Hozeya 14:8 - BIBLIYA NTAGATIFU OMU MASHI

⁸ Bâgaluka babwarhale aha cîhôho câni, bâyêza engano yâbo, bâgwîka olukoma, lwarhengamwo amamvu minjà nka g’e Libano.

Hozeya 14:8 ပူးပေါင်းရင်းမြစ်များ

Ayubu 33:27

Omuntu anaj’ayîmba embere z’abandi bantu, erhi: «Nalinjizire okubî, nalimbuzire obushinganyanya, Yêhe arhangaluliraga nk’oku obubî bwâni bwalishingânîne».

Ayubu 34:32

akabà nahabire, ombabalire, akabà nabuzire obushinganyanya, ntakacishubirira»

Izaya 41:19

Omu irungu narhwêramwo emirhi mirîmirî, ey’akasiya, ey’omugorhi n’ey’omuzêti. Omu bulambo nahiramwo ensindani haguma n’orhushingishingi n’emikalakala,

Izaya 55:13

Ahantu harhasâg’imera mishûgi hakola hamera ensindani, n’ahantu hàmeraga olushusha hakola hamera omurhi gw’obukù. Lyâbà irenge kuli Nyakasane na cimanyîso cirhazâzika ensiku n’amango.

Izaya 60:13

Irenge lya Libano lyâjà emunda oli, n’omurhi gw’ensindani, omukalakala n’omuberebere bakaz’iyisha bakudwîrhîreyo haguma, mpu eyinjihye endâro yâni ntagatîfu, mpu nkuze halya ndekereza amagulu gâni.

Ezekiyeli 17:23

Oku ntondo ndîrî y’Israheli kwo nalirhwêra. Lyajakwo amashami linayâne amalehe, gunabè muyerêzi mwinjinjà. Ebinyunyi bya ngasi lubero byayishikaziyûbakakwo, ebibalala binji byayishikarhamûkira omu mashami gâge.

Ezekiyeli 36:25

Nâkukangûla n’amîshi minjà, ntyo wânabà mwinjà; nâkurhenza kwo ngasi izinga ly’amabî gâwe n’erya abazimu bâwe boshi.

Luka 15:20

“Anacigandûla, ajà emw’îshe”. “Erhi abà aciri kuli, îshe amulangira, ayumva o­bwonjo bwamugwârha; anaciyisha ali bulibirha, amuyâbabira, amuhôbera”.

Yowane 1:16

Nêci, rhweshi rhwahîrwe oku bwimâna bwâge, rhwahâbwa amanêma oku-manêma.

Befezi 5:9

Na ngasi hiri hinjà, ngasi hishingânîne, na ngasi hiri hy’okuli, yo mburho y’obulangashane.

Bafilipi 1:11

munayunjule amakwânane g’obushinganyanya Yezu Kristu arhushobôzagya, oku irenge n’obukuze bwa Nyamuzinda.

Bafilipi 2:13

Bulya Nyamuzinda yênene ommuhà okulonza n’okujira ebi asîmire.

Bafilipi 4:13

Nanahasha byoshi n’oburhabâle bw’Olya onzibuhya.

1 Batesalonika 1:9

Ntâho barhadwîrhi baganîra oku mwarhuyankiriraga, n’oku mwalekaga abazimu binyu, mpu mushimbe Nnâmahanga munashige Nyamuzinda w’obuzîne n’ow’okunali,

Yakôbo 1:17

Ngasi ngalo nyinjà na ngasi nshôkano nkana bihubuka enyanya, birhenga emwa Nn’obulangashane, orhahinduka n’orhayishi cihôho ca muhindulo,