Habakuki 2:8 - BIBLIYA NTAGATIFU OMU MASHI

⁸ “Mwahagwîre mashanja manji bwenêne, nago agandi mashanja gasigîre gakolaga gammuhagula, erhi omukò mwabulazire gurhuma, haguma n’obubî mujirira ebihugo, ebishagala na benebyo!”» II

Habakuki 2:8 ပူးပေါင်းရင်းမြစ်များ

Ennanga 137:8

Kashâba we, mwâli wa Babeli, ali w’iragi linene owabona amabî warhujirîre.

Migani 22:23

Bulya Nyakasane ye basambira, n’abahaguzi, yêhe mûka abahêka.

Izaya 33:1

Buhanya bwâwe, we kashâba orhashâbirwa, we mulenzi orhalenganywa! Amango wâbà wamâyûs’ishâba, nâwe washâbwa, amango wâbà wamâyûs’ilenganya, nâwe wâlenganyibwa!

Izaya 33:4

Ebi wanyagaga kwo babiguka nka kula baguka amahanzi; kwo bacîhunika kuli byo nka hitù hya nzige.

Izaya 47:6

Nali nkunirîre olubaga lwâni, naleka bahemula akashambala kâni, nakulikiraga. Wêhe orhabafaga lukogo, ciru n’abashosi wabavondamya n’omuzigo gwâwe!

Yeremiya 27:7

“Amashanja goshi gâmukolera, ye n’omugala n’omwinjikulu, kuhika nago amango gayandikîrwe ecihugo câge gahike, lyo amashanja mazibu-zibu n’amâmi makomokomo bamuya­ndagaza”.

Yeremiya 30:16

“Cikwône ngasi boshi bakulya nabo, bakolaga bâlibwa ngasi abashombanyi bâwe boshi, bakola bâgwârhwa mpira; ngasi bàhagulaga ebirugu bwâwe, nabo ebyâbo byâhagulwa; na ngasi bàkugaya­guzagya nabo bakolaga bâgayaguzibwa”.

Yeremiya 50:14

“Mwe nfôla-miherho mweshi, muyishe mugorhe Babiloni mumuzunguluke. Mumulikirekwo emyampi yinyu, murhayibabaliraga, bulà agomîre Nyakasane”.

Yeremiya 50:28

Yumvi olubî abayasire abo, abafulumusire e Babiloni, badwîrhe omwanzi e Siyoni, mpu: Nyakasane Nyamuzinda wîrhu anacîhôzire, anacîhôlîre aka-Nyamuzinda kâge katagatîfu.

Yeremiya 50:37

Engôrho oku biterusi byâge, oku ngâlè zâge, oku mashanja ga ngasi lubero gamulwîrakwo; boshi bahinduke ngonyi za bakazi! Engôrho oku bahirhi bâge, boshi bahagulwe!

Yeremiya 51:13

We yûbaka oku burhambi bw’enyîshi, we mugale omu mihako, ôlwâwe lwahwîre, amango gakuhikîre.

Yeremiya 51:24

Cikwône, kwo Nyakasane adesire, mukolaga mwabona lêro kurhi nagalulira Babiloni n’abantu bâge amabî goshi bajizire e Siyoni.

Yeremiya 51:44

Nyakasane amanyîsize, erhi: «Namâhana Beli, nyamuzinda w’e Babî­loni; namushaza ngasi byoshi adwîrhe amirangusa. Amashanja gahusa okukazija emwâge? Ecôgo ca Babiloni cahongosire.

Yeremiya 51:48

“Go mango empingu n’igulu na ngasi bimubà byoshi byabanda endûlù kuli Babiloni, bulya abamushandâza bayiruka, bahubuka olunda lw’enyanya. Ntyo kwo Nyakasane ogala byoshi adesire”.

Yeremiya 51:8

Lêro Babiloni ahirimire oku caligumiza, y’oyo wamashanguka. Mumubandirage endûlù, mulonze obufumu mumurhûlirizemwo amalumwa gâge. Ka kurhankanaba erhi ankacifuma.

Ezekiyeli 28:16

Oburhimbûzi bwâwe bwakuyunjuzize budârhi n’ebyâha. Nakuyandagazize bimbirimbiri okwôla ntondo ya Nyamuzinda, na kerûbini wakazâgikulanga àkulengerîze omu karhî k’amasèsè.

Ezekiyeli 39:10

Ebwa kubà eyo mirasano yo bakaz’itwâna oku muliro, bagend’itungôla abakazâg’ibatungôla, bâgend’inyaga abakazâg’ibanyaga, kwo adesire Nyakasane Nyamubâho.

Amosi 3:10

Barhishi bushinganyanya, Nyakasane okudesire, bulyâlya na bushambo bwône omu nyumpa zâbo.

Abudiya 1:15

Bulya olusiku Nyakasane abâna amashanja luli hôfi; oku wajizire kwo nâwe wâjirirwe: ebijiro byâwe byâkugalukira! Orharhôlaga obuhirhi bwâbo amango bali omu malibuko.

Habakuki 2:10

“Emihigo yinyu ebà ya kubonêsa balungu binyu nshonyi: muli okwo kuhungumula mbaga nyinji, kali kalamo kâwe ako wahizire omu mbaka”.

Habakuki 2:17

Emyônè yakolagwa e Libano ekolaga yammugalukira; mwahungumwireyo ebintu, ebintu nabyo bikolaga byâmmujugumya. Okwo kwoshi kwâbà erhi omukò mwabulazire gurhuma, haguma n’amaligo mujirira ebihugo, ebishagala na benebyo. V

Zakariya 1:15

“cikwône oburhè bunene bungwêrhe erhi mashanja g’obucîbone garhuma. Bulya amango oburhè bwâni bwaciri busungunu kuli Israheli, gohe gashangîra oku kumusherêza”.

Zakariya 14:12

Lolagi ebibande Nyakasane âyish’ihebakwo balya balwîsagya Yeruzalemu: Omubiri gwâbo gwâyish’ihonyôka erhi banayimanzire; amasù gâbo gâyish’ibolera omu byanga, olulimi lubabolere omu kanwa.

Mafulûlo 6:10

Banaciyâkûza n’izù linene, mpu: «Mâshi Nyamwagirwa, Mwimâna na Nn’okuli, kuhika mangaci wayôrha orhatwîri olubanja orhanahôziri omukò gwîrhu oku bantu b’igulu?»