Hozeya 13:3 - BIBLIYA NTAGATIFU OMU MASHI

³ Co carhuma bâbà nka lwikungu lwa sêzi, nka lumè lurhimangikala, nka hyasi hiyehûkanwa n’empûsi omu ngo, nka mugî gwahuluka omu kabonezo.

Hozeya 13:3 ပူးပေါင်းရင်းမြစ်များ

Ayubu 21:18

Ka ko baligî nka hyasi hyayêhûlwa n’empûsî, ka ko bali nka mujimbi gwahêkwa na kalemêra?

Ayubu 30:15

Ecôbà campindukîre, irhûnda lyâni lyayêhûka nka mpûsi, n’obulangâlire bwâni bwagera nka bitù.

Ennanga 1:4

Emihera erhakabona okwo! kàli kw’eri nka hyâsi hya canda hiyehwîrwe n’empûsi!

Ennanga 68:2

Nnâmahanga amâyîmuka, abashombanyi bâge bamâgenda emihanda erhabugânana, abamushomba bamâyâka obusù bwâge.

Izaya 17:13

Akavango k’amashanja kali nka mukungulo gw’omwandu gw’amîshi, ci Nyakasane amâgakankamira: gamâyâkira kuli, gamâyehûlwa nka kula ehyâsi hy’omu ntondo hiyêhûlwa n’empûsi, nka kula kalemêra w’omutulo ayehûlwa n’empûsi ya kadaga.

Daniyeli 2:35

“Lêro n’ebindi nabyo byanacivunyunguka, ecûma, ihumba, amarhale, omulinga n’amasholo byanaciyôrha nka mulôlo gwayehûkanwa n’empûsi canda, empûsi yanacibiyehûkana buzira kusiza akantu; na lirya ibuye lyavunyungulaga erya nsanamu lyahinduka ntondo nnene yanacibumba igulu lyoshi”.

Hozeya 6:4

Kurhi nakujira wâni Efrayimu? Kurhi nakujira wâni Yûda? Obuzigire bwinyu kwo buli nka citù ca lwikungu lwa sêzi, nka lumè lurhalegama.

Sofoniya 2:2

oku barhacimmulibirhakwo nka kula omuyonga guhirigirha n’empûsi omu lusiku luguma; oku obukunizi bwa Nyakasane burhacimmuhika­kwo.

Zakariya 8:12

Nabadubulirakwo omurhûla: emirhi yayâna emizâbîbu, obudaka bwayêra emhurho, enkuba yârhoga nyinji bwenêne emalunga. Ago minjà goshi nâgashobôza omusigala gw’olubaga lwâni.