume anashagaluka omuhya orhuhimire, kwo na Nyamuzinda wâwe âshagaluka we orhumire.

Izaya 65:24

Niene nâkaz’ibashuza embere bampamagale; bâkaz'ibà barhaciyûsa okuderha erhi mîra nabayumvîrhizagya.

Ezekiyeli 36:29

Namurhenzakwo amabî ginyu goshi, nâmulerhera engano nanjire eluge bwenêne, ntyo ntakacimurhumira ishali.

Hozeya 14:7

Orhummerêra rhwâge rhwâgandâza, âbà mwinjà nka mugavu gw’e Libano.

Yoweli 2:19

Nyakasane âshuza, abwîre olubaga lwâge, erhi: «Lolà oku namâkurhumira engano, idivayi n’amavurha mahyâhya. Wâyigurha, ohimbe. Ntakanacilonza abantu bakushekere erhi bakurhindibuze.

Zakariya 13:9

“N’olwo lubero luguma lwâsigala, nâbarhalika oku muliro lyo mbanûbula kula omuliro gunûbula amasholo n’amarhale. Okubundi bâkaz’inyêrekeza omusengero gwâbo nâni mbayumvîrhize. Nâkaz’ibabwîra nti: Lubaga lwâni, banayêmêre, mpu: Nyakasane ye Nyamuzinda wîrhu.”»

Zakariya 8:12

Nabadubulirakwo omurhûla: emirhi yayâna emizâbîbu, obudaka bwayêra emhurho, enkuba yârhoga nyinji bwenêne emalunga. Ago minjà goshi nâgashobôza omusigala gw’olubaga lwâni.

Zakariya 8:8

Nabagalula mbakûle eyo munda, bayish’ibêra e Yeruzalemu. Babè lubà­ga lwâni nâni mbè Nyamuzinda wâbo. Nârhegeka ekarhî kâbo omu bushinganyanya n’omu bwimâna.»

Malakiya 3:10

Kazirnulêrhe ecigabi ca kali ikumi c’okunali omu kà-Nyamuzinda kâni, lyo ebiryo bikaziyôrha biri bibîkemwo ensiku zoshi. Mwanantangula mw’okwo niono Nyakasane w’Emirhwe. Mwâbona oku nâmmuhamûlira enyumvi z’emalunga nnammuyunjuze minjà gâni.

Malakiya 3:11

Nâhanza o­rhushôlero rhurhasherêzagya emyâka yinyu, n’enkoma zinyu ziyâne okurhalusire.

Mateyo 6:33

Burhanzi mulonze Obwâmi bwa Nnâmahanga n’obushinganyanya bwâbo, n’ebyo byoshi mwâyish’ibiyûshûlirwa.

Barom 8:32

Arhababaliraga Omugala, ci amuhâna nterekêro kuli rhwe rhweshi; bici ankacibula bwarhuha haguma naye?