Haggeyo 2:7 - BIBLIYA NTAGATIFU OMU MASHI

⁷ “Nâdudanganya amashanja goshi, obuhirhi bwâgo bwaluga, n’enyumpa yâni eyunjule irenge. Nyamuzinda w’Emirhwe okudesire”.

Haggeyo 2:7 ပူးပေါင်းရင်းမြစ်များ

Malakiya 3:1

Ntya kwo Nyakasane w’Emirhwe ammushuzize: «Loli, oku nârhuma e­ ntumwa yâni, yo yajinteganyiza enjira yâni embere zâwe. N’oku caligumiza, olya Nyakasane mulonza ahika omu ka-Nyamuzinda kâge, olya Mwâmi w’Amalaganyo mucîfinja. Loli, y’oyo oyiruka».

1 Bâm 8:11

Abadâhwa barhahashaga okurherekêreramwo bulyâla ecôla citù c’irenge lya Nyamuzinda camayunjuza akôla ka-Nyamuzinda.

Murhondêro 49:10

Ishungwè lirhakarhenga omu mwa Yûda, n’akarhi k’oburhegesi karhakarhenga omu magulu gâge, kuhika nnako ayîshe; ye amashanja goshi ganayumve.

Luka 2:46

Erhi kugera nsiku isharhu, bamushanga omu ka-Nyamuzinda abwârhîre ekarhî k’abayigîriza, adwîrhe abayumvirhiza anabadôsa.

Luka 2:27

Anaciyisha adwîrhe na Mûka Mutagatîfu, ajà omu ka-Nyamuzinda, n’erhi akabonjo Yezu kalêrhwa n’ababusi bâko mpu bakajirire nk’oku binayandisirwe omu irhegeko,

Ezekiyeli 21:27

Omu kuboko kulyo enyungu zamagwaârha Yeruzalemu: mpu yo agendihira ebimokolo byâge biri nka ngandabuzi, mpu ahâne irhegeko ly’okuyîrha embaga, mpu babande orhuhababo rhwa okutula entambala, mpu bahîre ebimokolo by’engandabuzi oku mihango, mpu bayûbak’emisinga, banahumbe emibunda.

Izaya 60:7

Amasò g’e Kedari goshi gashûbûkira emwâwe; engandabuzi z’emwa Nebayoti we wâkaz’izikolêsa; zakasôkera ebwa luhêrero lwâni, zintûlwe. Nêci, nakuza endâro y’irenge lyâni!

Murhondêro 22:18

"Amashanja goshi g’igulu gagishwa erhi iburha lyâwe lirhuma bulya wanyumvîrhîze"».

Bagalasiya 3:8

Na kulya kubà Amandiko gàli gamanyire oku Nyamuzinda anayêze abapagani erhi buyêmêre burhuma, gabwîra Abrahamu kurhenga mîra, mpu: Amashanja goshi ganagishwe muli we.

Yowane 1:14

Nêci, Luderho acîjizire muntu, anabêra muli rhwe. Nîrhu rhwabwîne irenge lyâge, irenge Nyamuzinda-Îshe ahîre Omugala cûsha, oyunjwîre inêma n’okuli.

Luka 21:38

N’erhi kwabaga sêzi mucêracêra, olubaga lwoshi lwakamushimba omu ka-Nyamuzinda mpu bayumve enyigîrizo zâge.

Luka 19:47

Akayigîriza ngasi lusiku omu ka-Nyamuzinda. Abajinji b’abadâhwa n’abashamuka b’ihano n’abarhambo b’olubaga bakâlonza oku bamuyîrhamwo,

Ennanga 80:1

Gwârhi omukulu w’abimbiza. Luyimbwa aka «Amarhegeko ga Nyakasane». Lwa Azafi. Lulanga.

2 Nganîro 5:14

Abadâhwa barhahashaga okubêramwo mpu bajire omukolo gwâbo, erhi ecôla citù cirhuma, bulya irenge lya Nyamubâho lyàli liyunjwîre aka-Nyamuzinda.

Luka 20:1

Lusiku luguma anacibà adwîrhe ayigîriza omu ka-Nyamuzinda anahanûla Emyanzi y’Akalembe, abajinji, b’abadâhwa n’abashamuka b’ihano n’abagula bw’olubaga bayisha.

Murhondêro 3:15

Nkola naheba enshombo ekarhî kâwe n’omukazi, ekarhî k’iburha lyâwe n’iburha lyâge: oyu âkusinaga irhwe nâwe omukomolere oku kansisira».

Bakolosi 2:9

Bulya muli ye mwo obwimâna bwoshi bw’obunyamuzinda bubà omu mubiri, ninyu mushangîre obwo bwimâna muli ye,

Ennanga 85:9

Ka nyumve ebi Nyakasane Nnâmahanga aderha: binwa bya murhûla bino adwîrhe abwîra olubaga lwâge n’abacêse bâge, byo anabwîra ngasi bayêrekeza omurhima emund’ali.

Izaya 2:19

Bayongoberera omu nkunda z’enyâla n’omu idaho, mpu bayâke obukunizi bwa Nyakasane n’omulazo gw’irenge lyâge, amango anayimuke mpu ageze igulu mw’omusisi.

Izaya 60:4

Yinamula amasù eburhambi bwâwe, osinze: boshi bashûbûzinye, bayishire emunda oli. Bagala bâwe barhenga kuli na bâli bâwe bayishire baherhwe emugongo.

Ezekiyeli 31:16

Oku lubî lw’okuhirima kwâgo, amashanja goshi, nâgagezamwo omusisi, erhi nguyandagaliza ekuzimu haguma na balya bayandagalira omu mwîna. Yajire­ rhûlirizanya eyôla kuzimu. Eyo mirhi y’e Edeni, yo yali bulimbi na bwinjà bw’e Libano, ngasi mirhi yanakazâgidomererwa.

Ezekiyeli 38:19

“Na muli obwôla burhè bunene, ndesire nti: Okunali olwôla lusiku hâgera omusisi munene omu cihugo c’Israheli”.

Ezekiyeli 44:4

Ashubimpêka ebwa muhango guli olunda lw’emwênè embere z’enyumpa; nanacikazilola, nasinza oku irenge lya Nyamubâho lyamâyunjulira enyumpa; nanacikumba bûbi.

Haggeyo 1:8

Yinamukiri oku ntondo, mujidurhira ebirhi, muyûbake enyumpa yâni. Nâhiramwo amasîma gâni, n’irenge lyâni ligandâzemwo, Nyamuzinda okudesire.

1 Bâm 8:10

Erhi bunôla bayûs’irhenga omwo hatagatîfu, ecitù cayisha cabwîkira aka-Nyamuzinda.