Habakuki 3:2 - BIBLIYA NTAGATIFU OMU MASHI

² Yâgirwa, Nyakasane, nayumvîrhe bashambâla emikolo yâwe y’okurhangâza nieshi nayunjula bwôba. Mwa gano mango g’akalamo kîrhu oshub’izûsa emikolo ya bene eyo, oyimanyîse oku bantu. Ciru akabà mpu ogwêrhe ecirhumire wakunira, oshub’irhuyêrekeza olukogo lwâwe.

Habakuki 3:2 ပူးပေါင်းရင်းမြစ်များ

Ezra 9:8

Ci konene buno, Nyakasane, Nyamuzinda wîrhu arhanzirirhubêra obwonjo erhi alanga muli rhwe emisigala, anarhuha aha rhwayâkira omu hantu hâge hatagatîfu lyo Nyamuzinda wîrhu arhuyigula amasù, anarhuhè akalamo muli omu bujà bwîrhu.

Ayubu 42:5

Niono ntakuyishigi kundi okurhali kw’emihwalenge y’abantu omu nshambâlo zâbo, Ci lêro nâni, buno amasù gâni gamâkulolakwo.

Ennanga 119:120

Ndwîrhe nageramwo omusisi erhi kurhimanya kurhuma, ngwêrhwe n’obwôba bw’akanwa waderhaga.

Ennanga 25:6

Yâgirwa, kengêra obwonjo oyôrha ôbà; kengêra olukogo lwâwe lwa kurhenga mîra.

Ennanga 38:1

Lulanga. Lwa Daudi. Lwa kukengêza.

Ennanga 44:1

Gwârhi omukulu w’abimbiza. Lwimbo lwa Nyigîrizo. Lwa bene Korè.

Ennanga 71:20

We wanyêrekaga amalibuko ntya, we wananshubizamwo omûka, we wanashubindengeza onkûle omûla kuzimu.

Ennanga 78:38

Ci kwône yêhe akaz’ibafa lukogo omu kukaz’izâza obubî bwâbo n’omu kubula bwabaherêrhera; akaz’icika omutula gwâge àhâli h’okubarhulira kuli gwo.

Ennanga 85:6

K’okola wayôrha orhulubîre ensiku zoshi, nîsi erhi olubîre amâburhwa g’abantu goshi?

Izaya 53:1

Ndi wayêmîre oku rhwabwîragwa, n’okuboko kwa Nyakasane emwa ndi kwaciyêrekîne?

Izaya 54:8

Omu bukunizi bwâni, nakufulika obusù bwâni hisanzi hisungunu, ci nkola nâkufà bwonjo erhi buzigire bwâni bw’ensiku n’amango burhuma, kwo adesire Nyakasane, Mucunguzi wâwe.

Izaya 63:15

Sinza kurheng’emalunga, ocîbonere kurheng’ebwa ndâro yâwe ntagatîfu n’ey’iranga. Ngahigi olûji lwâwe n’oburhwâli bwâwe byàjire? K’okuboko kwâwe n’obwonjo bwâwe kuli nie byàhwîre?

Izaya 66:2

Ebyôla byoshi maboko gâni gabijiraga, biri byâni ebyôla byoshi, Nyakasane okudesire. Alaga oyu ndolakwo: omukenyi n’omunyinyi, ogeramwo omusisi omu kuyumva oluderho lwâni.

Yeremiya 10:24

Orhuhane Yâgirwa, cikwône omu lugero lwinjà buzira mungo, rhwakanahungumuka rhweshi.

Yeremiya 10:7

Ndi orhankakurhînya, mwâmi w’amashanja? Nêci, oli wa kurhînywa! Bulyâla omu bagula b’amashanja boshi, n’omu mâmi gâbo goshi, ntâye bakakugererakwo.

Yeremiya 29:10

“Bulyâla kwo adesire ntya Nyakasane: Amango emyâka makumi gali nda e Babiloni yâbà yamâhika, nâmurhandûla nnanyunjuze omulagi namulaganyagya gw’okumugalula eno munda”.

Yeremiya 46:28

“W’oyo murhumisi wâni Yakôbo, orhayôbohaga, Kanwa ka Nyakasane, bulya ndi haguma nâwe. Nkola nakabya galya mashanja goshi nakushandâzagyamwo, ci wêhe ntakuherêrekeze, cikwône nakuhana omu kushimba olushika, orhakalekwa buzira buhane”».

Ndûlù 3:32

Bulya ciru ankamubabaza, kurharhuma arhamubabalira omu lukogo lwâge lunene.

Daniyeli 8:17

Anaciyêgera halya nali, n’erhi ahika ho nieshi narhungwa n’obwôba, nakumba bûbi. Anacimbwîra erhi: «Yumva wâni mwene omuntu oku ebyôla bibonekîne biyêrekîre amango mazinda».

Daniyeli 9:2

omu mwâka gwâge murhanzi gw’okuyîma kwâge, niono Daniyeli nakagisoma omu bitabu omubalè gw’emyâka yali egezirwe n’akanwa ka Nyamubâho emwa omulêbi Yeremiya mpu gwo mango Yeruzalemu abà ashandabîne: yahika omu myâka makumi galinda.

Habakuki 3:1

Ogu gwo musengero omulêbi Habakuki ayêrekezagya Nnâmahanga guli nka kulaka mulenge.

Habakuki 3:16

Nayumvîrhe okwo, obulà bwâni bwajuguma, eryo izù lyarhuma akanwa kandirhimana; akafinjo kangera omu rhuvuha, obwôba bwantwa enjingo z’amagulu. Ndwîrhage nalingûza n’omwîshingo olwo lusiku lw’ebihamba, olwâyishira ishanja likaz’irhulibuza.

Zakariya 1:12

“Malahika anaciyâkûza, erhi: Nyakasane w’Emirhwe, ekola myâka makumi gali nda eyi erhi obêrîre Yeruzalemu burhè haguma n’ebishagala bya Yûda. Mangacigi wabahabalira?”»

Yowane 10:10

Ecishambo cikîsha, erhi kuzimba ciri n’okuyîrha n’okusherêza. Niehe ecandwîrhe, nti ebibuzi bibone akalamo, akalamo kanene.

Barom 10:16

Ci kwône arhali boshi bayankirîre Emyanzi y’Akalembe. Izaya akudesire, erhi: Yâgirwa, ndi wayêmîre obugo bwîrhu?

Bafilipi 1:6

Nnamanyire oku owarhondêraga ogu mukolo mwinjà muli mwe, aguyûkiriza lwoshi, kuhika Olusiku lwa Kristu Yezu.

Bahabraniya 11:7

Buyêmêre bwarhumaga Nûhu; erhi àbà amamanyîsibwa ebirhaj’ibonekana, àyumva obwôba bw’obukenge kuli Nnâmahanga, ànabinja enkuge mpu lyo afumya omulala gwâge. N’obuyêmêre bwâge àyigîriza igulu, ànahinduka mwîmo gw’obushinganya bulêrhwa n’obuyêmêre.

Bahabraniya 12:21

Ebyo byàbonekana bya kuyôbohya bwenêne, ciru Mûsa aderha, erhi: Ngwêrhwe n’obwôba, nnandwîrhe nadirhimana.

Mafulûlo 15:4

Ndi orhankakurhînya, Nyakasane, akanakuza izîno lyâwe? Bulya wêne­ne we mwimâna, n’amashanja goshi gayish’iharâmya embere zâwe, ku­lya kubà akanwa kâwe kâjire kamanyibwa»