Habakuki 2:7 - BIBLIYA NTAGATIFU OMU MASHI

⁷ “Mwâgwârhirwa emumiro, abà mubà omu myenda yâbo bâjalabuka caligumiza bammugezemwo omusisi, nabo babè bo bammuhagula”.

Habakuki 2:7 ပူးပေါင်းရင်းမြစ်များ

Migani 29:1

Omuntu oyumva bamukalihira acîkenyegule, kukenyuka anakenyuka burhalûnga.

Muhanûzi 10:8

Ohumba omwîna anagugwemwo, n’ohumba olukûta, enjoka enamulume.

Izaya 11:13

Lêro obumvu bwa Efrayimu bwanahirigirha obwo, n’abashombanyi ba Yûda bahungumuke. Efrayimu arhakacîbikira Yûda bumvu na Yu­da arhakacishomba Efrayimu.

Izaya 41:25

Namuhamagîre kurhenga ebulembe, ye oyu oyîshire; kurhenga ebushoshôkero bw’izûba, namuyâkûza omu izîno lyâge. Ayish’alabarha abarhegesi b’ebihugo nka bijondo, kula omubumbi ahinanga ibumba.

Izaya 46:11

Kurhenga ebushoshôkero bw’izûba, nâhamagala enyunda, na kurhenga ecihugo c’ihanga, omuntu wâyukiriza emihigo yâni. Oku nadesire kwo nnanjira, Oku mpiga kwo nnanyûkiriza.

Izaya 47:11

Obuhanya bwakurhibukirakwo, ohabe kurhi wâburhanga: ibala lyâkurhogerakwo, ohabe kurhi waliyâka; nyamanjà acikwîhondakwo oku irindo liguma orhanamanyiri.

Yeremiya 51:11

Hagiki ebisonga binyu. Nyakasane amâzûsa oburhè bw’abâmi b’Abamedi, bulya ahizire mpu kuhika ashâbe Babiloni. Lwihôlo lwa Nyakasane olwo. Lwihôlo lw’aka-Nyamuzinda kâge. Murhyâze emyampi yinyu, muyibumbe emirhamà.

Yeremiya 51:57

“Nâbalalusa, abaluzi n’abashinganyanya bâge, abarhambo bâge, abajinji n’emirhwe-entwâli z’abalwî bâge, bayishigwîshira n’okujà îrò ly’ensiku n’amango, barhankacizûka bundi, kwo Mwâmi Mukulu oderhwa Nyakasane w’Emirhwe adesire”».

Yeremiya 8:17

Nêci, lâba oku we ntumîre enjoka nkali zirya zirhadogêzibwa; zakuluma, ye kudesire Nyakasane na ntà bufumu.

1 Batesalonika 5:3

Amango abantu baderhe mpu: «Murhûla na kalembe», lyo obuhanya bwâbahonere oku caligumiza, kula emikero mibishi enarhogera omukazi oli izîmi, barhakanabona oku bayâka.