Hozeya 13:9 - BIBLIYA NTAGATIFU OMU MASHI

⁹ Israheli, k’orhacishabûka obu? Kàli nie burhabâle bwâwe.

Hozeya 13:9 ပူးပေါင်းရင်းမြစ်များ

2 Nganîro 28:23

Akazihâna enterekêro emwa ba nyamuzinda b’e Damasko, abakazagimulibuza, anaciderha erhi: «Kulya kubà ba nyamuzinda w’abâmi b’e Sîriya banakazibarhabâla, nkola nakazibarherekêra e nterekêro lyo bantabâla.» Ci bàrhuma ahirima kulusha, ye na bene-Israheli boshi.

Ennanga 146:5

Ali w’iragi oyu Nyamuzinda wa Yakôbo abà murhabâzi wâge, olangâlira Nnâmahanga Nyamwagirwa wâge.

Ennanga 33:20

Omûka gwîrhu Nyakasane yêne gwâlolakwo: Yêne ye ntabâza orhurhabâla, yêne ye mpenzi yîrhu.

Ennanga 46:1

Gwârhi omukulu w’abimbiza. Lwa bene Korè. Oku izù ly’abanyere­ bashugi. Lwimbo.

Migani 6:32

Omuntu wâhusha yêhe eri mbula-murhima, ôkola ebiri ntyo erhi mûhera.

Migani 8:36

Ci ongayisize erhi iroho lyâge akolîre buligo: ngasi yêshi onshômba erhi lufù arhonyize.

Izaya 3:11

Buhanya bwâge omuntu mubî, nyankola-maligo; bulya anagalulirwe nk’oku ebijiro by’amaboko gâge bikwânîne!

Izaya 3:9

Okulola kwâbo kwône kunabashobeke; aka Sodomo, bône banajè bayimba obubî bwâbo, babule oku bankabufulika. Bali bahanya, bulya bônene bacîlerhera amahanya!

Yeremiya 2:17

K’orhabwîne okwo ene okola watwîka Nyakasane, Nyamuzinda wâwe?

Yeremiya 2:19

Maligo gâwe gakuhana, mabî gâwe gakukabya: oyumve onabone oku kuli kubî na kululu okutwîka Nyamubâho Nyamuzinda wâwe n’okubula bwa ntinya. Yekudesire Nyakasane Nyamuzinda w’emirhwe.

Yeremiya 4:18

Bulala bwâwe n’ebijiro byâwe bikudwîrhîre okwo. Bunguke bw’amaligo gâwe obwo: nka bwalula! Bwanakuhika oku nsholo y’omurhima.

Yeremiya 5:25

Amaligo ginyu gahindwîre ebyo, amabî ginyu garhumire ebinja byamuyâka.

Hozeya 13:4

N’obwo nie Nyakasane, Nyamuzinda wâwe, kurhenga omu cihugo c’e Mîsiri, orhîshi wundi Nyamuzinda kuleka nie, na kuleka nie, ntà wundi Muciza.

Hozeya 14:1

Samâriya àhanwa, bulya àjizire obwabiranyi kuli Nyamuzinda wâge. Bakumba omu ngôrho, orhubonjo rhwâbo rhwâhinagwa, bakâbo bali mazîmi bâbwagûka enda.

Hozeya 7:14

Barhalaka n’omurhima gwoshi emunda ndi, amango bayâmira aha ba­gweshîre; balakira engano n’amamvu mahyâhya gône, ci kuli nie, bwabiranyi bwône.

Hozeya 7:15

Nabayigîrîze nanabahà amaboko mazibu, ci enkengêro zâbo nshombo kuli nie.

Malakiya 1:12

Ci kwône mwêhe munakazingayaguza, mubone nk’oluhêrero lwa Nyakasane lurhakwânîni okukengwa, n’oku lwana­rhûlwakwo ebiryo by’obushâlashâla.

Malakiya 1:13

Ciru n’oku mwarhûla erhi mwanaderha, mpu: «Kwo kubengera oku wâni!» Murhishi okurhali kungayaguza kwône, nie Nyakasane w’Emirhwe. Munantûle ecintu cizimbano, ecikunagizi n’eci­lwâla. Kurhigi nankayêmêra entûlo za bene ezo, kwo nâni mmudôsizagye?

Malakiya 1:9

Lêro mugerezagye okunyinginga, nie Nyamuzinda winyu, lyo mbabalira olubaga lwâni. Ka mucîkêbirwe mpu nammuyumvirhiza bwinjinjà mwananjirire ebyo byoshi? Ntà mango!

Lushika 33:26

Ntâye oli aka Nyamuzinda wa Yeshuruni, ye olya ojà wagera e malunga mpu akurhabâle ntyo, n’obuhashe bwâge alambagire oku bitù.

Lushika 33:29

Wamajira iragi wâni Israheli! Ndi oli akâwe, we lubaga lwayôkolagwa na Nyamubâho ye mpenzi y’oburhabâle bwâwe, ye na ngôrho y’irenge lyâwe Abashombanyi bâwe bakushishashisha na nâwe wêne okazigera enyanya zâbo.