Habakuki 1:3 - BIBLIYA NTAGATIFU OMU MASHI

³ Carhuma wanyêreka obulyâlya, ogal’ilolêreza obubisha? Ntacidwîrhi nabona oburhali buhagwe n’akamene. Ekola ntambala n’enongwe byône bigandâzize.

Habakuki 1:3 ပူးပေါင်းရင်းမြစ်များ

Muhanûzi 4:1

Ncidwîrhe nasinza oku abantu barhindibuka hano igulu: lâba emirenge y’abalibuzibwa, barhanagwêrhi carhûliriza; lâba n’olunda lw’abalibuza abandi, emisî! barhagwêrhi cârhûliriza.

Muhanûzi 5:8

Bakubwîre mpu binjà bya lubaga birhumire, na mpu mwâmi balwîra.

Izaya 46:12

Muyumvagye, mwe b’emirhima mizibu, mwe muli n’obushinganyanya.

Izaya 5:7

Nêci! olukoma lw’emizâbîbu lwa Nyakasane Nyamuzinda w’Emirhwe, yo nyumpa y’Israheli; nabo abantu ba Yûda, yo mburho arhonyagya. Abalingakwo obushinganyanya, ci bôhe babà banyankola-maligo; abalonzakwo oburhondekezi, ci zâbà ndûlù.

Yeremiya 15:10

Namâhera, nyâmà nieki, we wambusire muntu wa kadali n’enongwe omu cihugo coshi! Oku ntalya ntanahana mwenda, kurhahanga boshi barhanshomba.

Yeremiya 20:18

Lêro cici carhumaga ntenga omu nda mpu ndibuke, ntindibuke nnanyûse ensiku zâni omu nshonyi?

Yeremiya 20:8

Erhi naciderha erhi kuyâma n’okuyakûza mpu: zâtula akavu, zinashûbe. Akanwa ka Nyakasane kabîrage kuli nie, igwârhiro ly’okugâywa n’okushekerwa bwaca-bwayira.

Ezekiyeli 2:6

Ci woyo, mwene omuntu, orhabayôbohaga, orhanayôbohaga ebinwa byâbo, bulya oli ekarhî kâbo nka ôli ekâgarhî k’emishûgi na bulya otamîre oku mahiri-joka. Orhayôbohaga ebinwa byâbo orhanabayôbohaga bône, bulya liri iburha lya bagoma.

Mateyo 10:16

“Mubwîne oku mmurhumire nka bâna-buzi omu karhî ka bacihazi. Mubè bîrhonzi nka njoka na bîrhôhye nka ngûkù”».

2 Petro 2:8

bulya oyo mushinganyanya wayûbakaga ekarhî kâbo akâg’iyumva ababîre omu murhima gwâge mwêru-kwêru erhi ebijiro byâbo bibî akazâg’ibona n’okuyumva birhuma,