Habakuki 1:8 - BIBLIYA NTAGATIFU OMU MASHI

⁸ Ebiterusi byâgwo byo bikanya kulusha akakiri, byo bigesha kulusha e­mpangaza z’ebijingo. Abarhabâzi bâbo bayisha bacinagira, barhenga erhali hôfi, kwo bahalala nka kula ikozi linashiha omunyama gwâlyo.

Habakuki 1:8 ပူးပေါင်းရင်းမြစ်များ

Yeremiya 4:13

Lâba oku kashâba asôka nka citù, engâlè yâge kwo eri nka mpûsi, endogomi zâge zo zâkanya kulusha amakozi, rhwamahera! rhwamahwa!

Sofoniya 3:3

Abagula ba muli co zibà ntale zikaziyâna; abashamuka baco zibà ngwi zija zahiva bijingo, zirhabîke n’akantu zashanshanyula sêzi.

Hozeya 8:1

Bûha omushekera. Nka nyunda, obuhanya bwamacihunika oku nyumpa ya Nyamuzinda w’Israheli, bulya bàvunyire eciragâne câni, banakabu­lira irhegeko lyâni.

Ezekiyeli 17:3

oderhe, erhi: Ntyâla kwo adesire Nyakasane Nyamubâho: Enyunda nnene, ya byûbi birîbirî na ya mujunja mulîrî, eyàli eyunjwîre môya ga ngasi ibara, yanacija e Libano, yanacigwa aha irhwe ly’omurhi gw’omuyerezi.

Yeremiya 5:6

Co cirhumire entale y’emuzirhu yâbarhêra, nyambwe w’ebulambo abayônera, na kapiri alingire aha lusò lw’omurhundu gwâbo: ngasi wagurhengamwo erhi anahanyagîre bulyâla amaligo gâbo gali manji, amagoma gâbo gàluzire okubozire.

Lushika 28:49

Nyamubâho akutulira ishanja ly’ekulî, lyayisha libalire nk’ikozi, kurhenga aha kafende k’igulu. Lyabà ishanja orhamanyiri olulimi lyaderha,

Luka 17:37

Nabo banacimushuza, mpu: «Ngahi, Waliha?» Ababwîra, erhi: «Ngasi aha omurhumba gwâbè ho n’enyunda zâshubûkire».

Mateyo 24:28

Aha omurhumba gwâbè ho n’enyunda zâshubukire.

Ezekiyeli 17:12

Obwîre ogwôla murhwe gw’abagoma, erhi: Ka murhamanyirikwo kuderha kuci okwôla? Oderhe, erhi: Loli oku omwâmi w’e Babiloni ajire e Yeruzalemu; arhenza yo mwâmi n’abaluzi anacibahêka emwâge e Babiloni.

Ndûlù 4:19

Abarhushimbire bo babidu kulusha ikozi lyabalala omu nkuba-karhî. Bajà barhulibirhakwo omu ntondo, bajà barhuhengûza ciru n’omu iru­ngu n’okurhurhega.

Ayubu 9:26

Zikanyize nka bwârho bubidu, Nka kula akadûrha kacîhunika (oku mwâna-goko).

Izaya 11:14

Barhibukirakwo Abafilistini olunda lw’ebuzikiro bw’izûba, haguma bagend’ihagula amashanja g’ebushoshôkero. Bâgwârha Edomu na Mowabu, na bene Amoni babashiga.

Yeremiya 48:40

Ntya kwo Nyakasane adesire: (nka kula Nyunda alambûla ebyûbi anaj’ayêrêra enyanya za Mowabu).

Yeremiya 50:42

Abasirika bâbo bajà bashaganya amatumu n’engôrho, bali nka by’êru­ bala barhabâlira ndi. Bajà bajira olubî nka kula enyanja ekungula. Bashonyire oku biterusi banacikeresire bwinjinjà oku lugamba lw’amatabâro, w’oyo bayishîre wâni Babiloni.

Ezekiyeli 26:11

Ntà njira zâwe arhâlabarhemwo n’ensenyi z’enfarasi zâge, ânigûza olubaga lwâwe n’engôrho, ahenangula ensanamu z’abazimu bâwe ciru akabà zineneha.

Nahumu 2:5

Omu njira ebiterusi bicihîsize, byamâhârha omu mpandagazi: owabilangira anamanya mpu bibêye; byajà byalaza eyi n’eyi nka nkuba.